Përhapet me shpejtësi dhe ka ‘lindur’ nga fermerët në Spanjë, zbulohet një lloj i ri i COVID. Ekspertët: Tregon se masat e parandalimit nuk kanë qenë të mjaftueshme

October 30, 2020 11:04

Përhapet me shpejtësi dhe ka ‘lindur’ nga fermerët në Spanjë, zbulohet një lloj i ri i COVID. Ekspertët: Tregon se masat e parandalimit nuk kanë qenë të mjaftueshme

Një variant i koronavirusit që e ka origjinën nga punonjësit e bujqësisë në Spanjë, është përhapur shpejt në pjesën më të madhe të Evropës, gjatë verës, dhe tani përfaqëson pjesën më të madhe të rasteve të reja të Covid-19 në shumë vende – shkruan Financial Times.

Një ekip ndërkombëtar shkencëtarësh që ka ndjekur virusin përmes mutacioneve gjenetike të tij, ka përshkruar përhapjen e jashtëzakonshme të variantit të quajtur 20AEU1, në një studim të publikuar së fundmi.

Puna e kërkuesve sugjeron se personat që ktheheshin nga pushimet në spanjë, kanë luajtur një rol kyc në transmetimin e virusit në të gjithë Evropën, duke ngritur dyshime mbi faktin se vala e dytë që po përplaset mbi kontinent mund të ishte reduktuar duke përmirësuar kontrollet në aeroporte dhe qendra të tjera transporti.

Ekspertët sqarojnë se çdo variant i koronavirusit të ri, ka një firmë të tijën gjenetike dhe lejon përcaktimin e vendit të origjinës së tij dhe përhapja e këtij versioni tregon se masat e parandalimit të virusit nuk kanë qenë të mjaftueshme.

Kërkuesit zviceranë dhe spanjollë po përshpejtojnë punën për të kuptuar nëse ky variant është më vdekjeprurës apo më infektues se të tjerët por sipas tyre, ai është i ndryshëm nga të gjithë versionet e tjera të sars cov 2 të hasura më parë. Të gjithë viruset pësojnë mutacione dhe më agresivi i deritanishëm i sars cov 2 është quajtur D614G dhe është më infektuesi.

o.j/dita

October 30, 2020 11:04
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim