Kushtetuesja lë në fuqi pezullimin e supergjobave

January 26, 2016 22:29

Kushtetuesja lë në fuqi pezullimin e supergjobave

Gjykata Kushtetuese ka vendosur sot të lërë në fuqi pezullimin e të ashtuquajturit ligjit të supergjobave – raporton Monitor.

Gjatë seancës së ditës së sotme, Gjykata Kushtetuese dëgjoi pretendimet e palëve të interesuara (Shoqata për Mbrojtjen e Tregtarëve dhe të Tregut e perfaqesuar nga kryetari Nikollaq Neranxi, kërkues dhe Ministria e Financave, subjekt i interesuar), ndërsa vendimi përfundimtar do të jepet pas një muaji.

Anëtarët e Gjykatës kërkuan të dinin nga përfaqësuesit e Ministrisë së Financave nëse është bërë ndonjë studim për nivelin e lartë të gjobave, ndërkohë që argumentet nga financat nuk ishin bindëse për ta.

Gjithashtu anëtarët e Gjykatës i mëshuan faktit se dënimet e ligjit të procedurave ishin më të ashpra se ato të Kodit Penal. Parimi i proporcionalitetit në masën e dëmit ishte gjithashtu një tjetër argument i pranuar nga Gjykata.

Po gjatë ditës së sotme, Gjykaka rrëzoi dhe kërkesën e Ministrisë së Financave, e cila kishte kërkuar që të anullohej pezullimi i zbatimit të ndryshimit të procedurave.

Ankimuesi Neranxi

Ankimuesi Neranxi

Në 23 dhjetor të vitit të kaluar, Gjykata Kushtetuese urdhëroi pezullimin e zbatimit të ligjit nr.99/2015 “Për disa ndryshime në ligjin nr.9920, datë 19.05.2008 “Për procedurat tatimore në Republikën e Shqipërisë, të ndryshuar”, pas ankimit nga Shoqata për Mbrojtjen e Tregtarëve dhe të Tregut qe kryesohet nga biznesmeni i njohur Neranxi.

Ligji nr. 99/2015 “Për disa ndryshime dhe shtesa në ligjin nr. 9920, datë 19.5.2008 “Për procedurat tatimore në Republikën e Shqipërisë”, të ndryshuar” hyri në fuqi në 12 nëntor dhe u kundështua ashpër nga bizneset, për shkak të nivelit të lartë të ndëshkimeve të parashikuara në të. Ndër masat kryesore që u forcuan nga këto ndryshime, por që tashmë vijojnë të mbeten të pezulluara, janë:

-10 fishimi i gjobës për mosdeklarim punonjësish për biznesin e vogël, në 500 mijë lekë;

-gjobë 500 mijë lekë dhe kallëzim penal për mosdeklarim real të pagës;

-Gjobë 500 mijë lekë për mosdeklarim adrese;

-e drejta për të mos paguar nëse nuk merr faturën;

-Ndalimi i shumicës për të shitur mallra tek individët; konfiskim i deri në 50% të xhiros nëse ke detyrime

– Gjobë 10 milionë lekë për tregtuesit e shumicës, që tregtojnë mallin pa dokumente tatimore

-Moslëshimi i kuponit, gjoba për biznesin e vogël 10 fishohet nga 50 mijë në 500 mijë lekë.

 

January 26, 2016 22:29
Komento

3 Komente

  1. ervin January 26, 23:07

    Gjobat ne vetvete jane nje penalitet ndaj nje kundravajtje. nuk mundet qe nje gjobe te tejkaloje logjiken sic kishte menduar koka e gjate e Rames.

    Reply to this comment
  2. info analitike January 27, 11:52

    Rilindesit po tregojne dita dites vecse paaftesi ne cdo fushe. Ama per te llapur e vetelavderuar jane te vetmit, duke filluar nga vete naltgjatesia e tij i ndjekur nga konet si Veliaj e mjaftistet si ai qe kane zaptuar shtetin.

    Reply to this comment
  3. orienti January 27, 14:40

    ..bravo gjykata..me keto gjoba qeveria u tregua anti sociale,radikale..kurdo qe te behen zgjedhje ky lloj pushteti me sakrifikimin e te varferit nuk e kalon klasen..jemi kthyer ne nje popull te çmendur ..dhe bota tallet me ne…politike vampire qe thith gjithshka qe ka fukarai per mbijetese..
    edhe nje here ;-vleresoj vendimin..

    Reply to this comment
Shiko komentet

Komento

Your e-mail address will not be published.
Required fields are marked*