Projekti ‘JuST’. Donald Lu: Investuam 10 milion usd për drejtësinë

September 18, 2015 21:09

Projekti ‘JuST’. Donald Lu: Investuam 10 milion usd për drejtësinë

Projekti ‘JuST’, i financuar nga USAID, përmbylli sot misionin e saj 5-vjeçar, me një ceremoni madhështore ku ishin të ftuar amabasadori amerikan, ministri i Drejtësisë, krerët e gjykatave në vend, avokatë dhe përfaqësues të shoqërisë civile.

vlcsnap-2015-09-18-21h25m27s117

Gjatë fjalës përshëndetëse, ambasadori amerikan Donald Lu, deklaroi se Shtetet e Bashkuara do të vijojnë mbështetjen për të ndërtuar një drejtësi siç e meriton populli shqiptar.
Lu, tha: “USAID ka shpenzuar rreth dhjetë milionë dollarë gjatë pesë viteve të fundit, në mbështetje të Projektit për Forcimin e Sistemit të Drejtësisë (JuST). Qëllimi i këtij projekti ka qenë forcimi i aktivistëve shqiptarë të OJQ-ve, gazetarëve të pavarur, zyrtarëve të gjykatave dhe profesorëve që të punojnë për ndryshimin”.

vlcsnap-2015-09-18-21h48m49s10

Ambasadori amerikan u ndal edhe tek arritjet në sistemin e drejtësisë, ku projektit ‘JuST’ përgjatë këtyre viteve u përqendrua në rritjen e transparencës, paanshmërisë dhe efikasitetit në gjykatat shqiptare.
Lu, theksoi: “Pesë vite më parë, një çështje penale në Korçë ose në Krujë kërkonte zhvillimin e nëntë seancave gjyqësore për marrjen e një vendimi. Sot, nevojiten vetëm tri seanca gjyqësore, falë teknikave të prezantuara të menaxhimit aktiv të çëshjeve gjyqësore.

vlcsnap-2015-09-18-21h25m52s101

Kjo u jep njerëzve drejtësi pak më shpejt. Gjatë pesë viteve të fundit, ‘JuST’ ka mbështetur Shoqatën e Gazetarëve për Drejtësi, për krijimin e një faqeje interneti të pavarur, për botimin pa censurë ose ndërhyrje të artikujve dhe të kryeartikujve” – u shpreh Lu.

vlcsnap-2015-09-18-21h28m34s209

‘JuST’ ndihmoi për krijimin e Shoqatës së Gazetarëve për Drejtësi (SHGD), organizatë kushtuar gazetarisë investigative dhe trajtimit të një sërë problemeve, që hasen në mjaft institucione shtetërore shqiptare.

vlcsnap-2015-09-18-21h28m10s193

Projekti mbështeti SHGD-në për të krijuar partneritet me qendra serioze të gazetarisë investigative në rajon. ‘JuST’ ndihmoi për krijimin e nje faqeje të medias së pavarur, www.investigim.al, për të publikuar, me shkrim dhe me vidio, raportime investigative që zbulojnë raste korrupsioni.

vlcsnap-2015-09-18-21h26m12s32

Deri tani, janë publikuar 63 raste që lidhen me korrupsion. 38 studentë të gazetarisë janë tashmë të trajnuar me teknikat e investigimit dhe po luajnë rol aktiv në përgatitjen e artikujvë investigativë.

vlcsnap-2015-09-18-21h26m21s142

Regjistrimi në audio i seancave gjyqësore, krijimi i Unionit të Gjyqtarëve, si dhe ngritja e Klinikës së Ligjit, ishin disa nga risitë e tjera që mundësoi projekti ‘JuST’.

September 18, 2015 21:09
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*