Prokurorja drejt konfirmimit në detyrë, KPK: Vendimi pas dy ditësh

June 4, 2018 14:44

Prokurorja drejt konfirmimit në detyrë, KPK: Vendimi pas dy ditësh

 

Anila Leka, prokurore në Prokurorinë e Përgjithshme i është nënshtruar këtë të hënë vetingut, në Komisionin e Pavarur të Kualifikimit.

Sipas ILKDPI, prokurorja ka bërë deklarime të sakta dhe nuk ka fshehje të pasurisë.

Ajo disponon në Tiranë një apartament me sipërfaqe 95 m2, dhe një vlerë prej 34 mijë dollarë. Gjithashtu ka një apartament në Durrës, të vlerësuar 3 milionë lekë dhe bono thesari 11.500 dollarë.

Gjithashtu sipas deklarimit në llogari të babait të saj ka bono thesari, 3.5 milionë lekë, dhe llogari bankare 7 mijë dollarë.

Ndërsa e ëma, një llogari bankare 9 mijë dollarë. Në lidhje me figurën e Lekës, DSIK konstaton përshtatshmëri, dhe vlerësim për aftësitë profesionale.

Vetë prokurorja i kërkoi trupës gjykuese të përbërë nga Firdes Shuli, Roland Ilia dhe Suela Zhegu të konfirmohet në detyrë.

Leka e ka nisur karrierën e saj në 2004, dhe ka qenë dhe eksperte në Shkollën e Magjistraturës. Prej vitesh ajo punon në organin qendror të akuzës. Vendimi do të jepet më 6 qershor në orën 09.00.

Ndërkohë, të martën në sitën e vettingut do të kalojë gjyqtari i Gjykatës së Lartë, Edmond Islamaj. Trupa gjykuese që do të vendosë për prokuroren përbëhet nga Suela Zhegu, Pamela Qirko dhe Genta Tafa. Në të njëjtën ditë është dhe Dritan Prenci, prokuror në Prokurorinë pranë Gjykatës së Shkallës së Parë për Krimet e Rënda Tiranë.

l.h/ dita

June 4, 2018 14:44
Komento

1 Koment

  1. Punonjes ne sistemin e drejtesise June 4, 21:52

    BEHENI PROKURORE TE PERGJITHESHME KETE ZONJEN SE MUND TE JETE E VETEME NE TERE SISTEMIN GJYQESOR QE NUK ESHTE NE KONFLIKT INTERESI .E PA MARTUAR PA BURRE E PA FEMIJE QE JETON NE SHTEPI ME DY PRINDER TE MOSHES MBI 70 VJEÇ E NJEREZ TE NDERUAR!
    TERE KJO GLASE POLITIKE NE TE 4 PUSHTETET 90 PERQIND TE FEMIJEVE I KANE ME VEPRA PENALE!!!!!!!!!!!!!!!!!!!!!!!!!!!!!!!!!!!!!

    Reply to this comment
Shiko komentet

Komento

Your e-mail address will not be published.
Required fields are marked*

Sondazh

A ËSHTË EDI RAMA I MAJTË?

Shiko rezultatin