Pesë kryebashkiakë të djathtë nisin bashkëpunimin me Qeverinë

August 4, 2015 13:30

Pesë kryebashkiakë të djathtë nisin bashkëpunimin me Qeverinë

Kryebashkiakët demokratë të 5 bashkive, ndonëse ende pa u zyrtarizuar kanë nisur bashkëpunimin me qeverinë socialiste. Arsyeja e këtij bashkëpunimi është plani rregullues i bashkive ku ata drejtojnë. Pesë kryetarët e bashkive të djathta janë pjesë e fondit të posaçëm të miratuar nga qeveria për rishikimin e planeve urbanistike në 26 bashki të reja.

Drejtuesit e rinj vendor konfirmojnë se janë të gatshëm të bashkëpunojnë me qeverinë në mënyrë që plani rregullues i njësive që drejtojnë tu shërbejë drejtpërdrejt qyteteve dhe banorëve të tyre. Pjesë e kësaj iniciative janë 21 bashki që drejtohen nga të majtët dhe 5 nga e djathta.

Kryetarët e djathtë të bashkive të Shkodrës, Kukësit, Lezhës, Pogradecit dhe Vorës kanë dhënë tashmë dakordësinë e tyre hartimin, miratimin dhe realizimin e planeve të reja të rregullimit dhe ky vendim ka një arsye të justifikuar që është interesi i qytetarëve të zonave të tyre, raporton A1 Report. Kryetarët e rinj të bashkive thonë se bashkëpunimi do të jetë në çdo hap që do hidhet për realizimin e planit rregullues, ndërsa roli i tyre sipas marrëveshjes do të jetë vendimtar për miratimin e planit rregullues. Mësohet se marrëveshja parashikon që qeveria, përkatësisht Ministria e Zhvillimit Urban, të kontraktojë kompanitë përkatëse për planet rregulluese e më pas projekti do të kalojë për konsultim dhe verifikim nga ekipet përkatëse të bashkive ndërsa kryetarët e kanë fjalën finale në këtë proces. Pjesë e këtij vendimi janë bashkitë Dibër, Durrës, Konispol Krujë Gjirokastër, Kurbin, Korçë, Librazhd, Kukës, Përrenjas, Lezhë, Pogradec, Shkodër, Poliçan, Tiranë, Rrogozhinë, Vlorë, Sarandë, Cërrik Shijak, Divjakë, Skrapar, Himarë, Urë­vajgurore, Kavajë.

Me miratimin e fondit të posaçëm nga qeveria për rishikimin e planeve, parashikohet që të pezullohen lejet e ndërtimit deri në daljen e planit të ri rregullues. Fondi prej 200 milionë lekësh për përballimin e pjesshëm të shpenzimeve, për vitin 2015, për realizimin e procedurave të prokurimit, përballohet nga buxheti i miratuar për Ministrinë e Zhvillimit Urban për vitin 2015, ndërsa pjesa tjetër e fondeve prej 530 milionë lekësh përballohet nga buxheti i shtetit për vitin 2016. Vendimi është marrë në mbështetje të ndarjes së re territoriale, ku shkrirja e 300 bashkive dhe komunave ka sjellë detyrimisht dhe një tjetër vizion për zhvillimin ekonomik apo industrial të zonave.

August 4, 2015 13:30
Komento

5 Komente

  1. spataku August 4, 18:00

    Shkon shume mire dhe shume bukur kur bashkite e djathta bashkepunojne me qeverine.Kjo eshte ne te miren e komunitetit.Por Berisha dhe Basha nuk e duan kete bashkepunim se u bje hunda ne ……

    Reply to this comment
  2. SuloKapedani August 4, 20:06

    Hunda e shpellarit duhet lene ne shpelle si kafshe e eger.Mashtrimi dhe egersia kunder te gjitha te mirave nuk i perket llogjikes njerzore.Funderrina e kombit kerkon me çdo kusht te diktoje shkaterrimin si arritje zhvillimi.Kush mund ta menfoje nje gje te tille perveç ketij anormali?

    Reply to this comment
  3. SuloKapedani August 4, 20:07

    Hunda e shpellarit duhet lene ne shpelle si kafshe e eger.Mashtrimi dhe egersia kunder te gjitha te mirave nuk i perket llogjikes njerzore.Funderrina e kombit kerkon me çdo kusht te diktoje shkaterrimin si arritje zhvillimi.Kush mund ta mendoje nje gje te tille perveç ketij anormali?

    Reply to this comment
  4. METEH August 5, 07:17

    Ju lumt K/bashkive te djathta,shifni punen e jo gunen e Sali-Lulit,se ata e duan shqiperin te coptuar,te varfer,te vuaj…se keshtu mund te vijne ne pushtet.Rama do i ndihmoi te gjithe siç ka premtuar.Dhe ai e mban fjalen..!

    Reply to this comment
  5. koco August 5, 08:46

    Eshte veprim e qendrim i duhur i ketyre Kryebashkiakeve te dale nga zgjedhjet e 21 qershorit te vitit 2015 . ku per hir te se vertetes nje pjese e tyre te kandiduar per P D , deshmoj per nje arogance te perzgjedhjes se kandidateve per Kryebashkiake teresisht sipas pazareve dhe deshirave te lidershipit te partive te Kualicioneve dhe Aleancave duke shperfillur kundershtine e qytetareve dhe bazes se partise , ndaj pazareve te lidereve partiake zgjedhjet e te cileve nuk perpulleshin ne bazen dhe nuk ishin ne te mire te votuesve zgjedhesave , por te interesave t e klaneve e mafjes qe fshiheshin pas Kandidimit te ketyre subjekteve Politik berese dhe konkretisht deshmi e atyre pazareve eshte rezultati i zgjedhjeve per Kryetar Bashkie ne Qyteti e rrethin e Pogradecit , ku votuesit perzgjodhen Kandidatin jo subjektin, arogancen L . S . I. prandaj dhe bashkepunimi do jete plotesisht i frutshem dhe nje mesim per padronet e Partive ne Qender te cilat shpesh deshmojne se nuk jane nje me interesat e bazes .

    Reply to this comment
Shiko komentet

Komento

Your e-mail address will not be published.
Required fields are marked*