DW: Deputetët e CDU-CSU kanë fokus Shqipërinë javën që vjen

September 6, 2019 16:30

DW: Deputetët e CDU-CSU kanë fokus Shqipërinë javën që vjen

Javën e ardhshme deputetët e grupit më të madh në parlamentin e Gjermanisë (Bundestag), CDU/CSU, do të merren intensivisht me Shqipërinë, në kërkim të një qëndrimi për çeljen e negociatave, shkruan DW.

Të përfshirë do të jenë kryesisht deputetët kristian-demokratë e kristian-socialë të grupit të punës së Ballkanit Perëndimor, i cili drejtohet nga nënkryetari i Grupit Parlamentar të CDU/CSU-së Johann David Wadephul (CDU), si dhe grupet e punës për çështje të Bashkimit Evropian dhe ato të Jashtme.

Gjatë javës së ardhme ata pritet të takohen si me përfaqësues të qeverisë gjermane, ashtu edhe me kryeministrin e Shqipërisë, Edi Rama.

Ky i fundit pritet të thirret të premten e ardhshme (13.09) në Berlin, sipas Deutsche Welle.

Sipas saj, një pjesë e deputetëve të CDU/CSU-së janë të prirur t’i japin Shqipërisë një “Po! me kushte”, por ka një pakicë të fortë, që mendon se Shqipëria nuk është ende gati as për kaq.

Përveç kushteve të formuluara më parë në lidhje me reformën e gjyqësorit, krimin e organizuar dhe reformën zgjedhore, pritet të shtohen edhe sqarimi i ligjshmërisë së zgjedhjeve lokale të qershorit 2019 dhe sqarimi i akuzave për shitblerjen e votave në zgjedhjet e kaluara.

Vendimin përfundimtar grupi i CDU/CSU-së pritet ta marrë në datën 24 shtator. Qëndrimi i CDU/CSU-së duhet të jetë i njëjtë me atë të qeverisë gjermane dhe të partnerit të koalicionit SPD.

Kjo e fundit dhe Ministria e Jashtme e drejtuar prej saj, është shprehur qysh më parë për një fillim të menjëhershëm të negociatave me Shqipërinë.

Nëse unifikohen qëndrimet, pritet që më 27 shtator ky qëndrim të votohet në seancën plenare të Bundestagut – shkruan DW.

o.j/dita

September 6, 2019 16:30
Komento

1 Koment

  1. Adih September 7, 02:19

    O Gjermane ,na i lini rehat cunin e Tirones me atlete te bardha .dhe pse e keni kaq shume zili ? Ju lutem mos ja kerkoni Reformen zgjedhore ,se e keputet ne mes ,.Ju lutem mos i kerkoni pse shkel kushtetuten nenin 181 posacerisht per pronat .Ska gale se pagojme ne kokpalaret e “pasur ” me taksat tona per keto vjedhje nga pushtetaret ripjellas ,qe jane komplet te pa pergjegjshem ..Krimin e organizuar e ka lene ,spo mbjell me droge ,(Prisni sa te shitet ajo e vjecmja ) ..Dhe Rama , ju jep fjalen e nderit ,se ne votimet e tjera , nuk do perdori me telefona ate dite ,dhe nuk ka njeri me shanc qe ta pergjoje ..Skeni per tu zhgenjyer me … .

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim