Prefektura e Tiranës, ikën Keltis Kruja, zëvendësohet nga Aljona Mansaku

Redaksia Online September 12, 2013 08:37

Prefektura e Tiranës, ikën Keltis Kruja, zëvendësohet nga Aljona Mansaku

Pas largimit të prefektit të Tiranës, Kletis Kruja, i cili mori mandatin e deputetit, ish-kryeministri Berisha ka emëruar në këtë post Aljona Mansakun.

Vendimi për emërimin e Mansakut është marrë në datën 29 gusht dhe ka hyrë në fuqi menjëherë, ndërkohë që ditën e djeshme është publikuar edhe në Fletoren Zyrtare.

“Në mbështetje të nenit 114 të Kushtetutës dhe të nenit 4 të ligjit nr. 8927, datë 25.7.2002 ‘Për prefektin’, me propozimin e ministrit të Brendshëm, Këshilli i Ministrave vendosi: Znj. Aljona Mansaku emërohet prefekte e qarkut Tiranë”, thuhet ndër të tjera në vendimin e Këshillit të Ministrave. Më herët Mansaku ka mbajtur postin e sekretares së përgjithshme në Komisionin Qendror të Zgjedhjeve, ndërkohë që ka dhënë dorëheqjen dy muaj përpara zgjedhjeve parlamentare të 23 qershorit. Megjithatë, detyra e saj e re nuk do të jetë për një kohë shumë të gjatë, për shkak se qeveria e re pritet të bëjë edhe emërimet e reja për postin e prefektit.

Redaksia Online September 12, 2013 08:37
Komento

1 Koment

  1. lomi September 12, 08:44

    Aliona po ctu desh ty ky vend. Me mire shko martohu e shih ndonje filxhan se nuk ke mundesi as per te hyp e as per te zbrit…..

    Reply to this comment
Shiko komentet

Komento

Your e-mail address will not be published.
Required fields are marked*