Po bëhemi si europianët: Rritet numri i familjeve të vogla

August 10, 2018 14:45

Po bëhemi si europianët: Rritet numri i familjeve të vogla

Numri i familjeve më një ose dy anëtarë në Shqipëri është rritur. Mesatarisht në 2017-n, 16% e familjeve kishin në përbërjen e tyre një ose 2 pjesëtarë. Bazuar në të dhënat e INSTAT dhe në përllogaritjen e “Monitor”, numri i familjeve të vogla në vend është rritur me 2% krahasuar me një vit më parë.
Nga 80,964 familje që u numëruan në Shqipëri, 12,649 ishin familje që në përbërjen e tyre nuk kishin më shumë se dy persona.

Vetëm familjet me një anëtar përbëjnë 6% të totalit të familjeve në Shqipëri, ndërsa ato me 2 pjesëtarë përbëjnë 10% të totalit.

Peshën më të madhe në totalin e familjeve janë familjet që në përbërjen e tyre kanë 4 pjesëtare, me 33% të totalit. Çereku i familjeve (25%) përbëhen me pesë anëtarë, rreth 18% e tyre kanë në përbërje tre anëtarë, ndërsa mbi 21% e familjeve kanë 6 ose më shumë anëtarë në përbërjen e tyre.

Edhe pse numri i familjeve të vogla (me një ose dy anëtarë) ka qenë në rritje në vitet e fundit, krahasuar me mesataren e Bashkimit Europian, pesha e tyre ndaj totalit është shumë më e ulët.

Të dhënat nga Eurostat tregojnë se që nga viti 2010, ku pesha që zinin familjet me një ose dy anëtarë ishte 31%, është rritur në mënyrë graduale me 2.4% në 2017 në Bashkimin Europian. Në disa shtete rritja ka qenë e dukshme. Në Letoni për shembull, përqindja e familjeve me një ose dy anëtarë u rrit nga 25% në 2010 në 35% në 2017.

Statistikat më të fundit mbi madhësinë e familjeve në Bashkimin Europian tregojnë se në 2017-n rreth një e treta e familjeve përbëheshin nga të rritur pa fëmijë.

Shifrat janë marrë nga statistikat e Forcave të Punës në BE, të cilat kanë treguar edhe diferencën midis shteteve anëtare. Pesha e familjeve me një ose dy anëtarë ndaj totalit të familjeve varjon nga 20% në Maltë, 22% në Sllovaki dhe Portugali deri në 43% në Lituani, 44% në Danimarkë dhe 51% në Suedi.

o.j/dita

August 10, 2018 14:45
Komento

2 Komente

  1. Munges e theksuar Stradegjie prej Shtetit Shqiptare i cili s'ja ka iden prirjoriteteve te vendit August 10, 15:06

    shteti .
    pra pushteti harxhon gjithe energjine e tij
    duke u marre me ping-pomgun me bandat politike ,
    nderkohe qe ai vend ,
    eshte jashte kontrolli ne cdo drejtim .
    Mungon gjithcka ,
    kujdesi ,interesi ,
    vullneti etj etj

    A thu erdhen ne pushtet kta ,qe votuam ,
    per me vazhduar Ping-Pong-un idiot

    me sharlatanet qe shkaterruan Shqiperine ?!

    Reply to this comment
  2. Arben August 10, 17:34

    Pra.po shkojme drejt zhdukjes si rrace.

    Pasoje direkte e degjenerimit shoqeror.

    Reply to this comment
Shiko komentet

Komento

Your e-mail address will not be published.
Required fields are marked*