Pasojat e izolimit, ekspertët: Për momentin po vuajmë dy kriza

March 20, 2020 08:20

Pasojat e izolimit, ekspertët: Për momentin po vuajmë dy kriza

Për momentin jemi duke jetuar dy kriza – pandeminë e Coronavirusit dhe krizën ekonomike e financiare, si pasojë e kësaj pandemie.

Ekspertët thonë se kriza e dytë do të zgjatë më shumë dhe do të jetë më masive, sesa pasojat e drejtpërdrejta të COVID-19, e cila deri tani ka rezultuar me disa mijëra të vdekur në mbarë botën.

Nuk ka ndonjë kuptim serioz të krahasosh krizat, në veçanti ato që rezultojnë me humbjen e jetës së njerëzve. Por këto kriza janë të ndërlidhura dhe kanë shkaqe dhe pasoja të ngjashme. Ndaj secili prej nesh duhet ta ketë të qartë se sa të ndërlidhur janë sot të gjithë njerëzit mes vete.

Pasojat e pandemisë

Pandemia nuk njeh kufij mes vendeve apo ngjyrë lëkure. Ajo përfshin të gjithë, pavarësisht vendit, ngjyrës së lëkurës, fesë, kulturës apo gjuhës. Ata të cilët përdorin gjuhë raciste dhe thonë se kriza ka ardhur nga Kina apo Italia, Irani apo Koreja e Jugut, duhet të kenë shumë kujdes. Këto vende dallojnë shumë mes vete. Përvojat nga kjo sëmundje dhe ky virus janë të veçanta, por japin edhe mësime.

Ne jemi të ndërlidhur kaq shumë mes vete, në kohën e globalizimit, sa që të gjitha rrjetet duhet të bashkëveprojnë.

Kriza e tretë

Tani do të përballemi edhe me krizën e tretë, e cila është e ndërlidhur me dy të parat – pandeminë dhe krizën ekonomike. Me “distancimin social” dhe izolimin në jetën private, njerëzit do të përballen me sfida të mëdha. Masat për parandalimin e përhapjes së virusit do të rezultojnë për herë të parë pas Luftës së Dytë Botërore me kufizimin e lirisë së lëvizjes. Njerëzit reduktohen në katër muret e shtëpisë dhe duhet të kalojnë kohën në karantinë, në kushte të cilat nuk i kanë jetuar më parë.

Njerëzit, vendet dhe kontinentet do të largohen mes vete. Bashkimi Evropian ka mbyllur kufijtë e jashtëm, vendet kanë mbyllur kufijtë brenda BE. Udhëtimet janë ndaluar, ndonëse kjo ka qenë një prej vlerave më të mëdha të BE. E gjitha kjo ndodhi brenda pak ditësh.

Izolimi

Ndjenja e vetme që kaplon njerëzit në këtë moment është pafuqia. Këshillat për futje në izolim dhe leximin e pafund të librave ndihmojnë vetëm pjesërisht, sepse kjo pafuqi na bën letargjik, na cënon lirinë e lëvizjes, na demotivon. Ndaj kërkohet bashkëveprim në familje, duhet gjetur rrugën për tejkalimin e kësaj situate.

Duhet të ruajmë shëndetin mendor për kohën pas izolimit dhe për bashkëveprim pas kohës së COVID-19. Por kjo është një kohë që na mëson. Shohim vende të shenjta boshe si Sheshi kryesor në Vatikan apo Meka dhe Medina. Këto pamje duket tërësisht të pakuptimta, por njerëzit duhet të kuptojnë rëndësinë e të qenurit bashkë. Tani jemi të gjithë në ekzil të brendshëm në shtëpi dhe duhet të gjejmë forcë tek njëri-tjetri. Ashtu si italianët që dalin në ballkone dhe këndojnë, të cilët nga muzika nxjerrin forcë për të ardhmen e shëndetshme. /DW

o.j/dita

March 20, 2020 08:20
Komento

1 Koment

  1. katarsis March 20, 10:28

    Te rizbulojme vlerat e familjes,vlerat e jetes se perbashket,unitetin e te menduarit ne dobi te tjetrit .
    Te riformatojme menyren e jeteses larg egoizmit,kontrollit te tjetrit,perfitimit nga pushteti per te perdorur tjetrin, per te manipuluar me te drejtat e tij.
    Intresi eshte helmi qe e ben te varur njeriun , konkurenca e eger eshte pranga e jetes se tij,liria e trupit eshte vdekje shpirtit!
    Njerez eshte koha te mendoni me urtesi per krijuesin,per familjen, te merrni ne dore seriozisht jeten tuaj te shkaperdredhur prej sistemeve djallezore,te fanepsur prej”lirise se (demonizuar)demokratizuar! Vleren e njeriut e kane
    barazuar me seksin e shfrenuar,me seksin deformuar; Felliqsire!Dukeundergjegjsuar cdo njeriper roline vetneshoqerite filloje zmiminga vetja te familja ,shoqeria. Elitat e korruptuara te mos drejtojne
    me boten e krimit te organizuar. Merrni fatet tuaja, fatet e familjes e te shoqerise ne dore,vetem
    permes demokracise se drejtperdrejte! Eshte koha e fundosjes se elitave te korruptuara! Renje mbreterish presidentesh ,partish e organiatash mafioze.
    Katarsis mbi mbare dheun ku njerezit frymojne !

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*

Njoftim

Njoftim