Njeriu që pa në ëndërr aksidentin ajror… 9 ditë para se të ndodhte

October 26, 2017 19:53

Njeriu që pa në ëndërr aksidentin ajror… 9 ditë para se të ndodhte

Një nga fatkeqësitë më të mëdha në historinë e aviacionit, goditi Aeroportin O’Hare në Çikago në 25 maj të vitit 1979. Në atë ditë të tmerrshme, një avion ”DC-10” i linjës “American Airlines”, u përplas në momentin kur po ngrihej nga toka, duke vrarë të gjithë pasagjerët dhe ekuipazhin.

Katastrofa shokoi të gjithë vendin, por për një nëpunës të moshës së mesme nga Sinsinati, Ohajo, kjo ngjarje nuk ishte një surprizë. Duke filluar nga data 16 maj, Dejv Both, që punonte për një agjensi e cila jepte makinave me qira, ëndërronte çdo natë një aksident ajror katastrofik.

“Ëndrra fillonte”-do të shkruante ai më vonë “me mua që po shihja një fushë nga këndi i një godine njëkatëshe. Ndërtesa ishte me tulla të verdha dhe një çati me rrasa guri. Në dritaret, që ndereshin mbi fushë, duke sikur kishte letra të prera.

Unë kisha përshtypjen se ajo ishte një shkollë, apo ndoshta edhe një fabrikë. Prapa kishte një parking me një rrugë me pemë që sillej rrotull ndërtesës, dhe pastaj bashkohej me rrugën kryesore pas meje. Kështu unë shtrij vështrimin mbi fushë dhe shoh një rresht pemësh të sistemuara nga veriperëndimi në juglindje. Është pasdite pasi dielli është në perëndim e sipër. Duke parë mbi rreshtin e pemëve në verilindje, shquaj një avion të madh në fluturim.

Përshtypja e parë që kam, duke qenë kaq afër, është se avioni duhet të bëjë shumë më tepër zhurmë sesa në fakt po bën. Kuptoj se duhet të ketë probleme me motorin. Më pas avioni fillon të anojë nga ana e djathtë, ndërsa krahu i majtë ngrihej më shumë në ajër, shumë ngadalë dhe në fund avioni përplaset pingul me tokën.

E shoh teksa u përplas sikur të isha saktësisht sipër tij, jo anash apo prapa. Në momentin e përplasjes ndodh një shpërthim i madh. S’mund të gjej dot fjalë për ta përshkruar atë shpërthim … i tmerrshëm. Gjëmimi shuhet dhe unë zgjohem. Avioni që pashë në ëndërr ishte një i linjës “American Airlines” …

Fatkeqësia ndodhi 9 ditë pas fillimit të ëndrrave të Both, kur avioni “DC-10” i “Amerikës Airlines”, u rrëzua pak pas ngritjes nga Çikago në orën 3 e 15 minuta në Çikago. Një nga motorët kishte pësuar difekt, menjëherë pas ngritjes dhe avioni kishte humbur lartësi, duke u rrëzuar në një aeroport të braktisur ngjitur me O’Hare.

Dëshmitarët e përshkruan si surreale heshtjen e avionit, sikur edhe dy motorët e tjerë të kishin pushuar së funksionuari. Përveç kësaj, avioni u kthye pingul me token, duke goditur në fund krahun e tij të majtë. Pastaj ai shkatërroi një hangar dhe shpërtheu, duke lëshuar një flakë 100 metra të lartë. Pritshmëria nga parandjenjat të zotit Both, nuk mbështeten vetëm tek besueshmëria e tij.

Kur ëndrrat filluan të përsëriten, ai ishte aq i shqetësuar saqë kontaktoi me “American Airlines”, ashtu edhe Kullën e Menaxhimin të trafikut ajror në Sinsinati. Ata nuk i dhanë shumë rëndësi telefonatës, dhe kështu Both morri në telefon  Drejtorinë Federale të Trafikut Ajror, zyrtarët e të cilës morën shënime mbi përshkrimin e detajuar. Ato shënime iu dorëzuan Institutit të Sektorit të Parapsikologjise në Durham, Karolinën e Veriut, ku studiuesit e hetuan rastin. Ëndrrat shqetësuese të Both përfunduan ditën e katastrofës. / Bota.al

October 26, 2017 19:53
Komento

2 Komente

  1. Plaku Xhuxhumaku October 27, 01:21

    Po ndonje enderr per Edvin Ramen ka pare ky profeti? Psh si lutet per meshire qe te mos e fusin ne burg, ose ndonje gje tjeter si puna e kesaj?

    Reply to this comment
  2. anticensurë25642654 October 27, 08:30

    dhe aeroporti i rinasit,para ’90ës nuk kishte për ta marrë si të vërtetë një gjë të tillë sepse ëndërrat nuk janë gjë tjetër veçse ëndërra!!
    sa aeroplanë janë ngritur që nga momenti që zotëria ka parë ëndërrën??sa janë ngritur që nga momenti që ka telefonuar,sa janë ngritur që nga momenti që e kanë marrë shënim!!sa njerëz “parashikojnë”shohin ëndërra të tilla dhe telefonojnë!?asqë mund të llogaritet!!
    pastaj nuk është se ky ka thënë fluturimi me nr.xxxx do të ndodhë!!
    pordhë syfyri ose ngjarje të lidhura rastësisht!!
    para një muaji patëm një artikull për fundin e botës më 23 shtator!!i marrë diku nga zhgarravitjet e dikujt,një psikopati,po ashtu para 5 vjetësh patëm dhe “profecinë maja”,që na çatë menderen muaj të tërë për fundin e botës,po ashtu në kapërcyellin e mijëvjeçarit,e të mos vazhdoj më në përmëndjen e pordhëfecive gjigande!!
    boll mor me idiotësira,nuk është se jeni vetëm ju!
    të gjithë ëndërrojnë të fitojnë llotarinë,sa herë e fiton dikush,por asnjëherë nuk ju bie ndërmënd se po humbin për ditë!! e njëjta gjë dhe me këto parashikimet!!në një miliardë ndodh që të përkojë diçka,dhe bëhet nami se paska parë të ardhmen!!shkoni mor pirdhuni!!
    as teorikisht nuk është e mundur e jo më praktikisht!!
    thjeshtë RASTËSI!!

    Reply to this comment
Shiko komentet

Komento

Your e-mail address will not be published.
Required fields are marked*