Reforma në drejtësi, LSI: Gati ta votojmë që nesër

April 23, 2016 12:54

Reforma në drejtësi, LSI: Gati ta votojmë që nesër

Për Lëvizjen Socialiste për Integrim, reforma në drejtësi është e domosdoshme dhe duhet të ishte kryer vite më parë.

Kështu ka deklaruar sekretari i përgjithshëm i kësaj force politike, Luan Rama, i cili ka ftuar PD dhe PS që të gjejnë gjuhën që bashkon interesin europian të shqiptarëve tek realizimi sa më parë i saj.

“Kjo nuk është një çështje interesi individual apo partiak, është çështje interesi për qytetarët shqiptarë, që drejtësia të ketë standarde europiane”, ka deklaruar Rama.

Ai ka nënvizuar se, LSI është e gatshme në çdo kohë të kontribuojë për miratimin e saj. “Ne jemi gati që nesër. LSI do të vijojë të jetë kontribuese për reformën në drejtësi dhe çdo reformë tjetër europianizuese”, ka shtuar Rama.

Këtë deklaratë ai e dha nga selia e LSI ku i bëri thirrje shqiptarëve të Preshevës për të votuar në zgjedhjet serbe në mënyrë që bashkëkombasit e tyre t’i përfaqësojnë në komuna dhe Parlament.

“Në emër të Lëvizjes Socialiste për Integrim e gjej me vend t’ju drejtohem sot të gjithë shqiptarëve me të drejtë vote në Luginën e Preshevës. I drejtohem sot të gjithë përfaqësuesve dhe drejtuesve politikë, qytetarëve me ndikim, intelektualë dhe përfaqësues të kësaj Lugine që me pjesëmarrjen e tyre masive në zgjedhjet e nesërme, të dëshmojnë gjithë forcën e unitetit dhe të bashkimit të tyre”, tha Rama.

April 23, 2016 12:54
Komento

2 Komente

  1. Arben April 23, 14:37

    BUKURI KJO PUNE.

    EDI RAMA DO

    ILIR META DO

    LULUSHI NUK DO

    ME VOTA KALON, KU QENDRON PROBLEMI QE NUK KA KALUAR DERI TANI?????!!!!!!

    RROFTE POPULLI SHQIPETAR, TRIM E HEROIK, QE I ADHURON KRIMINELET DHE I VOTON ATA PER TA PERFAQESUAR.

    Reply to this comment
  2. Arben April 23, 14:52

    BUKURI KJO PUNE.

    EDI RAMA DO

    ILIR META DO

    LULUSHI NUK DO
    ..
    ME VOTA KALON, KU QENDRON PROBLEMI QE NUK KA KALUAR DERI TANI?????!!!!!!

    RROFTE POPULLI SHQIPETAR, TRIM E HEROIK, QE I ADHURON KRIMINELET DHE I VOTON ATA PER TA PERFAQESUAR.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim