Prokurorët të “zhytur” në kredi, kanë kursyer nga pagat e tyre dhe bashkëshorteve

May 17, 2015 12:47

Prokurorët të “zhytur” në kredi, kanë kursyer nga pagat e tyre dhe bashkëshorteve

Prokurorët vazhdojnë të jenë të “zhytur” me kredi. Pas vitit 2005, ata kanë përfituar kredi lehtësuese, të cilat vazhdojnë t’i deklarojnë për çdo vit, në ILDKPKI. Sipas vëzhgimit të Shqiprezulton se personat që ngrenë akuzat në emër të shtetit kanë kursyer shumë nga pagat e tyre apo të bashkëshorteve, apo edhe nga dhënia me qira të disa ambienteve.

Kështu, Adriatik Llalla ka deklaruar në vitin 2014 një llogari rrjedhëse në një bankë të nivelit të dytë për shumën prej 1 milion lekësh. Ndërkohë, ka edhe një llogari prej 100 mijë lekësh. Ka gjendje kesh 2 milionë lekë të kursyera nga të ardhurat nga paga apo nga qiraja e banesës, shtesa për vitin 2014 ka qenë 1.5 milionë lekë. Duke qenë se më parë ka drejtuar ILDKPKI-në, Llalla është treguar i kujdesshëm në deklaratën e tij, ndërsa thotë se të ardhurat e tij neto nga paga si kryeprokuror dhe zv.kryetar i bordit drejtues të Shkollës së Magjistraturës janë 1.9 milionë lekë. Të ardhura neto nga paga e bashkëshortes përgjegjëse sektori pranë IKSH-së janë 813 mijë lekë, ndërsa të ardhura neto nga dhënia me qira e një pjese të banesës për vitin 2014 në shumën 1 milion lekë, raporton “Shqip”.

Drejtuesi i komanduar i Prokurorisë së Krimeve të Rënda, Adnan Xholi, ka deklaruar në 2014 si kursime 108 mijë lekë. Ka pasur kursime nga paga si pedagog në një universitet privat 62 mijë lekë, kursime nga paga e bashkëshortes prej 253 mijë lekësh. Vazhdon të shlyejë kredinë prej 5 milionë lekësh të marrë në vitin 2006 me interes 3 për qind për një afat 25-vjeçar me këst mujor 23 mijë lekë.

Ndërkohë, drejtuesi i Prokurorisë së Tiranës, Petrit Fusha, ka shtuar gjendjen kesh për vitin 2014 në shumën 10 mijë euro. Burimi ka qenë të ardhurat nga dhënia me qira e lokalit. Ka deklaruar të ardhura nga paga si drejtues i Prokurorisë së Tiranës 1.9 milionë lekë, të ardhura si anëtar i Këshillit të Prokurorisë 40 mijë lekë. Fusha ka deklaruar të ardhura nga qiraja e lokalit në Mjuth Bathore në shumën 60 mijë euro. Ka shlyer 28 mijë euro një kredi, ndërsa i kanë mbetur 60 mijë euro. Ka shlyer edhe një kredi dhe kartë krediti në shumën 689 mijë lekë, mbetur gjendje detyrimi 3.7 milionë lekë.

Ish-drejtuesi i Prokurorisë së Krimeve të Rënda, Eugen Beci, prokurori që u përmend nga Tom Doshi si një nga komplotistët e tij, ka deklaruar se ka blerë një apartament banimi 169 metra katrorë. Ai e ka përfituar nga shkëmbimi i pasurisë me një person. Për shkëmbimin e kësaj prone, ka kaluar apartamenti i tij me sipërfaqe 82 metra katrorë në Tiranë, si dhe shuma prej 7.2 milionë lekësh. Nga kjo shumë, 4.4 milionë dhënë në vitin 2014. Ka deklaruar të ardhura nga paga 2 milionë lekë dhe të ardhura nga paga e bashkëshortes si nëpunëse Bashkia Tiranë 577 mijë lekë. Vazhdon të shlyejë kredinë prej 5 milionë lekësh, e marrë me interes të ulët, me këst mujor 23 mijë lekë.

Zv.drejtuesi i Krimeve të Rënda, Blerim Tominaj ka deklaruar kursime nga pagat 184 mijë lekë, rroga si prokuror 1.7 milionë lekë dhe rroga e bashkëshortes 478 mijë lekë. Ndërkohë, ka përfituar 140 mijë lekë nga qiraja e lokalit. Vazhdon të paguajë huan që ia ka marrë kunatit, ku për vitin 2014 i ka dhënë 10 mijë euro. I kanë mbetur për të paguar edhe 77 mijë euro.

Ndërkohë, zv.drejtuesi më i ri i Prokurorisë së Tiranës, Henrik Ligori, ka deklaruar kursime nga të ardhurat 900 mijë lekë, ndërsa ka edhe një shtesë likuiditetesh në llogari rrjedhëse 2 milionë lekë. Ligori ka shkruar se ka fituar të ardhura nga paga 1.7 milionë lekë, honorare shkolla e magjistraturës 138 mijë lekë, honorare nga shkolla kombëtare e avokatisë 30 mijë lekë. Ka deklaruar të ardhura nga bashkëshortja 997 mijë lekë, ndërsa ka paguar 5 mijë euro nga një kredi prej 15 mijë eurosh për blerjen e automjetit në vitin 2012.

Drejtuesi i Prokurorisë së Apelit të Tiranës ka deklaruar në vitin 2014 mbylljen e një llogarie në lekë dhe hapjen e saj në euro për rreth 5 mijë euro. Ka para të kursyera 900 mijë lekë. Ka deklaruar gjithashtu edhe pagën rreth 1.2 milionë lekë, si dhe pagën prej 1.3 milionë lekë nga paga e bashkëshortes në Kryeministri. Ai ka fituar 72 mijë lekë nga këshilli i prokurorisë, ndërsa vazhdon të paguajë kredinë shtetërore për strehim prej 5 milionë lekësh që mbaron në vitin 2025.

May 17, 2015 12:47
Komento

8 Komente

  1. TJ May 17, 12:56

    C’fare ndodh ne Shqiperi eshte e pabesueshme! Njerez me pozite te larte ,qe e kane vendin ne burg,bejne ligje ne parlament apo jane ne postet me te larta,si ky perversi Llalla! Si mund te luftohet korrupsioni ne Shqiperi me njerez te zhytur ne krim?!

    Reply to this comment
  2. Zogu May 17, 13:01

    Fytyre debili…..

    Reply to this comment
  3. GJERGJ May 17, 13:23

    Ky dhalla ka te drejte qe tallet me ate popull se 70% e te rinjve ne SHqiperi jane me diplloma fallco=pa shkolle dhe ata qe jane ne Parlament jane me te korruptuar se dhalla,dhe ky mish me dy sy vazhdon te jete ”Prokuror i Pergjithshem”se nuk ka kush e zvendeson,kete miop.

    Reply to this comment
  4. Arben May 17, 13:58

    BURGU U JEP HAKUN KETYRE, NE MOS TUA DOREZOSH KRIMINELAVE TE ISIS, SE I SISTEMOJNE ATA ASHTU SIC DINE VETE, PASTAJ.

    Reply to this comment
  5. Zoro May 17, 14:04

    Shikon rrushi fikun dhe piqet.

    Reply to this comment
  6. miroo May 17, 22:50

    jo…..shikon rrushi mollen dhe piqet dardha ne maje te fikut

    Reply to this comment
  7. taku May 18, 00:53

    ky vend ka marre fund me kohe, shikoni cfare presidenti debil kemi, shikoni kryeprokurorin cfare modeli eshte si xhepist, shikoni njeriun qe qesh, palokrat, halimrat, ristanrat e dodrat dhe ne fund shikoni kryeplehren berisha…mjere ky vend

    Reply to this comment
  8. Beni ecën vetë May 18, 08:01

    Ka edhe prokurorë që, për 500 euro shmangin dënimin e një të varfri nga burgu për mos pagim të energjisë elektrike. Emri, në një rast të shpejtë!!?

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*