Presidenti i Empolit: Hysaj, investimi ynë më i madh, e ndjek Napoli

July 28, 2015 14:41

Presidenti i Empolit: Hysaj, investimi ynë më i madh, e ndjek Napoli

Napoli nuk heq dorë nga Elseid Hysaj pasi mbrojtësi shkodran mbetet një nga objektivat kryesorë të kësaj merkatoje. Këtë e konfirmon presidenti i Empolit, Fabrizio Corsi në një intervistë dhënë për mediat italiane.

“Hysaj te Napoli? Di që ka një interesim nga ana e shoqërisë së kaltër por nuk mund të flas me detaje sepse nuk e di me saktësi çmimin e kartonit të lojtarit. Gjatë 15 ditëve të fundit trajneri na ka pyetur për të ardhmen e tij sepse e di shumë mirë vlerën e tij. Ai është blerja jonë më e mirë në Itali, një djalë me vlera dhe i nevojshëm për skuadrën.

Ka shumë personalitet dhe për ta kuptuar këtë shikoni ndeshjet Portugali-Shqipëri dhe Shqipëri-Francë ku ishte lojtari më i mirë në fushën e lojës. Për fat të keq, në Empoli lojtarët nuk e shikojnë përherë veten e tyre dhe unë mendoj se është e drejtë që të shkojnë në skuadra të tjera për të fituar eksperiencë. Te Napoli mund t’i marrin frytet e një lojtari si Hysaj për disa vjet rresht. Ai është rritur falë trajnerit Sarri por mendoj se rruga për të nuk ka përfunduar sepse procesi i rritjes do të vazhdojë. Në aspektin mbrojtës është i kompletuar, por duhet të përmirësohet në atë sulmues. Pas dy vitesh mendoj se do të shënojë 4 apo 5 gola në sezon”.

Deklarata e numrit një të shoqërisë toskane vjen në një moment delikat për mbrojtësin kuyqezi i cili ka oferta të shumta edhe nga Bundesliga.

July 28, 2015 14:41
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*