Rama: Vetingu nuk preket. Po kërkojmë konsensus, LSI me ne

July 9, 2016 20:15

Rama: Vetingu nuk preket. Po kërkojmë konsensus, LSI me ne

Kryeministri Edi Rama, në një intervistë nga Varshava për TCH deklaron se edhe tani, në këto momente, vazhdojnë përpjekjet për arritjen e një konsensusi për çështjen e reformës në drejtësi.

Kryeministri thotë se mazhoranca është e hapur për konsensus, por pa prekur thelbin e reformës, që është vetingu. Ndërkohë që komenton se propozimi më i fundit i Partisë Demokratike dëmton pikërisht këtë pikë të reformës, Rama thotë se Partia Socialiste dhe LSI ka të njëjtin qëndrim, për ta votuar atë.

Zoti kryeministër, sa ju kushtoi kësaj radhe shtrëngimi i duarve me presidentin Obama?

Fatkeqësisht në Shqipëri ka njerëz të veshur me pushtet e të pajisur me akses dhe mendojnë e besojnë se çdo gjë shitet dhe blihet.

Një dashakeqës mund të thotë se kryeministri Rama bie në sy në kontaktet e tij të personalizuara me Obamën, Merkel, apo Erdogan. Por veç kësaj, ç’vlerë të shtuar i jep kjo Shqipërisë?

Pa dyshim që këto reflektojnë marrëdhënien me Shqipërinë, që shihet me respekt.

Marrëdhëniet e mira me ndërkombëtarët nuk janë ato që të mbajnë apo të heqin nga pushteti, atë e bëjnë shqiptarët. Jemi në një moment kritik, data 21 korrik, për miratimin e reformës në drejtësi. Keni një propozim konkret nga PD që ka hequr dorë nga qëndrimi i mëparshëm, por ka një të ri për çështjen e vetingut

Përpjekja jonë për konsesnsus ka qenë këmbëngulëse, por jo konsensus për deformimin e draftit apo për konsensus që na ndan nga partnerët. Mundësia që reforma të kalojë është reale, vullneti im dhe i qeverisë është i plotë për të gjetur një zgjidhje që nuk deformon thelbin. Sesa deformohet thelbi, këtë nuk është e nevojshme ta dëgjoni nga unë. Këtë e thonë vazhdimisht partnerët tanë.

Ju vijoni të thoni se është PD që del kundër SHBA dhe BE. Pse nuk mendoni që ajo ka realisht një shqetësim për draftin përsa kohë i shkon kundër edhe SHBA-ve, për një draft që tek e fundit do të na duhet neve dhe jo Amerikës?

Nuk mund të ketë një draft ku SHBA, Shtëpia e Bardhë, BE, kancelarja gjermane, presidenti i Francës, etj, të mbështesin kapjen e sistemit nga unë, sikundër pretendon PD.

Edhe kapja nga ata, le të themi. Kur jemi shtet sovran, përse ndërkombëtarët duhet të kenë një vendimmarrje absolute në këtë proces?

Nuk bëhet fjalë për një vendimmarrje absolute, por për një pjesëmarrje aktive në proces dhe nëse ne shkojmë deri në absurdin që të mendojmë se duan të na kapin ndërkombëtarët, partnerët tanë strategjikë pa të cilët nuk do të ishim aty ku jemi sot, atëherë biseda merr fund.

Në rast se Victoria Nuland do të kërkojë ndryshimin e këtij drafti, ju do ta pranonit?

Nuk bëhet fjalë për të na kërkuar gjë neve. Neve nuk kanë çfarë të na kërkojnë sepse ne nuk jemi një palë e ndarë nga partnerët tanë. Pa dyshim që edhe sot që flasim ekspertët ndërkombëtarë dhe ekspertët tanë përpiqen të gjejnë nëse ka ende rrugë, ende zgjidhje, për të akomoduar një propozim që do të mund të shterronte deri në fund të gjitha përpjekjet tona që PD të vinte të votonte reformën.

Thatë që qeveria është e gjitha në unision. E keni në trend Ilir Metën?

S’ka asnjë dyshim që unë i besoj asaj që është thënë në mënyrë të përsëritur dhe asaj që ndodh në të përditshmen, se PS dhe LSI kanë deklaruar që ne do të votojmë reformën në drejtësi.

July 9, 2016 20:15
Komento

3 Komente

  1. A.GRAMSH July 9, 21:28

    Perfundimisht babai i Zahos i ka gjithe te mirat vetem nje gje te keqe:Nuk di te flase shqip!
    Ne reforme kushtetuese qe eshte per SOVRANIN dhe vete kushtetuta thelbin e demokracise ka :TE DREJTEN E VOTES personale e sipas ndergjegjes ky flet per ‘biznes’ apo ‘konsensus’ bajraqesh si do u japin URDHER kryetaret e bajraqeve ‘DEPUTETEVE’ te POPULLIT!?Kjo ‘reforme’ jo vetem eshte ‘pordhe me rigon’ por do jete me keq te votohet me ‘konsensus’ se sa te mos VOTOHET FARE!

    Reply to this comment
  2. Kariz Matik July 9, 22:41

    Ky te le pa mend fare, per bese…

    Nuk e kisha imagjinuar kurre, se po t’i japesh doren tjetrit (edhe pa paguar leshte e kokes) fiton detyrimisht respektin e qytetareve. Bravo, me beri te mesoja dhe nje gje te re.

    Reply to this comment
    • Bishti Kavallit July 10, 09:12

      … Fatkeqësisht në Shqipëri ka njerëz të veshur me pushtet e të pajisur me akses dhe mendojnë e besojnë se çdo gjë shitet dhe blihet.

      Shume e sakte, por nga ana tjeter, bota e civilizuar ka fatmiresisht gazetare investigative profesioniste, te cileve pavaresia prej politikes i ka krijuar mundesine per te qene neutrale ne gjykime dhe ne pregatitjen e informacionit.

      Agjencia BIRN eshte pshm. nje e tille. Faktet qe ajo ka mbledhur jane te mjaftueshme, per te kuptuar se transferta 80-mije dollareshe e adresuar ne emer te Bilal Sh., e ardhur nga nje burim “i huaj”, perben ne vetvete nje SKANDAL, sepse ka patur si qellim mbledhjen e fondeve per fushata elektorale, perkundrejt nje shperblimi me nje kothere buke, sic eshte ai i fotografimit te nje autokrati arrogant perkrah presidentit te ShBA.

      Reply to this comment
Shiko komentet

Komento

Your e-mail address will not be published.
Required fields are marked*