Nuk janë modelë, janë çunat e Kombëtares Shqiptare

June 10, 2016 16:20

Nuk janë modelë, janë çunat e Kombëtares Shqiptare

Nuk është diçka e re që futbollistët e njohur të veshin kostume të firmave të mëdha të modës e të pozojnë me një pamje shumë elegante. Po në ka një popull që e ka fiksim të vishet bukur, sidomos në ngjarje të veçanta, ata janë me siguri shqiptarët.

Ndërsa është hera e parë që Shqipëria merr pjesë në finalet e Kampionatit Europian, skuadra Kombëtare Shqiptare do të prezantohet me një veshje të personalizuar krijuar nga artisti Altin Mici, duke i dhënë çdo lojtari ndjenjën e krenarisë, besimit dhe komfortit me një veshje Made in Albania.

Në bashkëpunim të ngushtë me Federatën Shqiptare të Futbollit, që në krye të herës u vendos që skuadra Kombëtare Shqiptare do të prezantohej me një produkt Made in Albania, ç’ka nxit tek lojtarët ndjenjën e patriotizmit dhe vetëvlerësimit.

Një veshje interesante me tre pjesë në tonalitete të grisë, krijuar në një kohë rekord prej dy muajsh, pas një pune të detajuar për marrjen e masave të çdo lojtari, duket se i rri perfekt çdonjërit prej tyre duke vënë edhe më në dukje individualitetin dhe sharmin e gjithsecilit prej tyre.

Çdo pjesë përbërëse e veshjes krijuar në formë ekzakte sipas specifikave të çdo lojtari, është realizuar nga stofrat më të mira duke përfshirë gjithashtu edhe logon zyrtare të Federatës Shqiptare të Futbollit.

Stilisti Altin Mici i njohur për dedikimin e tij ndaj zanatit dhe cilësisë së punës, shpreson se ky bashkëpunim do t’i sjellë fat të dyja palëve sepse rruga e tyre tashmë është shtruar me shumë punë, përkushtim dhe dashuri.

“Ishte një punë që më tërhoqi menjëherë dhe e kam realizuar me shumë dashuri. Arsyet kuptohen. Qëllimi im kryesor ishte rehatia dhe vetëvlerësim që ndjen çdo lojtar me këtë veshje, për më tepër kur është “Made in Albania”- shprehet stilisti.

Kostumet elegante në ngjyrë gri, shoqërohen nga këmisha e bardhë, kollare bordo dhe këpucë gri në tonalitet të errët.

“Më duhet të falënderoj për to (këpucët), firmën “Mici’s Shoes”, e cila është një kompani shqiptare, që ka bashkëpunuar ngushtë me ne, për të realizuar këpucët e personalizuara”- shtoi stilisti Altin Mici.

Prej shumë vjetësh Kombëtarja Shqiptare e futbollit, krahas kostumeve sportive të paraqitjes, ka patur edhe devizë civile. Por kjo është hera e parë, që gjithçka është dizajnuar dhe qepur enkas për Kombëtaren Shqiptare të futbollit. Të pakta janë ato kombëtare, të cilat devizat e tyre i kanë të dedikuara vetëm për skuadrën apo vetëm për një event, siç është Kampionati Europian.

“Sot është një ditë shumë e veçantë dhe e mbushur me ndjenja kombëtare sepse puna ime kurorëzohet duke i shërbyer kombëtares së vendit tim. Jam shumë i emocionuar”.

Në përgjithësi e ka patur të thjeshtë punën, duke njohur dhe parë elegancën e futbollistëve dhe trupin e tyre të rregullt, por veçon njërin, i cili i ka shkaktuar “vështirësi” pune dhe ky është ndihmësi i Gani de Biazit, Paolo Tramezani.

“Më shumë kam vuajtur me Tramezanin sepse ka një konstrukt shumë të formuar”- thotë Mici. Sepse edhe kur je shumë i formuar, rrobaqepësi e ka të vështirë…!

Ne i urojmë suksese djemve, dhe shpresojmë që në fushë përveçse me elegancë, të na përfaqësojnë edhe me gjunjë të fort./ E.Resuli

044ef3a72675ed146f14b9dadd37ba84

13315478_10154298375108623_9122717382361102581_n13320973_10154298371333623_875845499867280961_o 13329482_10154298370718623_7712667407821343249_o 13336071_10154298375883623_3522364292264086600_n 13340126_10154298373588623_409297003058109087_o 13346376_10154298371113623_6717613351263855535_o 13346490_10154298376223623_1038419537073912871_n 20160609153331802 20160609153347734 20160609153407896600 ajeti altin mici dhe de biazi balaj balajj kombetarja Mergim Mavraj 13320720_10154298371773623_716137554041555824_o

June 10, 2016 16:20
Komento

3 Komente

  1. Vani June 10, 21:56

    Te bejne qelepir kostumet.tre ndeshje ne grup dhe me vrap te vendi….

    Reply to this comment
  2. Arber Iliri June 11, 04:27

    Uau, fantastike, keta gjith si topmodel .Urime ne ndeshje se si paraqitje zini vend te pare ose te dyte.

    Reply to this comment
  3. raimond vlonjati June 11, 07:57

    Kostumet kane dale shume te bukur , dhe cunat duken bosa fare

    Bravo robaqepsi se i paska qepur shkelqyer

    Hajde me kembe te mbare neser qe ti fusim nje te rafur Zvicres

    Reply to this comment
Shiko komentet

Komento

Your e-mail address will not be published.
Required fields are marked*