Një vend i vogël me pasuri të mëdha. Shqipëria, 3390 burime turistike

April 25, 2018 11:14

Një vend i vogël me pasuri të mëdha. Shqipëria, 3390 burime turistike

 

A e njihni mirë Shqipërinë turistike dhe burimet e saj? Kur themi burimet nënkuptojmë që nga pikat kulturore, monumente të natyrës si shpella, kanione apo edhe objekte kulti.

Shifra e gjithë burimeve turistike sipas një bilanci të bërë së fundmi dhe të publikuar nga Ministria e Turizmit dhe Mjedisit është  3390.

Qarku me pasuritë më të mëdha është ai i Gjirokastrës me 697 burime që nis me Kalanë e qytetit që është më përfaqësuesja dhe mbyllet me qytezën e Dedjanit në Përmet.

Gjirokastra ndiqet nga Berati, me 569 burime turistike që edhe në këtë rast nisin me kalanë e qytetit pasohet nga kalaja e Krotinës, ajo e Mjeshtovës e me radhë lista mbyllet me Kroin Mbret dhe Kanionet e Xhunovës.

Qarqet me pasuri më modeste janë Durrësi dhe Lezha me nga 98 burime turistike në listën e tyre ndërkohë që Fieri ka vetëm 92.

Por edhe pse Shqipëria ka kaq shumë burime vetëm një pjesë e këtyre atraksioneve janë promovuar apo bërë pjesë e guidave turistike. Tendenca e vizitave është drejt pikave më simbolike ndërkohë që turizmi i aventurës përmes grupeve të veçanta që organizohen fundjavave po eksperimenton viteve të fundit në destinaicone të reja. Të tilla janë lumi i Shalës i konsideruar si Tajlanda Shqiptare, Ujvara e Sotirës apo Kanionet e Osumit.

Edhe në kryeqytet ka gjithmonë e më shumë interes për të vizituar rrethinat ku përveç Petrelës, Prezës apo Dajtit që kanë kohë që janë pjesë e axhendës së fundjavave janë shtuar edhe pika të tilla si Syri I Ciklopit, Kanionet e Erzenit e një seri atraksionesh të tjera.

Shqipëria ka qenë vitin e fundit në fokusin e mediave të huaja që promovonin bukuritë e vendit, ndërsa dhe numri i vizitorëve është rritur ndjeshëm. Burtinti, berati, Gjirokastra, Kalaja e Krujës, apo dhe bregdeti janë destinacionet që u bëjnë më shumë përshtypje mediave të huaja.

Sipas statistikave të INSTAT, në tre muajt e parë të vitit kanë hyrë 677 mijë shtetas të huaj, me një rritje prej 12.5% në krahasim me të njëjtën periudhë të një viti më parë.

Në sezonin e verës pritet që turistët e huaj të shënojnë sërish rritje. Hotelet kanë raportuar se ata janë prenotuar tashmë, ku kryesorët janë sërish polakët, ka rritje të ukrainase dhe risi këtë vit janë nordikët, që kanë rezervuar në Durrës, përmes agjencisë Apollo./ Monitor

l.h/ dita

April 25, 2018 11:14
Komento

2 Komente

  1. Leshi April 25, 18:58

    Pika turistike me me vlere ne Shqiperi sot eshte qendra e banuar si Geto we quhet Yzberisht.
    Turistet mund te shohin realitetin e trishte te ketij vendbanimi vetem 28 vjecar ku shteti nuk ka investuar asnje lek per 50 mije banoret e tij.
    Jane rreth 5 mije femije qe nuk kane asnje cerdhe,kopesht apo shkolle shteterore,asnje lulishte,kend lojrash,vend argetimi per pensionistet,rruge te pa shtruara me gropa e balte,plehra dhe qen rrugace pa hesap.
    Ndonese eshte 3 km larg zyres se kryebashkiakut ai i trsjyon banoret e Yzberishit si qytetare te kategorise se katert,perderisa i quan “rrethinat” e jo me te drejta te barabarta me te gjithe qytetaret e tjere te Tiranes.
    Thirrini turistet te shohin mrekulline e kryebashkiakut me te sukseseshem ne bote per show turistik duke shpenzuar shumicen e buxhetit vetem per qendren e Tiranes.

    Reply to this comment
  2. Aleksander Thana April 26, 04:03

    Shko kerkoja shoku-zotit Salush e lulush qe kane punuar , punojne e kafshojne si hienat heroike per vendin qe s’eshte I tyre.

    Reply to this comment
Shiko komentet

Komento

Your e-mail address will not be published.
Required fields are marked*