OSBE: Trajnime për policinë për emigrantët

March 25, 2016 10:04

OSBE: Trajnime për policinë për emigrantët

Organizata për Siguri dhe Bashkëpunim në Evropë (OSBE) ka filluar trajnimin e policisë kufitare të Shqipërisë, për t’i përgatitur për fluksin e mundshëm të refugjatëve.

Agjensia e lajmeve Associated Press shkruan se ka të ngjarë që emigrantët të përpiqen ta përdorin Shqipërinë si rrugë të re për në Evropën Perëndimore, pasi fqinjët rajonalë, Maqedonia dhe Serbia, i kanë mbyllur kufijt jugorë.

OSBE-ja dje e ka filluar një numër takimesh për policinë kufitare dhe atë të emigracionit në Shqipëri në tri rajone, për t’i përgatitur ata “ për fluksin e shtuar të emigrantëve nëpër Ballkanin perëndimor”, thuhet në një njoftim të OSBE-së.

Oficerët policorë shqiptarë po stërviten për tu përballur me “rrugët e emigrantëve, kontrollin, profilimin e luftëtarëve të mundshëm terroristë dhe zbulimin e veprave kriminale”.

Shqipëria, që po ashtu po bashkëpunon me Italinë për të qenë e gatshme për fluksin e mundshëm të emigrantëve, që deri tani nuk është shfrytëzuar si rrugë transit për të arritur në shtetet e Evropës Perëndimore./E.T

March 25, 2016 10:04
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*