Opozita po ia zgjat vetë mandatin Arta Markut!

Nga Arkiva

• Epigrame 2 07.Feb
• Ose të ndryshojmë jetën, o të zhdukemi të tërë! 7 25.May
• Atentate donkishoteske kundër historisë sonë ilirjane! 8 23.Aug

Dy herë KLP-ja ka shkuar në seancë,
me 84 vota për t’u miratuar,
por të dyja herët është djegur,
se opozita revolucionare s’e ka votuar!

Biles të dyja këto seanca,
kanë pasur zhvillime të stuhishme,
sa më shumë të vonohet ky lloj votimi,
aq më shumë do rrijë Arta-si Prokurore e Përgjithshme!

Nuk është puna se Marku është njeriu i Ramës,
si ç’po pëllet çdo lloj halldupi,
po problemi është më i thjeshtë,
Arta Marku nuk merr më urdhra nga SHQUPI!.

Ndaj Demokratikes dhe LSI-së,
u ka ikur fare koka e zigjit,
se mbas Llallës-simbolit të nënshtrimit,
tani kemi një Prokurore të Ligjit!.

Po opozita revolucionare e Sal-Monës,
kundër KLP-së është e betuar,
mbas arrestimeve të tjera do ta kuptojë,
se ç’autogola në portën e vet ka shënuar!

Opozita jonë e shkalafitur,
në çdo ditë të javës po prodhon nga një çudi,
po i bie rrugës nga Kina,
për të zgjedhur Prokurorin e Ri!

Injorantë dhe hileqarë të shkallës sipërore,
Kushtetutën duan ta ndryshojnë përsëri,
me shpresë se nga Shtëpia Qendrore,
do të dalë emri i prokurorit të ri!

Po koha sërish do kalojë,
e ne sërish do të shikojmë të tjera çudira,
kjo kohë Arta Markut do t’i mjaftojë,
të nxjerrë nga frigoriferi të gjitha dosjet e ngrira!

Paralel do të vijnë dhe arrestimet,
e atyre që Lu-ja u thotë “peshq të mëdhenj”,
atëherë bolshevikët do ta kuptojnë se me amendimet,
janë shpalosur tamam si budallenj!

Nëse do të kishin votuar KLP-në,
dhe mund t’ja kishin hedhur hallit në një farë mënyra,
se goglat që dalin në mënyrë të rastësishme,
mund të kishin rënë në oborrin e tyre!

Nëse do vazhdojnë të votojnë kundër,
dhe përsëri dhe përsëri,
në mungesë totale të KLP-së,
Arta Marku do jetë gjithmonë prokurori i ri!.

Shpresojmë që prangat të vringëllijnë,
për të gjithë ata që prangat i kanë hak,
dhe revolucionarët t’ja mbrijnë,
me nja dhjetë deputetë më pak!

Arben Duka