Protesta, Basha fton të rinjtë: Merrni në dorë fatin e vendit

December 7, 2015 18:31

Protesta, Basha fton të rinjtë: Merrni në dorë fatin e vendit

Lulzim Basha beson tek të rinjtë në përmbushjen e misionit të opozitës për largimin e qeverisë “Rama”.

Në prezantimin e kreut të ri të Forumit Rinor të Partisë Demokratike, Basha u kërkoi të rinjve që ashtu si në vitin 1990, të rimarrin fatet e vendit në dorë për të larguar nga qeverisja ata që kreu i demokratëve i quajti “grup kriminelësh”.

“Nesër nis një marshim për lirinë për të zgjedhur, për t’u shprehur, për t’u punësuar, për lirinë nga krimi dhe tirania e varfërisë dhe padrejtësisë, që është shtruar sot në çdo cep të Shqipërisë. Koha ka ardhur që rinia të rimarrë edhe njëherë të ardhmen në dorë. Ne duam që rinia të ketë mundësi studimi. Le ta pagëzojmë 8 dhjetorin si ditën kur rinia nuk e iku por qëndroi, nuk uli kokën po u ngrit dhe fitoi”, deklaroi kreu i Partisë Demokratike.

Por jo vetëm të rinjtë, Basha shpreson që në protestë të tërheqë edhe nga vetë radhët e Partisë Socialiste.

“Çdo shqiptar e ka të qartë, demokratët po e po, por edhe socialistët e kanë të qartë se partia e tyre është përdorur për të ushtruar pushtetin një grup kriminelësh pa asnjë lidhje me ta”, u shpreh Basha.

Basha gjeti kohë që mes entuziazmit të të rinjve të thumbonte kryeministrin Rama dhe turin e Partisë Socialiste, ‘Ta pastrojmë më tej Shqipërinë’.

“Para se të vija këtu pashë kokoshin që kishte zënë çdo ekran dhe për një momment më erdhi keq për të; po i rridhnin hundët dhe ky që do pastronte Shqipërinë nuk pastronte dot hundën e vet. Nuk ka si të pastrojë Shqipërinë njeriu që e bëri pis me aleancën e tij me kriminelët”, tha Basha.

December 7, 2015 18:31
Komento

1 Koment

  1. shqiptar sharri. December 7, 19:28

    Ne,raste se neser,po bejni ndonji krim dhe vritni ndonji njeri,dihet se ju me sali serbin dhe udben serbe e eni bere,sic e bete 2,prillin ne viin e mbrapsht 1991,kur u vran 4 shqiptar te partis suaj me qellim qe te vini ne pushtet dhe e aritet ete qellim,atehere por kam shpres se pas 24,viteve populli ju njeh mir planet e juja te zeza,dhe besoi se nuk dote keni ato perkrahje qe i kishit ne ato vite te erta,kam besim se dotju deshtoi plani juaj dhe shpresoi qe dotju deshtoi.

    Reply to this comment
Shiko komentet

Komento

Your e-mail address will not be published.
Required fields are marked*