Haradinaj nën akuzë për pushime luksi: 40 mijë franga vetëm suita

January 3, 2018 17:52

Haradinaj nën akuzë për pushime luksi: 40 mijë franga vetëm suita

Portali investigativ Insajder akuzon kryeministrin e Kosovës (në foto me bashkëshorten) se ka kaluar pushime luksi në një rezort ku edhe Merkel refuzon të pushojë për shkak të çmimeve tejet të larta.

Bëhet fjalë për hotelin “Carlton” në Saint Moritz në Zvicër.

Qendra e skijimit në Saint Moritz është me e shtrenjta në botë, kurse hoteli “Carlton” i ndërtuar në stilin rus në alpet zvicerane përballë një liqeni, është në mesin e pesë hoteleve më të shtrenjta,

Më poshtë pjesë nga shkrimi i Insajder:

Haradinaj, së bashku me bashkëshorten Anitën, tre fëmijët dhe djalin e vëllait të tij, Dautit ka pushuar në hotelin “Carlton” në Saint Moritz në Zvicër.

Aty, familja Haradinaj ka pushuar në këtë hotel nga 25 dhjetori 2017 deri më 2 janar 2018.

Dhoma më e lirë në këtë hotel për një natë është nga 1 mijë e 300 franga. Çmimet arrijnë deri në pesë mijë franga, për një natë.

Insajderi ka mësuar se kryeministri i një prej shteteve më të varfra në Evropë – Kosovës, është vendosur në suitën e quajtur “Czar” prej 160 metrash katror.

Në kohën e pushimeve të vitit të ri, çmimi i kësaj suite ka qenë fiks 40 mijë e 600 franga për shtatë ditë.

Haradinaj, së bashku me familjen është vendosur të martën e 25 dhjetorit rreth orës 12 në këtë hotel. Aty kanë qëndruar nëntë ditë.

Nuk dihet saktësisht se sa ka paguar Haradinaj për pushimet në fshatin luksoz në Zvicër. Por, bazuar në çmimet publike të hotelit, pushimet e kryeministrit mund të kenë kushtuar rreth 80 mijë franga.

Pos familjes që ka pushuar në suitën “Czar” në hotelin “Carlton”, Haradinaj ka pasur me vete edhe mbrojtjen e afërme.

Ata kanë qëndruar në dhomën me numër 43.

Të ardhurat mujore të kryeministrit Haradinaj nga paga, qiraja dhe paga e bashkëshortes që peshon 12 mijë e 400 euro në muaj nuk i mbulojnë këto shpenzime. Para të kursyera në bankë, Haradinaj ka deklaruar se i ka 20 mijë e 581 mijë euro.

Ndërkaq, të hyrat vjetore të Ramush Hardinajt dhe bashkëshortes janë të mëdha, mirëpo pushimet nëntë ditore për një familje gjashtë anëtarëshe në hotelin, “Carlton” në Saint Moritz kushtojnë sa të hyrat gjashtëmujore të kryeministrit.

Vetëm nga pagat, çifti Haradinaj merr rreth 69 mijë euro në vit, derisa nga qiraja e shtëpisë merr 73,469 euro në vit, apo gjithsej rreth 142 mijë euro në vit.

hoteli-cmimi-2-244x300

Insajderi ka pyetur Zyrën e kryeministrit se sa kanë kushtuar këto shpenzime në hotel “Carlton” dhe se kush i ka mbuluar.

Përgjigja e tyre ka qenë se meqë pushimet nuk kanë pasur karakter shtetëror, por privat nuk mund të përgjigjen.

“Kryeministri i Republikës së Kosovës nuk ka qenë me agjende shtetërore, por private dhe familjare. Institucioni nuk bartë asnjë kosto materiale”, thuhet në përgjigjen e shkurtër të Zyrës për komunikim publik të kryeministrit.

Insajderi ka kontaktuar me hotelin “Carlton” në Saint Moritz, por kanë zgjedhur të mos japin asnjë informacion rreth klientëve.

“Nuk mund të jap informacione. Askush nga [stafi] i hotelit nuk mund të flas për klientët tanë”, kanë thënë nga recepsioni i hotelit “Carlton”, për Insajderin.

Saint Moritz është fshat turistik në juglindje të Zvicrës, pjesë e Kantonit të Grisonsit.

Ky fshat shtrihet në vargmalet Albula, me një lartësi prej 1 mijë e 800 metrave mbi nivelin e detit. Saint Moritz ka një popullsi prej rreth 5 mijë banorësh.

Fshati njihet si qendër e turizmit dimëror në Zvicër. Në Saint Moritz janë zhvilluar dy herë Lojërat Olimpike dimërore: në vitet 1928 dhe 1948.

Ndërkaq, hoteli “Carlton” është ndërtuar më 1913. Ka 60 suita me pamje nga liqeni. Lidhur me hotelin ekziston edhe një legjendë. Thuhet se është ndërtuar për të shërbyer si rezidencë e Carit të Rusisë, Nikolasit të Dytë.

hoteli-cmimet-2-623x1024

Lëvizjet e kryeministrit

Ditën e udhëtimit të Haradinajt me familje për Saint Moritz është publikuar një fotografi në aeroplan. Të nesërmen me 26 dhjetor Haradinaj është rikthyer në Kosovë. Ka mbajtur një mbledhje të Qeverisë duke urdhëruar të gjithë ministrat që të jenë në punën natën e vitit të ri. Por, ai vetë ka udhëtuar sërish për pushime me 29 dhjetor.

Në një intervistë për Lajmi.net, Haradinaj ka thënë se në Zvicër ka shkuar vetëm për një natë. Natën e vitit të ri ka publikuar një urim të shoqëruar me fotografi familjare të shkrepur në shtëpinë e tij. Mirëpo, në kohën e postimit, Haradinaj ka qenë në një prej hoteleve më të shtrenjta.

“Në prag të ndërrimit të moteve kam marrë urime të panumërta, nga shqiptarë çdo kund në botë, nga qytetarë kosovarë e miq të Kosovës, me urimet më të mira për mua, Anitën dhe fëmijët, për familjen time të gjerë, Haradinaj! Më kanë uruar për prosperitetin e Kosovës, që na obligon t’i shërbejmë me devotshmëri dhe dashuri”, ka shkruar Haradinaj.

“Jam i vetëdijshëm se Atdheu ynë, Republika e Kosovës, ka përpara shumë sfida, por zotohem se nuk do t’ju zhgënjej, sepse do të përballem me tërë fuqinë e mendjes dhe shpirtit me problemet e vendit dhe së bashku me ju qytetarë kosovarë – me forcën e ligjit – do ta bëjmë një Kosovë të jetueshme, për vete dhe brezat që vijnë pas nesh”, ka vazhduar Haradinaj.

Rritja e pagës

Pak kohë para se të nisej për pushime, Haradinaj mori vendim që t’ia dyfishojë vetës pagën, nga 1.500 euro në muaj, në 3.000 euro. Ky vendim për rritjen e pagës së tij dhe anëtarëve tjerë të kabinetit u vlerësua si i kundërligjshëm.

Kur e arsyetoi këtë vendim, Haradinaj tha se 1.500 euro janë pak për një kryeministër. Me kaq para, sipas tij kryeministri “ose është i korruptuar, ose i pasinqertë”.

Në një intervistë tjetër, Haradinaj ishte ankuar se han bukë të ftoftë, në këmbë e veturë.

“Unë ha bukë në kerr, ha bukë në këmbë, ha ushqim të ftohtë, rrallë ha ushqim të nxehtë. Ky është privilegji i të qenit kryeministër”, kishte thënë ai.

January 3, 2018 17:52
Komento

8 Komente

  1. demo January 3, 18:09

    I befshin mire! Kaq harxhon zeni me malvinen ne Maldive,qe nuk kane qene kryeministra.Haradini nuk ju ka
    plasur ndonje bombe atomike kosovarve.

    Reply to this comment
  2. intelektuali January 3, 18:36

    EDHE RAMUSHI SI GJITHE TE TJERET

    Sapo doli nga burgu i Frances i eshte turrur hoteleve ne Zvicer si i papare dhe u dergon urime kosovareve sikur te ishte Putini i Rusise apo Sulltani i Arabise.

    Nga ana tjeter Hashimi liron kriminelet vrastare nga burgu dhe do qe te fshije dhe te perzeje me dajak amerikanet qe duan te ngrene Gjykaten Speciale qe do te pyese edhe Hashimin e Zvicres si dhe me se i ka ndertuar SARAJET e tij si Pasha ne Prishtine.

    Reply to this comment
  3. fteri January 3, 19:34

    Jezik i qoftë kur në kosovë ka varfëri ekstreme ,populli vuan për bukën e gojës ky bredhë resorteve turistike milarderësh.

    Reply to this comment
  4. Adih January 3, 20:42

    Kurse ……HASHIM THACI ,gjate kohes si Kryemin ka fjetur ne Wiene te Austrise ,ku vetem per nje nate cmimi eshte 10000 Euro nata . Ka fjetur 10 dite.Vetem fjetja per 10 dite 100 mije euro ??!! Ku ne kete hotel ,eshte komplet kati i fundit ,me shume ambjente e me shume dhoma ,me zauna dhe eshte edhe nje pishine , vetem per te ,ne dispozicion . Keshtu ndodh me zengjinet e vonshem ,ku populli shqiptar ,thote , RUHAJU NGA ZENJINET E VONSHEM dhe ,,, ,I pa pari me mire te mos shohi , se po pa , te felliq. …Natnemire o Kosovare .

    Reply to this comment
  5. sulo Permeti January 3, 21:58

    Kosova eshte vendi super i varfer i Evropes,ky palo kryeminister(duket qe fytyren e ka si idiot),ben pushime dimerore,ne vendin me te shtrenjte ne bote ,ZVICER.
    I genjeu kosovaret me demarkacionin kur ishte ne opozite ,si parimor,….tani si k/minister,do e votoje po ate projekt,por si hileqar i lindur,do “ngateroje”dicka aty.TURP!!!!

    Reply to this comment
  6. Shefqet Cela January 3, 22:03

    Mu kujtua nje film i asaj kohe:
    BEJNE QEJT QERRATALLARET!
    Trishtim per ate qe luftoi!

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*