Reformë e re Zgjedhore, PD kërkon maxhoritar me 100 deputetë

September 16, 2017 21:27

Reformë e re Zgjedhore, PD kërkon maxhoritar me 100 deputetë

Partia Demokratike nuk do të humbë kohë dhe duke filluar nga dita e hënë, në Parlament do të paraqesë kërkesën për krijimin e një komisioni ad hoc për Reformën Zgjedhore. Shqetësimet e tyre në lidhje me zhvillimin e proceseve zgjedhore në Shqipëri, demokratët do të kërkojnë t’i japin zgjidhje përmes një ligji të ri zgjedhor, i cili do të diskutohet në Parlament.

Në mbledhjen e kryesisë së Grupit Parlamentar të PD, demokratët vendosën që në fokus të opozitës do të jetë problematika që ka të bëjë me shitblerjen dhe manipulimin e votës, si dhe votimi e numërimi elektronik. Burime nga selia blu bëjnë me dije se pavarësisht nëse maxhoranca do të japë apo jo pëlqimin për ngritjen e komisionit, opozita gëzon të drejtën që të kërkojë komision ad hoc në Kuvend.

Kreu i PD-së, Lulzim Basha, deklaroi dy ditë më parë se marrëveshja me Ramën është “e vdekur”, por nëse ai do të jetë i gatshëm për të bashkëpunuar për Reformën Zgjedhore, PD do të angazhohet që të realizohet votimi dhe numërimi elektronik.

“Marrëveshja ishin zgjedhjet e lira dhe të ndershme. A bëri pala tjetër diçka për të bërë zgjedhje të lira dhe të ndershme? E kundërta. Bëri gjithçka që, siç edhe vetë e quan, avazin e vjetër. Që në këtë moment nuk ka më marrëveshje. Sepse thelbi i marrëveshjes ishin zgjedhjet e lira dhe të ndershme, pastaj si një fluks i shpresës për fatet e reja politike të vendit kishte edhe një angazhim për hapa të përbashkët për reforma të rëndësishme.

Por kur hapi i parë hidhet në erë si rezultat i mosmbajtjes së fjalës nga njëra palë, që ishte qeveria, që ishte Edi Rama, atëherë çfarë prisni që të vazhdohet me hapa të tjerë? Ura për të shkuar te hapat e tjerë ishin zgjedhjet e lira dhe të ndershme. Ndaj edhe thirrja ime është fare e qartë: Rivendosja e institucionit të zgjedhjeve është përcaktuese. Asgjë tjetër nuk mund të ndodhë pa një reformë të sistemit politik”, deklaroi Basha.

PROJEKTI I PD

Burime nga selia blu bëjnë me dije se demokratët kanë tashmë projektin e tyre politik, të cilin do ta ofrojnë si propozim në komisionin ad hoc që do të krijohet në Kuvend. Lulzim Basha do të propozojë në Kuvend rikthimin e sistemit maxhoritar, ku Shqipëria të jetë e ndarë në 100 zona elektorale. Burime nga selia blu sqarojnë se demokratët do të propozojnë një sistem maxhoritar të pastër, por duke propozuar rritjen e pragut elektoral që do të sjellë forcat politike në Parlament.

Propozimi i demokratëve parashikon krijimin e 100 zonave elektorale, të cilat do të ketë përfaqësuesin e tyre në Parlament. Këtë projekt Basha e paraqiti edhe gjatë qëndrimit në çadrën e protestës të vendosur përpara Kryeministrisë, kur kërkoi ndjesë edhe për ndryshimet kushtetuese të vitit 2008.

“Projekti kryesor yni ka transferimin e pushtetit nga partitë te qytetari. Sot janë partitë që vendosin se kush i përfaqëson qytetarët. Prandaj deputetët nuk përfaqësojnë sepse besnikëria e deputetit nuk është ndaj qytetarëve, por ndaj kryetarit të partisë.

Ky është një gabim i përbashkët, ku Partia Demokratike ka përgjegjësinë e saj për ndryshimet kushtetuese të vitit 2008. Edi Rama dhe Sali Berisha nënshkruan marrëveshje për ndryshimin e Kodit Zgjedhor kur u vendos sistemi proporcional rajonal që e ndau vendin në 12 qarqe.

Në atë kohë ky sistem u propozua nga PS me arsyetimin se do të shmangeshin përplasjet e forta në zona të caktuara, do të largoheshin personat me precedent penal nga listat, pasi ato hartoheshin nga kryetarët e partive. Për këtë sistem edhe Kryeministri Rama ka pranuar se ishte bërë një gabim”.

September 16, 2017 21:27
Komento

10 Komente

  1. Epo kjo pune! September 16, 21:54

    ta meritosh te hysh ne parlament jo akoma me avaze listash dhe servilash dhe klientesh. Mazhoritar dhe hajde de me nje korrektim te vogel kombetar qe te futet dhe ndonje parti e vogel tamam sic e kemi patur por qe per teka dhe pislleqe te politikes e prishem.

    Reply to this comment
  2. As September 16, 23:04

    Jo 100 deputete nga te cilet 70 flene ne kuvend se jane shume, shume, por vetem 64, nga nje deputet per bashki

    Reply to this comment
  3. alphade September 16, 23:28

    1-Problemi numur nje eshte : Parlamenti 100 deputete,asnje me shume,biles edhe 100 deputete jane
    shume. Fillimisht kete propozim e ka bere Bamir Topi dhe
    ai qe i ka meshuar me shume ketij problemi,kij meri foli
    hakun,ka qene Ben Blushi,ndaj te cilit nuk kam fare simpati,por e verteta duhet thene me pelqen ose nuk me
    pelqen !
    2- Problemi i dyte eshte zgjedhja e Presudentit te Repu-
    blikes .Eshte domosdoshmeri qe presidenti i Republikes
    te zgjidhet me Referendum Popullor . Nuk eshte as justi-
    fikim dhe as argument qe shtrojne Partise se ne jemi sis-
    tem parlamentar dhe jo presidencial .Keto jane thjeshte
    dokrrat e partive per te mbajtu nen hyqem presidentin e
    Republikes ,sic ka ndodhur gjer tani ku Saliu i Vicidolit
    merrte ne telefon ” reshterin” dhe jo Presidentin e Rep.
    dhe e urdheronte si mesuesi nxenesin,bile me keq se
    kaq.. Populli duhet te vendose per Presidentin ! Vetem
    atehere presideti i Republikes i thote partive : ” Me ka
    zgjedhur populli dhe jo ju partite,hajdeni pirdhuni” !!!
    Ky president de jure dhe de fakto qendron mbi partite dhe
    perfaqeson realisht interesat e popullit,te qytetareve te
    Republikes se Shqiperise,ndryshe do te beje ashtu sic
    e detyron ajo parti qe e ka zgjedhur ! Keshtu Nishanlliu
    me 71 votat qe mori nuk mund te mos ishte mirenjohes i
    Sali Efendiut kur Ai e merrte ne telefon dhe i thoshte menderosja Edvin Kristaq Rames dhe kapteri i rreshtit te
    ” fundit ” ate do te bente sic i thoshte dhe urdheronte pa-
    droni vicidolas .
    Edhe propozimin e dyte per hire te vertetes e ka bere qe
    disa vite me pare ish-presidenti,Bamir Topi ! Dhe me vo-
    ne edhe Ben Blushi . Personalisht gjithemone qe ne fillimet e demokracise ne Shqiperi kam qene dhe mbetem
    partizan jo vetem i Presidentit te zgjedhur me referendum
    por edhe ajo qe eshte me e rendesishme vendi yne me 2.8 milion banore nuk i duhet nje barre kaq e rende me
    140 deputete,as me 100 deputete. Nje shembull: Amerika
    ka dy senatore per cdo shtet. Shqiperia i ka shume 2 deputetr per cdo rreth. Kaq ,asnje me shume That’s it !!!
    Shenim: mos mendoni se i ngatarroj senatoret me depu-
    tetet ! Pershendetje stafit te gazetes ” DITA” !!!

    Reply to this comment
  4. eno September 17, 00:23

    Nese Lulezim Basha dhe partia demokratike do te realizojne dhe benne realitet ndryshimin e kodit zgjedhor dhe vendosjen e sistemit mazhoritar te paster ne shqiperi atehere kjo parti do te riktheje dhe nje here demokracine popullit democracie e marre peng nga edi rama me kete Kod zgjedhor egzistues. Vota e shqipetareve do te jete per lulezim bashen dhe partine demokratike nese ne Shqiperi vendoset kodi i ti zgjedhor me sistemin mazhoritar qe eshte sistemi me I paster e demokratik ne Bote.

    Reply to this comment
    • MONIKA , NEPERKA PIKA - PIKA September 17, 18:05

      eno , sikur nuk rron ne Shqiperi ! As lexon dhe as kupton gje , por je perpire nga ethet e militantit . Edhe ketu , ne kete shkrim thuhet qarte , qe sistemi i tanishem zgjedhor eshte miratuar nga Saliu dhe Edi , te cilet e pranojne tashme si te pa pershtatshem , ti flet dokra , qe demokracine e popullit , e paska mare peng Edi Rama . Sistemin e paster mazhoritar e kemi pasur ne fillim dhe e hoqen vete partite politike , kur nuk iu interesonte , kurse tani i rikthehen , si ai qe tregojne ” per qershite e permjerra ….”, qe kjo , edhe kjo , edhe kjo…..nuk qenkan lagur !

      Reply to this comment