Porosia e Mogherinit: Të hapen negociatat me Shqipërinë

September 3, 2018 22:01

Porosia e Mogherinit: Të hapen negociatat me Shqipërinë

Në fjalimin e saj të fundit përpara vitit elektoral 2019 për Parlamentin Europian, në Konferencën e përvitshme të Ambasadorëve të BE-së që largohen dhe ata që marrin detyrën nga tani, përfaqësuesja e lartë e BE-së për Politikën e Jashtme dhe Sigurinë, Federica Mogherini ka theksuar ndër të tjera se përgjatë këtij viti duhet bërë ende shumë për të ngurtësuar gjithçka është arritur deri më tani.

“Kemi shumë për të bërë për të përmbushur punën tonë dhe për t’i lënë pasardhësit, që do të ketë nderin dhe kënaqësinë të bëjë këtë punë pas meje, vitin e ardhshëm, të gjitha instrumentet e nevojshme dhe të domosdoshme që të punojë siç duhet”, do të shprehej në fillim Mogherini, e cila la edhe “amanetet” e saj.

“Do të jetë një vit intensiv për përgatitjet drejt hapjes së negociatave të anëtarësimit me Shqipërinë dhe Maqedoninë. Më lejoni të jem e qartë: kjo mundësi duhet të kapet tani! Nuk është një lëshim që po bëjmë ne, është në interesin e qytetarëve europianë, brenda dhe jashtë Bashkimit Europian. Në Ballkan, sot është më se e qartë se Bashkimi Europian është pikë reference. Më lejoni t’u them diçka edhe atyre që kanë frikën se fuqi të tjera po bëhen gjithnjë e më të pranishme në rajon: për sa kohë që ne të jemi të pranishëm në rajon, nuk ka hapësirë për të tjerë”, tha Mogherini.

Përfaqësuesja e lartë e BE-së solli në vëmendje se, viti i kaluar ishte jashtëzakonisht intensiv, por muajt e ardhshëm do të jenë edhe më vendimtarë, duke u ndalur edhe te marrëdhëniet Kosovë-Serbi.

“Besoj se ekziston një mundësi reale që presidentët Vuçiç dhe Thaçi të arrijnë një marrëveshje që do të adresojë të gjitha çështjet e hapura mes Beogradit dhe Prishtinës. Një marrëveshje gjithëpërfshirëse, detyruese ligjërisht për të normalizuar marrëdhëniet mes dy palëve. Një marrëveshje që të jetë në përputhje të plotë me ligjin ndërkombëtar, e që do të mund të ndihmojë në qëndrueshmërinë e të gjithë rajonit. Më lejoni të përmend edhe data, sepse viti i ardhshëm 2019 do të jetë edhe 20-vjetori i luftës në Kosovë. Për këtë arsye besoj se ka ardhur koha që t’i jepet fund atij konflikti”, tha më tej Mogherini.

Federica Mogherini u ndal edhe në çështjen e emrit mes Athinës dhe Shkupit.

“Mes palëve u manifestua një marrëveshje gjatë verës, ndërkohë që në Maqedoni do të zhvillohet brenda pak javësh një referendum për emrin. Shpresoj që së shpejti, ai vend të quhet Republika e Maqedonisë së Veriut”, deklaroi Mogherini.

o.j/dita

September 3, 2018 22:01
Komento

2 Komente

  1. fery September 4, 16:54

    Ju znj.Migerini flisni pet hapjen e negociatave te BE me Shqiperine por , nuk jepni afat se kure duhet BE ti filloje ti hape keto negocia me Shqiperine
    Atehere , a mund te ba thoni , ka lidhje kjo hapje e negociatave te BE me Shqiperine me dokumentin perfundimtar ligjor mese Kosoves dhe Serbise per ndryshim kufijsh dhe a kane lidhje keto negociata me krushkun e presidentit Vuciq , kryeministri shqiptar Edi Rama me sherbimin qe i beri Serbise
    Nese kjo eshte e vertete znj. Migerini ateher , ne negociatat me Shqiperine BE spo i hape pse kjo e fundit i paska permbushin kriteret e percaktuara dhe paska avancuar ne reform por , Shqiperija po u shperbleheka nga BE per rolin e kryeministrit shqiptar Edi Rama per falje teritori ose , Veriut te Kosoves Serbise
    Bashkimi i Lugines se Presheves me Kosoven eshte nji ander ne color e gjithe aktereve dhe nji perpjekje e vuarjes ne gjum ( nina Nana ) te popullut shqiptar kudo qe eshte ..

    Reply to this comment
Shiko komentet

Komento

Your e-mail address will not be published.
Required fields are marked*