Nishani në Azerbajxhan, takon mikun e Berishës

March 11, 2016 10:18

Nishani në Azerbajxhan, takon mikun e Berishës

Presidenti Bujar Nishani dhe homologu i tij azer, Ilham Aliyev kanë zhvilluar një takim dypalësh, në kuadër të forumit të katërt global në Baku të Azerbajxhanit.

Të dy presidentët e vlerësuar si mjaft të rëndësishëm projektin e gazsjellësit TAP për gazifikimin e Shqipërisë. “Implementimi i projektit TAP do të ketë një impakt shumë pozitiv edhe për rajonin e Ballkanit Perëndimor”, është shprehur z. Nishani.

Presidenti azer Aliyev u shpreh mjaft i sigurtë në implementimin në kohë të gazsjellësit TAP, duke shprehur dhe mbështetjen e shtetit të tij për procesin e gazifikimit të Shqipërisë. Nishani dhe Aliyev u shprehën për organizimin e një Forumi të përbashkët Ekonomik për një platformë konkrete bashkëpunimi ekonomik mes dy vendeve.

Nishani pati takim edhe presidentin gjeorgjian Giorgi Margvelashvili dhe atë maqedonas, George Ivanov.

Kreu i shtetit u takua edhe me një grup të vogël shqiptarësh që jetojnë e punojnë në Azerbajxhan, duke i siguruar për vëmendjen në rritje që shteti shqiptar u kushton nevojave dhe kërkesave të shqiptarëve që jetojnë jashtë atdheut.

Aliyev njihet edhe si një mik i Sali Berishës.

March 11, 2016 10:18
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*