Napoli shtyn festën e Juventusit, çon Chievon në Serie B (video)

April 14, 2019 21:03

Napoli shtyn festën e Juventusit, çon Chievon në Serie B (video)

Napoli ka fituar në transfertën e “Bentegodit” ndaj Chievos së vendit të fundit me rezultatin 3-1, një rezultat që përveçse shtyn festën e titullit të radhës për Juventusin, zyrtarizon edhe matematikisht rënien e Chievos pas kaq shumë vitesh në kategorinë inferiore, Serie B.

I ndodhur 17 pikë larg kreut, ekipi napolitan i drejtuar nga Carlo Ancelotti ka fituar falë dygolëshit të shënuar nga Koulibaly, në fillim dhe në fund të takimit, ndërkohë që regjistruan emrin e tyre mes golashënuesve edhe polaku Milik për Napolin dhe Cesar për vendasit.

Serie A do ta mbyllë javën e 32-të me takimin e së hënës, Atalanta-Empoli, por përpara saj i gjithë fokusi do të jetë në ndeshjen e radhës të Interit, që këtë mbrëmje do të udhëtojë drejt Frosinones së vendit të parafundit.

Në ndeshjet e tjera të zhvilluara këtë të dielë, Sampdoria fitoi 2-0 në derbin gjenovez ndaj Genoas; Torino barazoi 1-1 me Cagliarin, në një ndeshje “të skuqur” nga masat ndëshkimore; ndërsa me rrjeta të paprekura përfunduan sfidat Fiorentina-Bologna dhe Sassuolo-Parma.

v.l/ Dita

April 14, 2019 21:03
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Sondazh

A ËSHTË EDI RAMA I MAJTË?

Shiko rezultatin