Një emër për pasuesin e Llallës. Skenarët për Prokuror të përkohshëm

December 6, 2017 19:46

Një emër për pasuesin e Llallës. Skenarët për Prokuror të përkohshëm

Nesër përfundon mandati i Adriatik Llallës. Po nesër, Komisioni i Ligjeve nis punën për ta zëvendësuar. Në një memo të brendshme, juristët e Kuvendit u parashtrojnë deputetëve të gjithë skenarët e mundshëm që parashikon ligji.

 Situata është e tillë që prokurori i ri do të jetë i përkohshëm dhe mund të zgjidhet me një grusht votash.

Në memon e shërbimeve të Kuvendit janë të gjithë skenarët e mundshëm që parashikon ligji. Skenari i parë është ai që parashikon ligji suprem, Kushtetuta: Zgjedhja e Prokurorit të Përgjithshëm bëhet me 84 vota mes tre kandidatëve të propozuar nga Këshilli i Lartë i Prokurorisë. Por memoja vë në dukje faktin se Këshilli i Lartë i Prokurorisë nuk është krijuar ende. Pra, nuk jemi në kushtet që parashikon kushtetuta.

Memoja ndalet te momenti i dytë, kur Prokurorit të Përgjithshëm i skadon mandati dhe Këshilli i Lartë i Prokurorisë nuk është krijuar ende. Kjo situatë parashikohet nga dispozitat kalimtare të ligjit të Prokurorisë. Në këtë rast Kuvendi vendos që funksionet e Prokurorit të Përgjithshëm i kryen prokurori me më shumë eksperiencë që përmbush kriteret ligjore.

Kriteret kanë të bëjnë me vitet e punës, titujt shkencorë, etj. Por kriteri thelbësor është ai i Vettingut. Procesin e Vettingut, sot që flasim, nuk e ka kaluar askush, ndonëse po skanohen të gjithë. Ndaj nëse do të kërkonim një emër mes kandidatëve për Prokuror të Përkohshëm, duhet të shohim kriteret e tjera: eksperiencën në punë dhe titujt shkencorë.

Por sa vlerë kanë kriteret profesionale kur kriteri kryesor, ai i Vettingut nuk është përmbushur ende? Mazhoranca duket se e konsideron të panevojshëm zbatimin e kriterit të Vettingut, përderisa nuk kemi asnjë institucion të drejtësisë të ngritur me njerëz që kanë kaluar Vettingun. Në këtë histori, dispozitat kalimtare të ligjit të prokurorisë opozita i lexon në funksion të kushtetutës, që është ligji suprem, pra që zgjedhja duhet bërë me 84 vota.

Por mazhoranca këto vota nuk i ka. Ndaj jemi në një situate ku zgjedhja e Prokurorit të Përkohshëm mund të bëhet me shumicë të thjeshtë, pra më shumë se gjysma e gjysmës. Për t’u çelur seanca duhet një prani me 71 deputetë. Dhe për të miratuar vendimin, duhet më shumë se gjysma e këtyre, pra vetëm 36. Dhe grupi ka 74 deputetë.

Mjaftueshëm për të bërë kuorimin për seancën dhe për të marrë vendimin. Nuk do të gjendeshim në këtë situatë, sikur Këshilli i Lartë i Prokurorisë, organ i ri i reformës në drejtësi, të ishte krijua. Çfarë e mban peng krijimin e tij?

Mosparaqitja e kandidatëve të shoqërisë civile, asaj shoqërie që protestonte në emër të reformës në drejtësi.

December 6, 2017 19:46
Komento

1 Koment

  1. lora December 6, 20:23

    Po ndryshe na e transmetonin mediat televizive sot çeshtjen e zgjedhjes se k/prokurorit. Ja çfare thoshte psh A1 Report tv: Komisioni juristeve te kuvendit i ka derguar nje “memo” parlamentit ku i thote se k/prokurori duhet te zgjidhet me 84 vota. Dhe pastaj gjoja bente dhe argumentimet. E mua mu kujtua i biri Rustem Gjates ne emisioni e Balles qe thoshte po te njejten gje dhe shkumezonte kur argumentat flisnin kunder. Une nuk marre vesh nga ligjet se dhe nuk me interesojne fare, por kam kaq dite qe lexoj dhe degjoj dhe kam krijuar bindjen time qe k/prokuroi ne keto kushte zgjidhet me 71 vota. Dhe pse? Sepse Llalla mbaron mandatin dhe duhet te largohet me kushtetute ne daten 7 dhjetor para mesnate. Ndryshe quhet pushtim i zyres se kryeprokurorit. Nuk ka asnje nen apo ligj ne kushtetuten e re qe thote se k/prokurorit egzistue ti zgjatet mandati. Kushtetuta e re percakton sakte zgjedhjen e k/prokurorit te ri ne kushte normale dhe anormale si jane tani, mrekullisht eshte percaktuar me dispozit te perkoheshme qe vlejne vetem per kete rast, qe ne qoftese nuk eshte krijuar KLP, atehere K/prokurori zgjidhet me shumice te thjeshte dmth 71 vota. Ketu mbarojne te gjitha. Mbaron kushtetuta e vjeter, mbaron Llalla dhe fillon puna e re. E dini çfare thoshte i biri Rustem Gjates? Kush e quan mandatin te mbyllur te Llalles, duhet KLP-ja, e persa ajo s’egziston Llalla do behet hirre. Po çfare llogjike konstitucionaliste!

    Reply to this comment
Shiko komentet

Komento

Your e-mail address will not be published.
Required fields are marked*