ODIHR propozon ndryshimin e Kodit Zgjedhor

Redaksia Online July 1, 2013 17:33

ODIHR propozon ndryshimin e Kodit Zgjedhor

Zgjedhjet e ardhshme do te behen me Kod tjeter Zgjedhor. Mund te ndryshoje dhe sistemi qe aktualisht eshte propocional rajonal, ne propocional kombetar osei korrektuar. Certifikimi i rezultatit të zgjedhjeve të 23 qershorit mbetet një pikëpyetje për ndërkombëtarët, sidomos për misionin vëzhgues ODIHR, i cili harton raportin final për procesin.

Në një intervistë për Vizion Plus, shefja e misionit, amerikania Koni Mekormak, zbulon gjithashtu disa nga gjetjet gjatë monitorimit të zgjedhjeve.

“Situata dhe problematika në KQZ është një çështje shumë e diskutuar, ajo është renditur si një çështje me natyrë politike edhe pse duhet të ishte një çështje administrative, sipas rregullave të caktuara më herët. Unë mendoj se duhet të ketë përmirësime dhe ne do të nxjerrim edhe rekomandime për këtë çështje. Por duke u ndalur tek momenti aktual, certifikimi i rezultatit është ende i paqartë sesi do të ecë para, sepse siç dihet nga të gjithë ka një kërkesë ligjore për shumicë të cilësuar prej 5 votash që ende nuk ekziston në kompozimin aktual të KQZ”.

Vëzhguesit e huaj nënvizojnë se procesi i numërimit të votave mund të ishte shumë më i shpejtë dhe transparent.

Zonja Mekormak shton se ndër rekomandimet që do t’u ofrohen palëve, është rishikimi i Kodit Zgjedhor në këtë aspekt.

“Ka disa rrugë për të përshpejtuar procesin, i cili ishte transparent deri diku, por grupet e numërimit të votave e ndërprenë punën pa ndonjë arsye të fortë dhe kjo duhet riparë edhe në Kod”.

Në javën e fundit në Tiranë, shefja e ODIHR po mbyll një tur takimesh konsultuese me liderët e partive kryesore politike, fitues apo humbës në garën e 23 qershorit.

Ndërsa komunikimi i fundit dhe më i shumëpritur për palët është raporti final, i cili publikohet 8 javë pas mbajtjes së zgjedhjeve.

“Pas 11 procesesh elektorale që monitorohen nga ODIHR në Shqipëri ka përmirësime, dhe ato do të jenë pjesë edhe e raportit final”.

Redaksia Online July 1, 2013 17:33
Komento

1 Koment

  1. LORA July 1, 22:26

    Mendoj se nje sistem zgjedhor proporcional kombetar eshte me i drejte ne valorizimin e cdo vote te njerezve dhe me stimulues per nje numerim shume me te shpejte te votave.
    Eshte e papranueshme qe ne vendet me popullsi qindra milioneshe rezultati del brenda disa oreve,kurse ne Shqiperine e jo me shume se 2-milion votuesve i merr te pakten dy dite.Kjo nuk duhet te ndodhe me ne zgjedhjet e ardhshme.

    Reply to this comment
Shiko komentet

Komento

Your e-mail address will not be published.
Required fields are marked*