Policët: Stresi na iku nga shkallët. Rrezikon deri në 5 vite burg

Policët e arrestuar pas arratisjes së Arkimend Lushaj, i njohur me emrin “Stresi”, kanë dëshmuar për arratisjen e tij.

“E pranojmë që nuk morëm masat e duhura gjatë shoqërimit të Arkimed Lushaj, por nuk e menduam në asnjë çast se ai do të arratisej”, kanë thënë ata.

Saimir Cinga, 39 vjeç, me detyrë Ndihmës Specialist për Linjat Interurbane në Njësinë e Qarkullimit Rrugor Tiranë, Bashkim Dybeli, 48 vjeç, me detyrë trupë shërbimi në Komisariatin Rajonal të Qarkullimit Rrugor Tiranë dhe Mark Gjonpalaj, 46 vjeç, me detyrë oficer i Policisë Gjyqësore pranë Komisariatit Rajonal të Policisë së Qarkullimit Rrugor Tiranë janë të arrestuarit për arratisjen e Stresit.

Ata kanë thënë se nuk e mendonin që ai do të arratisej.

Stresi ndërkohë tashmë akuzohet për veprat “mosbindjes ndaj urdhërit të policisë”, “Largim nga vendi i vuajtjes së dënimit” dhe “drejtim të mjetit pa patentë”.

Për këtë arsye ai rrezikon të dënohet deri në 5 vjet burg.