Ramush Haradinaj me të vëllain rrahin punëtorin e tyre, denoncimi i mjekes: Pacienti erdhi me lëndime trupore

September 16, 2020 09:41

Ramush Haradinaj me të vëllain rrahin punëtorin e tyre, denoncimi i mjekes: Pacienti erdhi me lëndime trupore

Ish-kryeministri i Kosovës, Ramush Haradinaj dhe vëllai i tij, deputeti Daut Haradinaj, para rreth tre muajve janë denoncuar në Polici për “rrahjen e një punëtori të tyre”.

Në dokumentet të cilat i ka siguruar KOHA, Haradinajt i ka denoncuar në Polici një mjeke kujdestare, e cila i ka dhënë ndihmë mjekësore një personi me lëndime trupore, të cilat, sipas tij, ishin pasojë e rrahjes nga vëllezërit Haradinaj.

Rastin e ka konfirmuar Policia e Kosovës.

Policia ka thënë se e kanë intervistuar ankuesin dhe se në konsultim me prokurorin është iniciuar rast për veprën “Lëndim i lehtë trupor”.

Por pas dy javësh ankuesi ka shkuar në stacion policor dhe ka kërkuar që rasti të mbyllet.

Gati 3 muaj që kur ka ndodhur ky rast, siç ka mësuar KOHA, vëllezërit Haradinaj ende nuk janë intervistuar në asnjë cilësi.

Sipas dokumenteve, dyshohet se e tëra ka nisur më datë 22 qershor 2020, pak minuta para orës 15:00, kur një person ka kërkuar ndihmë në Qendrën e Mjekësisë Familjare në afërsi të ndërtesës së Telekomit, në lagjen “Dardania” në Prishtinë, jo shumë larg nga selia e AAK-së.

Pacienti kur ka kërkuar shërbime shëndetësore sipas shkresës, ka pasur lëndime në trup dhe në sy.

Mjekja e cila e ka kontrolluar pacientin e ka njoftuar Policinë menjëherë pas ekzaminimit.

Në raportin e Policisë së Kosovës, të cilin e posedon gazeta, ajo ka përmendur emrat e vëllezërve Haradinaj si shkaktarë të lëndimeve.

Nuk dihet se cila ka qenë arsyeja e rrahjes së tij nga vëllezërit Haradinaj, ndërsa tërheqja e padisë mendohet se është bërë si pasojë e kërcënimeve.

j.l./ dita

September 16, 2020 09:41
Komento

3 Komente

  1. Remo September 16, 12:27

    Keta edhe lopet nuk i pranojne me! Me cfare merret kjo gazete! Ankohen kosovaret!? Perse jemi izoluar? Ja ku e kane Rambushin,do te behet edhe President si miku i tij Kryeplaku i Cepanit ne Shqiperi!

    Reply to this comment
  2. mirel September 16, 14:36

    Ramushi e provon dhe njehere qe eshte avdall dhe kurre nuk ka per tu bere burre shteti dinjitoz.

    Reply to this comment
  3. demo September 17, 10:00

    Or per te rrahur,te rreh Ramushi.
    Do ishte mire te kishte rrahur kete kozmopolitin integral me brekushe turqie,kur e urdheronte:-Hiqe taxen Ramush!
    Burra te drejte si Ramushi,qe nuk falin toke e det,i duhen kombit shqiptar.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim