Paradoksi, zgjedhjet bëhen vetëm për 25 deputetë, 115 janë tashmë të emëruar

June 18, 2017 12:38

Paradoksi, zgjedhjet bëhen vetëm për 25 deputetë, 115 janë tashmë të emëruar

 

Instituti i Studimeve Politike ka publikuar një artikull, në të cilin shpjegohet gjerësisht sesi funksionon sistemi elektoral në vendin tonë, i cili për hir të së vërtetës është i një natyre  jo demokratike.

ZGJEDHJET: 82% JANE EMERUAR, GARE VETEM PER 18%

Zgjedhjet kanë dallim thelbësor me votimet. Në votime shkohet për të kryer një procedurë, në zgjedhje shkohet për të përzgjedhur midis alternativave të ndryshme politike, programe apo kandidatë, parti apo koalicione politike. Shqipëria ka aplikuar sistem 100% mazhoritar më 1991, sistem miks mazhoritar me proporcional gjatë 1992-2005, sistem proporcional rajonal prej 2009 dhe tani, ka një konsensus të gjerë se sistemi aktual duhet të ndryshojë. U bë për të larguar “të fortët” dhe “biznesmenët politikë” nga parlamenti por në vend të tyre largoi politikanët e karrierës, kritiket liberale e me integritet, duke u dhënë mandate të sigurta kandidatëve “të fortë” dhe “biznesmenë politikë”. Nuk është sistemi në vetvete negativ, është mënyra sesa partitë e përdorën, e keqpërdorën dhe e kanë kthyer tashmë në një kërcënim për demokracinë dhe përfaqësimin.

Ja një detaj domethënës: Shqipëria, vendi më i varfër në listën e vendeve kandidate për në BE në kohën më të mirë harxhon nga buxheti i shtetit rreth 7 milion euro përmes KQZ, rreth 3 milion euro përmes strukturës ekzekutive, rreth 10 milion euro përmes donacioneve, partive politike dhe strukturave elektorale, në total rreth 20 milion euro. Për çfarë? Për shkak të sistemi elektoral dhe natyrës jodemokratike të partive, tashmë nga 140 deputetë të parlamentit janë “zgjedhur” 115. Për 115 nuk ka asnjë surprizë, ata janë deputetë, sepse janë emëruar që ditën kur u shpallën listat shumë-emërore të kandidatëve. Për pasojë, zgjedhjet nuk bëhen për ata, zgjedhjet bëhen për pjesën e mbetur, rreth 25 deputetë. Në shifra financiare për 25 deputetët në garë ne harxhojmë minimumi 20 milion euro, ose 800 mijë euro/për deputet!

Paradoksi nuk ndalet me kaq, por ne shohim çdo ditë deputetë të emëruar që bëjnë sikur janë kandidatë, bëjnë sikur janë në garë dhe bëjnë sikur po zgjidhen në mazhoritar, sikur premtojnë në zona dhe sikur cilësitë e tyre janë përcaktuese për fituesit. Për më tepër, ne shohim deputetë tashmë të emëruar që bëjnë sikur kanë programe, sikur bëjnë kontratë sociale me zgjedhësit, sikur janë aty për shkak të cilësive personale dhe jo besimit personal të liderit, dhe sikur janë shërbëtorët e rinj të qytetarëve, kur në thelb, edhe për shkak të sistemit, ata do të jenë sunduesit e rinj të tyre. Në parlamentin e ri do të kemi 140 emra, por me siguri shumë pak politikanë, shumë më pak deputetë “të zgjedhur” nga qytetarët, dhe shumë më pak shanse që Kuvendi që jetë ashtu siç ua mësojmë fëmijëve në shkolla, “tempull i demokracisë”. Sepse baza, legjitimiteti, besimi dhe integriteti i çdo institucioni varet fillimisht nga burimi i tij, niveli i përfaqësimit të tij, vlerat morale të ngritjes së tij, dhe nga aftësia për të kuptuar përse janë aty, – si produkt i një procesi zgjedhor konkurrues apo i një procesi votimi formal.

Zgjedhjet janë thelbi i demokracisë, janë vlera më e rëndësishme e saj, janë pasuria më e madhe në liri, janë baza për një shoqëri të hapur e konkurruese, janë dita e pushtetit qytetar, janë ushtrim sovraniteti dhe momenti kur secili prej nesh ka fuqinë të bëj ndryshimin. Në Shqipëri, duhej të ishin të tillë, sepse nuk janë.

Rikthimi i këtyre vlerave do të duhej të ishte një temë e mirë për tu debatuar, duhej të ishte një krye-temë elektorale, krye-temë në marrëveshjen e 17 majit dhe një test për të gjithë ata që mendojnë se kanë diçka për të thënë. Kjo reformë do duhej të ishte temë e mirë për Republikën e Re apo Shqipërinë e Gjeneratës Tjetër, për kohën utopikë kur të gjithë të kishin në një shans të njëjtë dhe kur qytetarët të kishin më shumë vlerë sesa numrat! Një pritshmëri që siç shihet, me 25 qershor është e sigurt se nuk do ta kemi.

June 18, 2017 12:38
Komento

4 Komente

  1. nipi A.Rustemit June 18, 12:47

    KRYEIDJOTI ANMTISHQIPETARI DHE KRRIMINELI I KETIJ ISTIOTUTI QE PELLET PAS 27 VJET SI E KA EMRIN E KU KA VJEDHUR GJITHE KETO VITE KUR SHQIèPETARET KANE NGELUR PA SHTET!?
    Si e ka mbiemrin qe ta marim vesh qe eshte shqipetar sKipetar apo KOQE VAR!?

    Reply to this comment
  2. ai June 18, 12:53

    Se mora vesh pse jane zgjedhur 115. Jane zgjedhur apo me propabilitet te larte jane fitues?

    Reply to this comment
  3. Ish ps June 18, 13:25

    Ky eshte sistemi i dhjere dhe korruptiv i ngritur jo pa dashje nga edi rama dhe sali berisha.ky eshte sistemi i konfirmuar nga edi rama dhe lul basha. Ky eshte sistemi qe garanton monopolin mbi popullin budalla nepermjet shtypjes se demokracis. Nga sali krimineli dhe luli e presim, por nga edi rama… prisnim ndryshe, na ka genjyer kaq kohe dhe prandaj smund ta votojm me.

    Reply to this comment
  4. Fatmir Lohja June 19, 10:23

    Nje lajm qe te demoralizon.Ta heq shpresen se a do te behet ndonjehere ky vend.

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*