Mundësi për të kuptuar ku i kanë fshehur paratë politikanët shqiptarë?

February 3, 2018 02:50

Mundësi për të kuptuar ku i kanë fshehur paratë politikanët shqiptarë?

Zvicra dhe Shtetet e Bashkuara të Amerikës janë dy vendet kryesore për sekretin financiar në botë. Tax Justice Network ka publikuar së fundmi Indeksin e Sekretit Financiar për vitin 2018, i cili përfshin 112 vende dhe në krye qëndrojnë edhe vende si Ishujt Kajman, Hong Kongu, Singapori, Luksemburgu, Gjermania, Tajvani dhe Emiratet e Bashkuara Arabe.

Me sekret financiar, ky indeks konsideron nivelin e sekreti dhe përqindjen e shërbimeve financiare që u ofrohet jorezidentëve.

Zvicra mbetet në krye, një vend që bashkë me listën pasuese hyn në kategorinë e parajsave fiskale, apo që i lejon ato, ndërkohë që për SHBA-në, vlerësohet se “ka refuzuar të marrë pjesë në përpjekjet ndërkombëtare për të reduktuar sekretin financiar, ndërkohë që i jep të drejtë vetes të kërkojë informacion për qytetarët amerikanë jashtë, por refuzon të ofrojë të dhëna shteteve të huaja”.

Drejtuesi i rrjetit që ka pëgatitur indeksin, Alex Cobham, ka deklaruar se panorama globale është e qartë: “Vendet më të fuqishme dhe më të pasura janë edhe përçuesit e rreziqeve më të mëdha globale  me Zvicrën dhe SHBA si lehtësuesit kryesorë të flukseve financiare të paligjshme”.

Në kriteret e përgatitura për hartimin e indeksit janë edhe mungesa e regjistrave publikë, rregulla të dëmshme taksimi për rezidentët dhe tolerim të anonimatit për aksionerët. Në vitin 2018 synohet që të vihet në zbatim shkëmbimi automatik i informacionit e që përfshin disa vende që kanë qenë në të ashtuquajturën listë të zezë të BE-së.

Duart e pista të gjithë këtij qarkullimi janë në ato vende prej nga ku buron edhe morali për transprarencë dhe qeverisje të drejtë, ndërkohë që financimet e paligjshme qa mbulohen me këto kalime financiare janë asgjë më shumë sesa thelbi i fuqisë së vërtetë të vendeve në Perëndim që zyrtarisht promovojnë të tjera vlera.

Sa për Shqipërinë dhe betejën e saj për drejtësi dhe kundër korrupsionit do të mjaftonte të shikohej renditja për të intuitizuar se ku janë paratë e politikanëve shqiptarë, ku mund të jenë ato hipotetikisht dhe nëse dikur do të vinte ndonjë goditje për ndonjërin në këtë drejtim, ajo me siguri do kërkuar në ato vende që administrojnë të dhëna kaq të ndjeshme e që janë pushteti i vërtetë – shkruan portali ResPublica.

Për indeksin e plotë, klikoni KËTU.

b.m. / dita

February 3, 2018 02:50
Komento

3 Komente

  1. Arben February 3, 06:09

    qe ta kuptoje kush behet fjale????!!!!!

    Reply to this comment
  2. Adih February 3, 14:02

    Parapregatitje ????. Por mos harroni dilni dhe beni dhe nje xhiro nga bregdeti Shqiptar ,per te pare shkaterrimin pa kriter te natyres ,pa plan arkitektesh,se kane vdekur e si ka fershellyer njeri arkitektet. Do gjeni hotele ,me pishina ,rezorte ,vila te gjitha ne dhjetra e qindra milioneshe ne Euro . Ku qe te gjitha me arbuteri jane ndertuar ne toke te vjedhur ,te kollajta teknikisht per tu vertetuar ,nga keta pashallare tane poitikane budallenj ,ku menduan se do jene te pa prekshem ..Pa u lodhur ,i gjeni brenda nje jave dhe pa shpenzime ,e pastaj dilni e kerkoni neper bankat e botes ,parate e fshehura te ketyre kusareve te pa skrupullt budallenj.

    Reply to this comment
  3. Konti Sbalta February 3, 16:59

    Grabitjet dhe tjetersimet e pasurive kane qene forma me e perhapur dhe me kryesora e pasurimit te qeveritareve ,nga kryetar komunash , kryetare bashkish , drejtora te te gjitha rangjeve , zv. ministra e ministra , deputete e presidente . Pasurite e tyre nuk jane vetem ato qe duken , vila shtepi , pallate por edhe valute e huaj depozituar ne banka “te sigurta ” Denimi me i madh per keta grabites te pasurise se vendit nuk eshte vetem burgu per mua ai eshte fare pa rendesi , por kthimi i asaj pasurie te grabitur ne thesarin e shtetit !

    Reply to this comment
Shiko komentet

Komento

Your e-mail address will not be published.
Required fields are marked*