Që prej vitit 2012 në krye të detyrës, kryeministri japonez jep dorëheqjen, ja arsyeja

Nga Arkiva

• RENEA zbarkon në Elbasan, kontrolle të befasishme në banesa dhe biznese 3 01.Apr
• Erdogan: Turqia ka fuqinë politike, ekonomike dhe ushtarake që të grisë hartat dhe dokumentet e pamoralshme që i imponohen 11 05.Sep
• Video e Donald Trump që po bën xhiron e internetit 1 12.Apr

Kryeministri japonez, Shinzo Abe ka njoftuar dorëheqjen e tij për arsye shëndetësore.

Ai u shpreh se nuk dëshiron që sëmundja e tij të ndikojë në vendimmarrje dhe i kërkoi falje popullit japonez që nuk ia doli të përfundonte mandatin e tij.

65-vjeçari vuan prej vitesh nga koliti ulcerativ, një sëmundje inflamatore e zorrëve, por tha se gjendja e tij ishte përkeqësuar kohët e fundit.

Vitin e kaluar, u bë i pari kryeministër që mban kaq gjatë postin në Japoni. Detyra e tij filloi që në vitin 2012.

Edhe në vitin 2007 dha dorëheqjen e tij nga një mandat i mëparshëm si kryeministër për shkak të vuajtjeve nga sëmundja kronike me të cilën ka jetuar që kur ishte adoleshent.

Abe njihet si një konservator dhe nacionalist i vendosur, dhe për stimulimin e rritjes me politikën e tij agresive ekonomike të njohur si “Abenomics”.

j.l./ dita