Njeriu i skandalit të radarëve. Kush është biznesmeni i akuzuar për vjedhjen e tokës së repartit ushtarak

February 21, 2018 15:46

Njeriu i skandalit të radarëve. Kush është biznesmeni i akuzuar për vjedhjen e tokës së repartit ushtarak

 

Idlir Karkini, biznesmeni i përfshirë në skandalin e vjedhjes së tokave në Rrogozhinë nuk është një emër i panjohur për publikun.

Tre vjet më parë, kompania e tij “Idea Tel” u denoncua nga KLSH si e përfshirë në një aferë të rëndë të lidhur drejtpërdrejtë me cenimin e sigurisë kombëtare.

Bëhet fjalë për të ashtuquajturin skandali i radarëve të ushtrisë.

Në dhjetor të vitit 2013, përmes një tenderi sekret Ministria e Mbrojtjes i dha kompanisë “Idea Tel” të drejtën për të menaxhuar sistemin e integruar të radarëve detarë duke ja hequr atë gjigantit amerikan “Lockheed Martin”.

Por në dhjetor të vitit 2015, tenderi u auditua nga KLSH, i cili gjeti shkelje. Sipas KLSH e gjithë procedura ishte zhvilluar në kundërshtim me ligjin për të larguar “Locked Martin” dhe për të shpallur fituese kompaninë “Idea tel”, që në atë kohë kishte si aktivitet të saj vetëm një dyqan celularësh.

Sipas KLSH, Ministria e Mbrojtjes shpalli fituese kompaninë “Idea Tel”, e cila jo vetëm që nuk kishte ekspertizën e nevojshme për të menaxhuar vëzhgimin e hapësirës detare, por kishte ofruar edhe një çmim 4 herë më të lartë se sa “Lockheed Martin”.

Skandali u thellua më shumë në vitin 2016, kur një raport i Autoritetit të komunikimeve elektronike, gjeti se radarët ishin fikur duke i lënë kufijtë detarë të vendit pa kontroll. Opozita akuzoi se largimi i “Lockheed Martin” dhe përzgjedhja e “Idea Tel” ishte e qëllimshme për të favorizuar trafikun qeveritar të drogës duke e vënë gishtin tek ish-ministrja e Mbrojtjes, Mimi Kodheli.

“Në Narkoshtetin e Noriegës, sipas përgjimeve të partnerëve italiane, për kontrollin e radarëve të detit me urdhër të Noriegës, ndrikull Kodheli ua kishte besuar narkobandave duke emëruar njerëz të tyre në qendrën e radarëve”, u shpreh Berisha, më 11 mars 2017.

“Radarët nga mesi i vitit 2012-të deri në shtator 2013, ishin të gjithë në tokë. Të gjithë të fikur. Bërë të mundur që në ditët e para të nëntorit të nxirrja nga fondi i veçantë i kontigjiencës 85 milionë lekë të reja për të bërë ristartimin e të gjithë sistemit”, u shpreh Mimi Kodheli më 2 nëntor 2017.

Dy vjet pas skandalit pas skandalit të radarëve të ushtrisë, Idlir Karkini është shpallur në kërkim.

Këtë herë si i dyshuar për vjedhjen e tokave në bregdetin e Spillesë.

Sërish për pronat e Ministrisë së Mbrojtjes, të cilat sipas Prokurorisë janë tjetërsuar përmes falsifikimit të dokumenteve nga zyrtarët e bashkisë së Rrogozhinës.

Nga verifikimet e prokurorisë ai rezultoi të ishte pronar, sipas një skeme falsifikimi i tokës së ish-repartit të poligonit të quajtur Rreth-Greth në Spille.

Biznesmeni dyshohet se vetëm pak ditë para se policët të trokisnin në derën e tij për ta arrestuar, ka ikur jashtë vendit./TCH

a.s/dita

February 21, 2018 15:46
Komento

7 Komente

  1. floriri Likes February 21, 16:32

    Jetoj jashte prej me shume se 30 vjet e nuk kam pare ne asnje vend ku kam qene qe hajdutin ta therrasin “biznesmen”, kjo ndodh vetem ne shqiperi.
    Pra kur shkon ne Shqiperi e te thone, filani eshte biznesmen, duhet ta kuptosh qe eshte hajdut, ose, filani eshte politikan, qe do te thote hajdut;

    Reply to this comment
  2. adesivo em osasco February 21, 16:58

    Como você organiza seus contatos de negócios? http://www.newlivecode.info/BellaBook/

    Reply to this comment
  3. Zylo February 21, 18:15

    Paska pasur b..e te medhaja zoti bisnesmen.Te hysh ne aferat ushtarake dhe tia heqesh kompanise amerikane tenderin,paske qene tamam pune korruptuese.

    Reply to this comment
  4. Vladimir February 21, 20:41

    Gazetare,prokurore, komentues!
    Pse merreni me kete birbo? Gjeti, beri. Gjeni kush ka firmosur ne emer tone, te shtetit tone, plaseni brenda dhe mbaroi puna.

    Reply to this comment
    • Arben February 22, 06:56

      Te gjithe keta qe thua ti, e kane votuar me zemer ate

      qe ka firmosur per ne, jo shume 6 muaj me pare.

      rrofte populli shqipetar, trim dhe heroik.

      Reply to this comment
  5. info analitike February 22, 00:07

    A do te shkoje be burg Mrika e partise?

    Reply to this comment
Shiko komentet

Komento

Your e-mail address will not be published.
Required fields are marked*