Ndotja nga përmbytjet/ Si duhet të pastrohen depozitat e ujit

January 10, 2021 09:09

Ndotja nga përmbytjet/ Si duhet të pastrohen depozitat e ujit

Si shkak i ndotjes së shkaktuar këshillohet që të bëhet kujdes edhe me ujin e depozitave, të cilat në këtë rast duhet të pastrohen.

Pastrimi dhe dezinfektimi i depozitës së ujit të pijshëm ka për qëllim heqjen e llumrave dhe mikro-organizmave që janë të dëmshëm për shëndetin dhe është i domosdoshëm dhe në përgjithësi duhet të kryhet 1 deri 2 herë në vit, veçanërisht në rastet e përmbytjeve.

Udhëzuesi me hapat që duhen ndjekur për pastrimin dhe dezinfektimin e depozitës së ujit:

  • Para se të hapet depozita, pastrohet e gjithë sipërfaqja e jashtme e saj si dhe kapaku mbyllës.
  • Zbrazet uji që ndodhet në depozitë.
  • Hiqen llumrat që kanë dekantuar në dyshemenë e depozitës.
  • Pastrohet me furçë të ashpër, ose me ujë me presion, e gjithë sipërfaqja e brendshme e depozitës për të larguar papastërtitë.
  • Zbrazet uji i ndotur nëpërmjet valvolës së shkarkimit të depozitës.
  • Shpëlahet depozita me ujë të pastër derisa të pastrohet sipërfaqja e brendshme.
  • Dezinfektohet sipërfaqja e brendshme duke mbyllur fillimisht valvolat e tubacioneve. Më pas përgatitet
  • tretësira dezinfektuese me përqendrim 200 mg/l klor aktiv, teksa me një furçë të re, ose me pompë spërkatëse, spërkatet e gjithë sipërfaqja e brendshme e depozitës me këtë tretësirë dezinfektuese, dhe lihet të qëndrojë për të paktën 60 minuta.
  • Pas dezinfektimit, hapen të gjitha valvolat dhe shkarkohet depozita.
  • Shpëlahen depozita dhe tubacionet me ujë të pastër dhe të bollshëm për të eliminuar të gjithë klorin e mbetur në to.
  • Mbushet depozita me ujë të pijshëm të ujësjellësit.
  • Së fundmi, sigurohet mbyllja hermetike me kapak e depozitës; rekomandohet që kapaku të pajiset me dryn.

Pranvera Kola- DITA

January 10, 2021 09:09
Komento

4 Komente

  1. Uje Piresi January 10, 13:34

    Mire depozita, puna eshte ke uji, a eshte i paster apo jo? Jo se, ne e pastrojme depoziten, po pastaj depozita mbushet me ujin e piset qe vjen nga ujesjellesi dhe…

    Reply to this comment
  2. Tori January 11, 09:12

    S’ka mundesi qe uji i pijshem te jete i piset ! Te gjithe mund te pyesin se si ka mundesi qe depozita behet pis ( me llum ),ja pra nga shiu qe bie ne dimer.Nje gje nuk jam i sigurte,mire se Tirona ka uje gjith diten por po ne ne rrethe a kemi mundesi ti kryejme gjith keto veprime mbrenda orarit qe vjen uji ? E veshtire me duket.

    Reply to this comment
  3. *** January 11, 11:48

    Shëmtinë më të madhe Tiranës ja shkaktojnë këto depozita, që janë edhe burrime infeksioni. Kujtoni se i pastron njeri ato?! Zgjidhja është furnizimi me ujë 24 orë dhe heqja e tyre.

    Reply to this comment
  4. THIRRJE.... January 11, 20:47

    depozitat e ujit futen tek veprimi me mafioz e kriminal i nje pjesete shoqerise shqipetare .
    jepni uje 24 ore . dhe mafja e bidonave, depozitave dhe e mijra pompave me vakum qe cmendin ket’ popull, qe dhe pa keto i cmendur eshte, te kalojne perpara …SPAKU-T .

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim