Ndryshon mosha e pensionit / Grave iu shtohen edhe 2 muaj

January 3, 2018 09:46

Ndryshon mosha e pensionit / Grave iu shtohen edhe 2 muaj

Me nisjen e vitit të 2018 ndryshon mosha e daljes në pension për gratë si dhe vitet e vjetërsisë në punë për burrat.

Kjo pasi, sipas reformës, që hyri në fuqi në janar të vitit 2015, parashikohet një rritje graduale e moshës dhe vjetërsisë në punë, çka lidhet direkt me masën e pensionit.

Kështu, gjatë këtij viti një grua duhet të jetë 60 vjeç e 8 muaj, në mënyrë që të përmbushë kriteret e daljes në pension.

Me ndryshimet që iu bënë ligjit “Për sigurimet shoqërore”, parashikohet një rritje e moshës së daljes në pension me dy muaj në vit, duke u bërë 63 vjeç në vitin 2032.

Më pas do të nisë rritja e moshës edhe për burrat, për të shkuar në 67 vjeç në vitin 2056, për të dyja gjinitë.

Por, ndonëse burrat nuk preken menjëherë nga zgjatja e moshës së daljes në pension, ata ndikohen nga rritja e viteve të vjetërsisë në punë.

Kjo do të thotë se, nëse një burrë, në dhjetor të vitit 2014 duhej të kishte 35 vite vjetërsi, nga data 1 janar 2018 duhet të ketë 36 vjet e 4 muaj.

Referuar legjislacionit në fuqi, rritja graduale e vjetërsisë ndikon drejtpërdrejt në masën e pensionit të pleqërisë, duke qenë se është një prej përbërësve të formulës për përllogaritjen e tij.

January 3, 2018 09:46
Komento

3 Komente

  1. Arberia January 3, 12:44

    Korigjim: Pensionet e Varferise, jo te Pleqerise.

    Reply to this comment
  2. Reforma rilindjotesh... January 3, 14:33

    REFORMA RILINDJOTESH !

    Prisni kokpalare, prisni, se s’keni pare gje akoma !

    Reply to this comment
  3. Adih January 3, 21:16

    Rritje te moshes ka ,kurse ritje parash per pensionistet nuk ka ,edhe pse i dyfishuan taksat keta te tepsise . Ja dhate timonin , tani mbajeni e . Keni shume per te pare ,prisni prisni .??? .Ah korbit i nxihen cdo dite e me shume pendet …Tna rroje PPSH.

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*