Nga PP-ja në PP

June 18, 2014 11:34

Nga PP-ja në PP

(Pjesa e dytë)

Rënia e Partisë së Punës
S’është se bëri ndonjë gjëmë
Komunistët fanatikë
E ringjallën me PD-në.

Nga PP-ja në PD
Nuk u shkel fjala e nderit
Se u bënë besnik të Salës
Gjithë besnikët e Enverit.

Nga PP-ja në PD
Rendën ish-ët turravrap
Kush qe i persekutuar
U persekutua prapë.

Ndaj të gjithë e kanë kuptuar
Me PD-në s’ka ditë të mbara
PP-së i mori stafetën
Për ta çuar më përpara.

Por të gjithë e kanë kuptuar
Pse po vuan Shqipëria
Se PD-ja nga PP-ja
Mori anët e këqija.

Duke ecur drejt PP-së
PD mori vetëm huqe
Ndaj sot ngjan me grua plakë
Që i bën buzët të kuqe.

Kjo parti që mori frenat
Pas kudo bëri tërmet
Donte dhe një kushtetutë
Të ishte Saliu mbret.

Të bëhej Saliu mbret
S’qe dëgjuar e s’qe parë
Edhe president i vendit
Edhe sekretar i parë.

Kjo parti që kapi vendin
Dhe e re, por dhe e vjetër
Përveç emrit “demokratë”
demokrate s’ka gjë tjetër.

June 18, 2014 11:34
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*