Pasojat e Covid-19 në vend, BB: Shoku mund të lerë shenja të përhershme

May 7, 2020 08:24

Pasojat e Covid-19 në vend, BB: Shoku mund të lerë shenja të përhershme

Ekonomia shqiptare pritet të vuajë shenja të përhershme në ekonominë e saj të lena nga kriza që po shkakton COVID-19.

Në një raport të dedikuar për Shqipërinë Banka Botërore analizon në thelb se cilat do të jenë pasojat që do të vuajnë të gjitha kategoritë. Sipas Bankës, teksa një rikthim i aktivitetit ekonomik pritet sapo impakti i virusit të ngadalësohet në muajt në vijim, ndërprerja ekonomike me shumë mundësi do të vërë në stres të fortë shumë shqiptarë.

“Shumë familje do të hasin vështirësi financiare pasi : vendet e punës do të shkatërrohen, disa individë që përfitojnë të ardhura do të detyrohen të qëndrojnë në shtëpi dhe të kujdesen për anëtarët e familjes, do qëndrojnë në karantinë apo do të trajtohen për sëmundjen e tyre. Për më tepër kriza do të detyrojë biznese në thelb të kyçe që të mbyllen, do të prishë marrdhëniet e zinxhirit të prodhimit apo do të lenë të largohen punonjës që kanë krijuar eksperiencë(know how) mbi punën, shoku mund të lerë shenja të përhershme në ekonomi”, nënvizon raporti.

I njëjti ndalet edhe tek sektori bankar dhe tek masat që u morën në përgjigje të kësaj situate sa i takon politikës monetare lehtësuese. Raporti vlerëson se bankat hynë në këtë krizë me kapital të fortë dhe amortizatorë likujditeti por do të hasin vështirësi nëse kreditë nuk do të paguhen sipas planit dhe e ardhmja e biznesit të tyre mund të ndikohet në mënyrë të theksuar.

“Një paketë mbështetëse e fortë është e nevojshme për të mbështetur ekonominë në zbutje të krizës. Ndërkohë që masat do të evolojnë në mënyrë dinamike sipas ecurisë së krizës dhe mund të pritet që politikat mbështetëse, të kombinuara me një ngadalësim të theskuar të ekonomisë, të zgjerojnë në mënyrë drastike defiçitin fiskal në vitin 2020 si dhe rritje të borxhit publik. Masat kyçe përfshijnë një fond garancie që mundëson huadhënie për bizneset për të shlyer pagat si dhe rritja e një transferte sociale. Politika monetare po lehtësohet duke ofruar likujditet pa limit për sektorin bankar dhe ulja e mëtejshme e normës së poltikës do të mbështesë më tej ekonominë”, thuhet në raport.

Banka Botërore vlerëson se impakti në ekonominë shqiptare ndihet edhe më shumë po të kemi parasysh që COVID-19 vjen vetëm pak muaj pas tërmetit shkatërrues të 26 nëntorit të vitit të shkuar i cili shkaktoi dëme të mëdha materiale por mbi të gjitha edhe njerëzore.

Këto dy problematika pritet që ta ndikojnë në mënyrë dramatike ekonominë gjatë këtij viti. Rënia e eksporteve dhe pasiguria për turizmin cilësohen po ashtu si elementë që mbështesin parashikimin pesimist.

“Porositë e eksportit janë përmbysur në një kohë kur partneri tregtar më i rëndësishëm, Italia po kalon një situatë të vështirë ekonomike. Po kështu po bëhet evidente nga dita në ditë që Shqipëria do të përballet me një sezon turistik veror jashtëzakonisht të varfër”, nënvizon BB.

Monitor

j.l./ dita

May 7, 2020 08:24
Komento

2 Komente

  1. Hajdutet me cizme May 7, 10:27

    Po uljen e pagave nuk e kane futur? Ndryshe nga cthote mashtruesi KM pagat jane ulur ne shume institucione dhe kompani. Pa para ne duart e njerzve kush do ta ndihmoje biznesin e vogel. Te vetmit qe do punojne jane ato biznese qe mjelin buxhetin e shtetit permes kontratave te majme dhe biznesi i ndertimit qe do te pastroje parate e pista nga droga dhe trafiqet e ndryshme e korrupsioni galopant.
    Populli ka per ta ngrene fort.

    Reply to this comment
  2. xxx May 7, 12:38

    e stresuar per te ardhura ekonomia do shfrytezoje cdo burim te piste paraje duke ejustifikuar me nevojen. Madje turizmi i varfer do shtrengohet te pranoje qysh tani, turiste te qelbur nga virusi ktryesisht te rinj qofte edhe simtomatike, se asimptomatiket s’diskutohet, duke na shkaterruar ne perpjekjet per ta permbajtur kete murtaje.
    Gjeja me e mencur per situaten ku jemi si shqipri eshte mbyllja me boten ekonomikisht, dhe kontrolli i brendshem i virusit. Kjo prapakthehu ne izolim si ne monizem nuk ka azgje te keqe.
    Virusi ka perspektive te shkaterroje globalizmen, duke ngushtuar shkembimet mes vendeve.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim