Rama i uron mirëseradhjen brandit Deutsche Telekom

July 8, 2015 19:52

Rama i uron mirëseradhjen brandit Deutsche Telekom

Kompania AMC nuk do të mbajë më emrin me të cilin ka qenë në treg prej thuajse 20 vitesh. I pranishëm në panelin e “Konferencës së 8-të Ekonomike Gjermano – Shqiptare”, drejtori i përgjithshëm i AMC, Dimitrios Blatsios u ka bërë me dije të pranishëve që kompania do të jetë me emër, identitet, ngjyra dhe logo të re në treg.

Dimitrios Blatsios tha se kompania do të operojë nën brandin e Grupit Deutsche Telekom, duke sjellë në Shqipëri vlerat që Grupi mbart, të cilat janë: Inovacioni, Kompetenca dhe Thjeshtësia. “Tani kompania do të jetë në treg me një imazh të ri, me logo, emër, dhe ngjyra ndryshe. Do të përfaqësojmë një emër të madh, do të jemi me brandin Deutsche Telekom”-, tha Blatsios.

Mirëseardhjen e brandit e ka uruar dhe kryeministri Edi Rama, i cili u shpreh mjaft entuziast për futjen në tregun shqiptar të këtij Grupi gjigand botëror.

Rama mori si shembull këtë zhvillim në tregun e telekomunikacionit për të inkurajuar bizneset gjermane të këtij niveli që të jenë të pranishëm në tregjet shiptare.

“Ne jemi gati të mirëpresin investimet gjermane në çdonjërën nga këto fusha, ashtu sikundër tifozët e shumë të futbollit, të kombëtares gjermane, presin me padurim veshjen e kompanisë celulare AMC me uniformën e purpurt të Deutsche Telekom.”, – tha Rama.

Ndërkohë, kancelarja Merkel ka përmendur telekomunikacionin si një ndër sektorët më potencialë për tu zhvilluar. “Kemi marrëdhënie ekonomike siç është Aeroporti i Tiranës, industria e automjeteve, industria e tekstileve dhe telekomunikacioni, për të cilën disktuam dhe sot, për bashkëpunimin në fushën e telekomunikacionit”, – ka thënë kancelarja Merkel.

Prej disa ditësh kompania e parë celulare në vend ka nisur një fushatë masive komunikimi ku tregohet logo “T”. Drejtori i Divizionit të Marketingut ka deklaruar në media se shumë shpejt në Shqipëri do të jetë i pranishëm brandi i Grupit Deutsche Telekom.

“Është brandi europian më i çmuar i telekomunikacionit në të gjithë botën. Duke qenë pjesë e kompanisë lider të telekomunikacionit në Europë për shërbimet e integruara, ne do të vendosim standarte në këtë treg me produkte dhe shërbime inovatore”, – është shprehur Henri Vandre. Pritet që brandi i ri t`i prezantohet publikut me datë 23 korrik.

July 8, 2015 19:52
Komento

2 Komente

  1. Loni pe betoni July 8, 22:13

    Ku eshte permiresimi perderisa do te menaxhohet perseri nga greket, te cilet njhen per standarte te dyfishta! Veprimi i pare qe duhet te bejne gjermanet eshte te zevendesojne greket me gjermane. Kjo do te ishte edhe reklama me e mire per kete kompani celulare.

    Reply to this comment
Shiko komentet

Komento

Your e-mail address will not be published.
Required fields are marked*