Nis sesioni i 74-t i Asamblesë së Përgjithshme të Kombeve të Bashkuara

September 17, 2019 16:15

Nis sesioni i 74-t i Asamblesë së Përgjithshme të Kombeve të Bashkuara

Këtë të martë, sekretari i përgjithshëm i Kombeve të Bashkuara, Antonio Guterres, hap sot sesionin e 74-t të Asamblesë së Përgjithshme të Kombeve të Bashkuara në Nju Jork.

Guterras do të prezantojë, atë, që duke filluar që sot, do të jetë president i kësaj asambleje për një vit: nigerian Tijjani Muhammad Bande.

Në prag të sesionit të ri, Guterrës u shpreh: “Në një botë që ndryshon me shpejtësi, ku çështjet e njerëzimit ndërlidhen gjithnjë e më shumë, Asambleja e Përgjithshme është platforma jonë universale për të ndërtuar konsensus për të mirën e përbashkët”.

Sesioni pritet tëhapet me mbledhjen e parë plenare dhe pas një minutë heshtje apo lutje, do të vijohet me fjalimin e Presidentit Muhammad Bande.

Muhammad Bande zëvendëson Maria Espinozën, e cila, në një konferencë shtyp u shpreh e kënaqur me punën e saj dhe të ekipit në lidhje me prioritetet e vendosura një vit më parë.

Ndër të tjera, Espinoza vlerësoi “fushatën globale kundër plastikës, takimin e nivelit të lartë për forcimin e gruas dhe punën për avancimin e axhendës multilalaterale

Sekretari i Përgjithshëm, Antonio Guterres vlerësoi punën e saj për multilateralizmin dhe afrimin e OKB me çdo njeri.

Më 24 shtator pritet të fillojë Debati i Përgjithshëm. Kryetarët e shteteve të 193 vendeve anëtare të Asamblesë së Përgjithshme do mbajnë një fjalim 15 minutësh. Sipas zakonit Brazili është vendi i parë që flet, pasuar nga SHBA dhe vendet e tjera me radhë.

Përveç fjalimeve, do të zhvillohen edhe pesë samite të nivelit të lartë për klimën, sigurimin shëndetësor universal, zhvillimin e qëndrueshëm, financimin e zhvillimit dhe samiti për zhvillimin e shteteve të vogla ishuj.

Asambleja e Përgjithshme është organi kryesor përfaqësues i Kombeve të Bashkuara dhe të gjitha 193 vendet anëtare kanë të drejta të barabarta votimi.

Ajo miraton traktate dhe rezoluta, por ato nuk janë juridikisht të detyrueshme.

e.ll./dita

September 17, 2019 16:15
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim