Nis zbatimi i marrëveshjes, PD cakton ministrat të dielën

May 19, 2017 16:48

Nis zbatimi i marrëveshjes, PD cakton ministrat të dielën

 

24 orë pas zyrtarizimit të marrëveshjes mes Partisë Socialiste dhe Partisë Demokratike, ka filluar të zbardhet rruga nëpër të cilën do të ecë zbatimi i saj, raporton Vizion+.

Së pari, Presidenti i Republikës Bujar Nishani duhet të dekretojë datën e re të zgjedhjeve të përgjithshme, por edhe të zgjedhjeve të pjesshme për Bashkinë e Kavajës.

Ndërkohe që mësohet se deri të dielën, Partia Demokratike do të ketë gati propozimet për zëvendëskryeministrin, 6 ministrat si dhe drejtorët që sipas marrëveshjes propozohen nga ajo.

Ky sqarim është dhënë nga vetë lideri i opozitës Lulzim Basha, i cili gjatë takimit me kryetarët e PD në rrethe, sqaroi se javën e ardhshme mbyllet edhe lista e kandidatëve për deputetë.

Lidhur me depozitimin e listës se kandidatëve për deputetë dhe regjistrimin e partive, mësohet se kodi elektoral nuk do të ndryshojë, pavarësisht se afatet janë djegur.

Burime pranë mazhorancës, bëjnë me dije se ligji zgjedhor nuk do te preket, dhe partitë e opozitës thjesht do të depozitojnë listën e kandidateve për deputetë në 26 maj, duke ia lënë vendimmarrjen Komisionit Qendror te Zgjedhjeve.

Java e ardhshme do te jete e ngjeshur për Parlamentin, i cili duhet te rimblidhet për të votuar jo vetëm ministrat e rinj dhe kreun e ri të Komisionit Qendror te Zgjedhjeve, por edhe ngritjen e komisioneve të vetingut.

May 19, 2017 16:48
Komento

1 Koment

  1. laver stroka May 20, 10:28

    MANOVRA

    Tre muaj me fjalë e ashpër ishte lufta
    Anallehësit thanë:”Do të digjet fshati!”
    Në qiell u hodhën plot shashka dhe pufka
    Me shtrëngime duarsh u shua inati.
    Maj 2017

    Reply to this comment
Shiko komentet

Komento

Your e-mail address will not be published.
Required fields are marked*