Nisin spastrimet te Partizani, ja katër “divorcet” e para

Nga Arkiva

• Riberi, Mesi e Ronaldo, tre finalistët zyrtarë 0 10.Dec
• De Biazi: Kjo merkato i shërben kombëtares 0 09.Jan
• Titulli dhe Europa kalon nga Tirana-Skënderbeu 0 25.Apr

Janari është më shumë se 30 ditë larg, por te Partizani ka filluar merkatoja e dimrit. Të paktën në “dalje”, në largime.

Fjala është për Shahinas, Selvagio, Herrera dhe Basrak, të cilët, nga dita e sotme nuk i përkasin më 15 herë kampionëve të Shqipërisë.

Klubi i kuq e ka zyrtarizuar këtë “divorc”, që paralajmëron një merkato aktive edhe në janar.

Nga prurjet italiane te Partizani mbijetojnë për momentin mesfushorët Adorjan dhe La Camera, si dhe sulmuesi Djidjiëa.

Ja njoftimi i klubit kryeqytetas: “Partizani falënderon lojtarët Romeo Shahinas, Andrea Selvagio, Eric Herrera dhe Milan Basrak për kontributin e dhënë me fanellën e kuqe.

Katër lojtarët e afruar përgjatë merkatos së verës kanë gjetur marrëveshjen me drejtuesit e klubit, duke mbyllur përgjatë ditës së sotme me mirëkuptim aventurën me 15 herë kampionët e vendit.

Klubi iu uron njëkohësisht lojtarëve të ndihen krenarë që kanë veshur fanellën e kuqe të Partizanit dhe suksese të mëtejshme në karrierën e tyre sportive”.