Për herë të parë “Shpirti i Ballkanit” në Korçë, Maqedonia rrëmben Çmimin e Madh

May 27, 2019 12:56

Për herë të parë “Shpirti i Ballkanit” në Korçë, Maqedonia rrëmben Çmimin e Madh

Është zhvilluar për herë të parë Festivali Folklorik Ballkanik në qytetin e Korçës.

Festivali “Shpirti i Ballkanit” shpalosi vlerat e përbashkëta folklorikemes vendeve të Ballkanit.

Ruajtja dhe promovimi i trashëgimisë jomateriale, nxjerrja në pah e vlerave folklorike që mbart “Rajoni i Ballkanit” kanë qenë këto shtysa për të sjellë në qytetin e Korçës, për herë të parë në llojin e tij, Festivalin Folklorik Ballkanik.

“Shpirti i Ballkanit” ka çelur siparin në skenën e teatrit “Andon Zako Çajupi” të Korçës për të treguar se vlerat folklorike janë aq të përbashkëta, sa mund të përmblidhen në një fjalë, në një shpirt të vetëm sikurse dhe është emërtuar ky festival.

Nata e dytë dhe ajo finale e këtij festivali u zhvillua ne Pazarin e Korçës. Nga juria profesioniste u ndanë këto çmime: ‘Çmimi i madh’ shkoi për Trupën e Maqedonisë së Veriut. ‘Kërcimtari më i mirë’ u mor nga  Kosova. ‘Kostumet më të bukura’ Bullgaria. ‘Valltarët më të mira’ me një kërcim autentik folklorik grupi nga Turqia. Gjithashtu një çmim falënderues kishte dhe për Greqinë.

Ngjyrime muzikore, traditë e lashtë, harmoni mes vendesh, ishin këto elementet e ndërthurur së bashku në një mbrëmje, që mbajtën të mbërthyer publikun artdashës korçar, që priti me ngrohtësi artistët gjatë performancave të tyre.

e.t./dita

May 27, 2019 12:56
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*