Rama: Reforma territoriale e ktheu Himarën në kufijtë e saj, për të nis një tjetër histori

Kryeministri i vendit Edi Rama ka zhvilluar pasditen e sotme një takim elektoral në Himarë nga ku ka deklaruar se me reformën e re administrative territoriale Himara kthehet në kufijtë e saj, duke u shndërruar në një njësi të rëndësishme ekonomike.

Rama u shpreh se kandidati i ASHE në Himarë, Gjergji Goro ka të gjithë mbështetjen e qeverisë për të zgjidhur një herë  e përgjithmonë çështje që kanë shqetësuar banorët e kësaj zone për 20 vjet me radhë, ndërsa u zotua se në këtë bashki do të bëhet drejtësi me titujt e pronësisë.

“Jemi krenarë për reformën administrative-territoriale. Kjo reformë e ktheu Himarën në kufijtë e saj. Do të bëjmë drejtësi për titujt e pronësisë. Do t’i kapërcejmë malet e krimit me pronat. Për bashkinë e re të Himarës nis një tjetër histori, ne na takon të kthejmë përmbys historinë 20 vjeçare”, tha Rama.