Nënkryetari i LSI i kërkon “llogari” Presidentit: A e pyete ministrin teknik për drogën?

August 4, 2017 18:45

Nënkryetari i LSI i kërkon “llogari” Presidentit: A e pyete ministrin teknik për drogën?

Nënkryetari i LSI-së Luan Rama ka reaguar pas takimit të sotëm mes Presidentit Ilir Meta dhe Ministrit të Brendshëm Dritan Demiraj, që siç u tha nga zyra e shtypit ishte përqendruar tek situata nga zjarret në vend.

Por Luan Rama risjell në vëmendje listën ‘e famshme’ të deklaruar të 124 kriminelëve të drogës.

Ai pyet nëse është informuar Presidenti në lidhje me këtë listën dhe kërkon angazhimin e të gjitha institucioneve, duke përfshirë SHISH.

Nënkryetari i LSI shprehet se nëse në takimin e sotëm Meta nuk është njohur me këtë çështje atëherë duhet ta thërrasë sërish ministrin e Brendshëm.

Statusi i nenkryetarit te LSI ne rrjetin social

Vëmendja tek zjarret, nuk duhet të na bëjë të “harrojmë” listën e kriminelëve të drogës!

Siç bëhet e ditur zyrtarisht, Presidenti i Republikës zhvilloi një takim me Ministrin e Brendshëm, gjatë të cilit, citoj njoftimin zyrtar të zyrës së shtypit të Presidencës:

“… Kreu i Shtetit i Shtetit diskutoi me shqetësim dhe vëmendje maksimale mbi situatën e rëndë në të cilën ndodhet vendi ynë për shkak të zjarreve në disa qarqe”.

Natyrisht, njoftimi është më i gjatë e më i detajuar, por thelbi është në çfarë citova më lart.

Shumë mirë deri këtu! Sepse zjarret po djegin Shqipërinë!

Dhe me gjithë përpjekjet e sforcuara dhe angazhimin e një morie institucionesh, edhe për shkak të një strukture inefiçente të mbrojtjes kundër zjarrit e të pa pajisur me e mjetet e nevojshme, zjarret vazhdojnë të bëjnë kërdinë, sidomos në pyje, e të mbeten një rrezik i madh.

Mirëpo unë gjetiu e kam fjalën.

A u informua Presidenti i Republikës prej Ministrit të Brendshëm për atë “zjarrin” tjetër, për drogën që po e djeg Shqipërinë prej vitesh e që u rindez në kohën e Rilindjes në të gjithë teritorin e vendit?

A ju bë e njohur Presidentit të Republikës lista me 124 emrat e shpallur si kriminelët e drogës prej vetë Kryeministrit e më pas edhe prej Ministrit të Brendshëm?

Vëmendja tek zjarret që po djegin Shqipërinë, nuk duhet të na bëjë të harrojmë listën e kriminelëve të drogës!
E meqë po bëhet mbi një javë që Kryeministri deklaroi se e ka këtë listë, a ka ndërmarrë ndonjë veprim procedurial Prokuroria, qoftë edhe kryesisht, siç e lejon edhe Kodi i Procedurës Penale, pavarësisht faktit nëse e dërgon në Prokurori këtë listë Kryeministri apo jo?

Eshtë koha për luftë me forcën e ligjit ndaj çdo veprimtarie kriminale e sidomos, ndaj kultivimit e trafikimit të drogës!

Ndaj Presidenti i Republikës, nëse nuk është informuar zyrtarisht nga Ministri i Brendshëm për “listën me 124 emrat e kriminelëve të drogës” dhe se çfarë po bëhet për t’i dërguar ata në duart e ligjit, duhet ta thërrasë sërish.

Duhet ta thërrasë e jo vetëm të informohet.

Duhet të thërrasë edhe Prokurorin e Përgjithshëm, edhe Drejtorin e SHISH, edhe Kryeministrin, sepse lufta kundër drogës duhet kthyer në një aksion kombëtar.

Kjo është një luftë që duhet fituar medoemos, për të shpëtuar Shqipërinë!

August 4, 2017 18:45
Komento

5 Komente

  1. turi August 4, 20:06

    Nje loje apo nje budallallek “vetiak” i L.Rames?!

    Reply to this comment
  2. Fred August 4, 23:47

    Po o luan se nuk hane kush lajkat e monikes , po Ike o shkerthate thu aj ndonje gja ta besoj te tjeret jo legen me ta diktuar dikush tjeter fjalen buken sexin etj,,,, po Ike o legen nuk e don kush familjen e hajdutit Mona – iliri ,, nuk lahet muti me shurre ,, ik o legen nuk e kupton se je ba I merzitshem

    Reply to this comment
  3. MH August 5, 00:35

    Populli,shef,ndigjon.Por dhe vlerson!

    Kjo asht vertet opozite.Per tu vajtue me ngushllim.
    Gjasme e hedh muhabetin larg e larg ne adrese te liderit te vet po tashti President,i kerkon llogari:

    “A e pyete ministrin teknik për drogën”?

    Mos u bani qesharake.Jo vetem nuk i kerkove llogari per hesapet e bllokut.Por nuk i the:Si te ndodhi o i dashuri krye4ar i Partise.Po heshte dhe vashdoni me heshtje te mireqenun.

    Reply to this comment
  4. alphade August 5, 02:07

    Ky Luani me duket nje pordhac qe s’e ka shokun ! E hedh shume larg shurren ! Zbrit ne toke more malok !
    Sa ka pare Shqiperia dhe shqiptaret si ty e nje takem
    si Ty dhe te gjitheve u ka bere menderen te koka .

    Reply to this comment
  5. alphade August 7, 11:12

    Ky Ramushi me duket nje koqe mendjemadhi i pakori-
    gjueshem ! Ky i ka kembet ne toke apo flet nga Olimpi!
    Ule ca pjacen se po me dukesh tamam si Ai, Manjani !

    Reply to this comment
Shiko komentet

Komento

Your e-mail address will not be published.
Required fields are marked*