Prokuroria kërkon dosjen për Balilin

May 13, 2016 15:49

Prokuroria kërkon dosjen për Balilin

Prokuroria e Krimeve të Rënda i kërkon autoriteteve greke t’i përcjellë materialet hetimore ndaj Klement Balilit, ish-drejtor i Transporteve për Sarandën, pasi nga përgjimet e kryera për llogari të Greqisë nuk del asnjë e dhënë kompromentuese kundër tij që do t’i hapte rrugë arrestimit të tij në Shqipëri.

Ky veprim i Prokurorisë është ndërmarrë pas njoftimeve përmes të cilave thuhet se drejtësia greke kërkon prangosjen  e 44-vjeçarit i kërkuar për trafik ndërkombëtar narkotikësh.

Por akuza shqiptare nuk mund të veprojë pa patur dosjen me të dhënat që shpjegojnë implikimin e Balilit në trafikun e drogës  për shkak se ai nuk mund të arrestohet pa patur prova me të cilat të kërkohej burgimi në gjykatë.

Por njëkohësisht edhe drejtësia greke deklaron se po përkthen dosjen për t’ja deleguar Shqipërisë, duke e lënë këtë çështje në pritje të provave, derisa së paku të ketë një vendim gjyqësor për arrestimin e tij, sipas të cilit do të nxirrej edhe një mandat arresti ndërkombëtar.

Balilaj u cilësua nga mediat greke si “baroni i drogës”, ndërkohë që shikohet si kreu i një organizate kriminale, që së bashku me anëtarët kanë trafikuar prej 2014 drejt vendeve të Bashkimit Europian tonelata kilogramë me hashash.

May 13, 2016 15:49
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*