Parandalohet konflikti me armë mes dy vëllezërve në Tiranë

April 7, 2018 12:27

Parandalohet konflikti me armë mes dy vëllezërve në Tiranë

Konflikti për pronat, për pak sa nuk është shndërruar në një ngjarje të rëndë këtë të shtunë në kryeqytet.

Dy vëllezër janë përfshirë në zënkë me njëri-tjetrin, duke bërë që një prej tyre të merrte armën dhe të kanoste vëllain e tij më të madh. Fatmirësisht, ndërhyrja në kohë e Policisë së Tiranës ka bërë që të parandalohej një përshkallëzim i mundshëm i konfliktit në fjalë.

Burime zyrtare thonë se në pranga përfundoi 36-vjeçari Shkëlqim Suloavdulaj (Luli), banues në Baldushk. Sipas policisë, ai “dyshohet se për motive pronësie është konfliktuar dhe ka kanosur me armë zjarri vëllain e tij shtetasin L.Luli, 48 vjeç”.

Në vendngjarje autoritetet sekuestruan pistoletën e përdorur nga 36-vjeçari, së bashku me një krehër me 6 fishekë. Ndërsa gjatë kontrollit në banesë, Lulit iu gjetën edhe 18 fishekë luftarakë.

o.j/dita

April 7, 2018 12:27
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*