POSHTË ATA DHE RROFSHIM NE

May 30, 2014 15:46

POSHTË ATA DHE RROFSHIM NE

(Monolog i Sali Berishës përpara gjumit të mbrëmjes)

 

Poshtë Edvin Rama

Poshtë edhe Iliri

Rroftë Jozefina

Rroftë Strazimimiri.

 

Rroftë e qoftë hashashi

Që prodhon Fushë-Kruja

Poshtë Amerika

Poshtë Arvizuja.

 

Poshtë kjo shumicë

Poshtë socialistët

Rrofshin të papunët

Rrofshin dhe grevistët.

 

Poshtë gjithë e majta

Mimi ogurzeza

Të na rrojë Nertila

Tilla Qafëzeza.

 

Poshtë Enver Hoxha

Se qe një hafije

Që më bëri mua

Sekretar partie.

 

Poshtë Ditmir Bushati

Poshtë Bamir syfeti

Të më rrojë Basha

Basha edhe deti.

 

Poshtë ish-partizanët

Që kanë mbetur gjallë

Rrofshin gjithë ballistët

Që kanë bërë pallë.

 

Poshtë Sajmir Tahiri

Poshtë ai legen

Poshtë dhe statusi

Që prej Ramës vjen

 

Poshtë edhe ushtria

Që futëm në NATO

Të na rrojë Divjaka

Edhe Riformato.

 

Të më rrojë Basha

Që s’më heq timonin

Të na rrojë droga

Bashkë me avionin.

 

Dhamë det në jug

Për të hedhur lumin

Siç dha Ahmet Zogu

Dikur Shën Naumin.

 

Rrofshin idealet

Që kishin ballistët

Rrofshin gjithë hajdutët

Rrofshin gjithë xhepistët.

 

Rroftë sërish statuti

Që kaq shumë e deshën

Poshtë shqiptarët

Që shollet me veshën.

May 30, 2014 15:46
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*