Ne pa kushte krejt luftuam…

March 18, 2015 17:59

Ne pa kushte krejt luftuam…

Arben Duka

Në Kështjellën e Lirisë,
të gjithë vumë nga një gur,
se dhe kënga – se dhe vargu,
janë bombë edhe flamur!

Një i vetëm, e pamundur,
s’u bën dot derman tiranëve,
dhe sikur të jesh përkundur,
ti në djepet e viganëve!

Duhen shumë edhe më shumë,
të ndezur nga një ide,
mbi armiqtë e lirisë,
bashkë të bëhen si rrufe

Se veç shpresa dhe besimi,
ishin flakë e zjarrit tonë,
vetëm një ide e madhe,
mund të bëjë revolucion.

Domosdo që ka merita,
ai që idenë e dha,
po këtu fjalën e fundit,
vetëm POPULLI e tha.

Po këtu fjalën e fundit,
vetëm POPULLI e tha,
në i dalt’ sot njeri kundër,
do të jetë një maskara

Kush nuk e kupton lirinë,
gjithmonë bie në humnerë,
populli ta jep fuqinë,
dhe sërish Ai ta merr!

Ne pa kushte krejt luftuam,
që kur nisëm në fillim,
po liria që fituam,
duhet mbrojtur me çdo çmim!

Vetëm ishim, vetëm jemi
ne të Ditës… Qeveri,
mbi të gjitha duam sot
që të bëhet Drejtësi.

Nuk dua të bëj Kasandrën,
se jam vetëm një poet,
them se një zhgënjim i ri,
pushkatim do qe vërtetë.

Luftuam për këtë ditë,
them se doli e vërteta,
i provuam mizoritë,
ndaj dhe presim të nis jeta!

Ndaj dhe presim të nis’ jeta
edhe më s’po bëjm komente,
dhe askush me Shqipërinë,
mos bëj më, eksperimente.

March 18, 2015 17:59
Komento

2 Komente

  1. bostonian March 18, 18:24

    Tamam

    Reply to this comment
  2. LOVE March 18, 19:15

    BRAVO !!!!

    Reply to this comment
Shiko komentet

Komento

Your e-mail address will not be published.
Required fields are marked*