Nesër përfundon gjendja e fatkeqësisë natyrore nga COVID-i! Rama: Mund të shtyhet vetëm në zonat bregdetare

June 22, 2020 09:18

Nesër përfundon gjendja e fatkeqësisë natyrore nga COVID-i! Rama: Mund të shtyhet vetëm në zonat bregdetare

23 qershori (nesër) do të shënojë fundin e gjendjes së fatkeqësisë natyrore në vendin tonë, të shpallur për shkak të pandemisë COVID-19.

Përgjatë tre muajve, Shqipëria ka qenë në masa të rrepta sigurie të diktuara nga koronavirusi, të cilat u shoqëruan me kufizim të liri-daljes, mbylljes së bizneseve, shkollave, transportit publik, kufijve, pra në karantinë totale, masa këto të cilat erdhën duke e u lehtësuar.

Gjendja e fatkeqësisë natyrore u shpall më 24 mars, atëherë kur Shqipëria numëronte 5 viktima nga COVID-i dhe 123 të infektuar.

Më pas Kuvendi vendosi shtyrjen e saj me dy muaj, deri më 23 qershor me argumentin se me lirimin e masave shtrënguese pritej një rritje e numrit të të infektuarve, siç edhe ka ndodhur, dhe në këtë formë, qeveria do të kishte mundësi për të reaguar.

Ky vendim, u kundërshtua nga opozita, të cilët e cilësuan si një plan djallëzor të kryeministrit Edi Rama dhe qeverisë së tij, për të vijuar me tenderat sekret dhe për të kontrolluar qytetarët.

Më herët, kryeministri Edi Rama bëri me dije se qeveria nuk ka në plan që ta shtyjë sërish gjendjen e fatkeqësisë natyrore, por foli për një skenar që kishte të bënte vetëm me shtyrjen në disa zona, ose më konkretisht qytete bregdetare.

Megjithatë mbetet për t’u parë se cili do të jetë vendimi i Këshillit të Ministrave, nisur nga fakti që kjo deklaratë e Ramës u bë në një kohë ku Shqipëria nuk kishte shifra kaq të larta të të infektuarve dhe vdekje në 24 orë.

o.j/dita

June 22, 2020 09:18
Komento

2 Komente

  1. mirel June 22, 12:40

    E persedo e mbaje gjendjen e fatkeqesise natyrore vetem ne bregdet?

    Reply to this comment
  2. eDRAMA June 22, 14:00

    Ramuthi me shume veshtiresi e shpalli ate gjendje te fatkeqsise natyrore kur kembengulte si mushka ne fillim se nuk kishim ketu infektim me Covid 19. Tani e ka te veshtire te shkeputet nga ajo gjendje e fatkeqsise natyrore se e sheh si mundesi per te fshehur pas saj fatkeqsite qe ka shkaktu qeverisja e tij deshtake.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim