Replikë me grekët për polifoninë

Elton Koka August 22, 2016 12:56

Replikë me grekët për polifoninë

 Ditët e fundit ka pasur polemika në media mbi një deklaratë të pedagogut të greqishtes në Universitetin “Eqerem Çabej” në Gjirokastër, ish-deputetit omonist Panajot Barka, i cili, në një takim të Federatës Epirotase në Voshtinë më 7 gusht, akuzoi shqiptarët se janë “hajdutë të polifonisë greke, duke e pagëzuar si isopolifoni shqiptare” dhe kërkoi që Greqia të hedhë në gjyq Shqipërinë në Gjykatat Ndërkombëtare, si dhe heqjen e Polifonisë Shqiptare si trashëgimi të njerëzimit nga UNESCO. Për këtë arsye iu drejtuam për një prononcim kryetarit të shoqatës “Polifonia Shqiptare”, z. Yzeir Llanaj, që prej 20 vitesh zhvillon një aktivitet të pandërprerë në drejtim të promovimit dhe mbrojtjes së kësaj vlere trashëgimore shqiptare.

– Zoti Llanaj, si do ta konsideronit një deklarim të tillë të z. Barka?

Do të ishte e pavlerë të merresha me deklarimet e një individi që tashmë njihet si provokator e sharlatan, dhe që kryen rolin e tellallit të një politike antishqiptare të promovuar nga qarqet greke apo dhe nga vetë shteti grek. Madje do të thoja se ai bën mirë që hedh në publik të tilla “bomba” pasi na bën të vetëdijshëm për çka gatuhet nëpër kuzhinat e politikës greke. Barka apo të tjerë si ai që veprojnë brenda shoqërisë dhe shtetit tonë për të minuar dhe ndotur çdo gjë që afirmon vlerat kombëtare shqiptare, nuk janë tjetër veçse vegla të verbra të urdhrave dhe direktivave që vijnë prej diku tjetër. Problemi qëndron tjetërkund, pikërisht në hapësirat që i janë krijuar për të formuluar të tilla deklarime, që edhe pse duken absurde, në fakt shprehin diçka të menduar më mirë dhe më thellë nga shefat e tij në Athinë apo edhe në Tiranë.

– Ju doni të thoni se kjo deklaratë e z. Barka nuk është e rastësishme?

Jo. Nuk mendoj se është e tillë, as edhe që Panajoti të arrijë të mendojë kaq thellë e kaq “mençurisht” për të përmbysur një realitet tashmë të pranuar që prej 25 nëntorit 2005 nga një organizëm i tillë si UNESKO, domethënë që Polifonia Shqiptare përbën një kryevepër të trashëgimisë gojore të njerëzimit, e që u përzgjodh mes 60 konkurrenteve të tjera të propozuara nga vende të ndryshme përpara UNESKO-s. Një vlerë që është vërtetuar katërcipërisht që është shqiptare, jo sot, por ndër shekuj, përmes penës dhe shkrimeve të dhjetëra autorëve të huaj që e kanë përjetuar dhe e kanë shtjelluar në veprat e tyre, të mahnitur prej origjinalitetit dhe prej bukurisë së saj, si një diçka organike dhe e shkrirë njësh me anën shpirtërore, me zakonet, me traditat e tjera, me veshjet, me jetën dhe natyrën e botës shqiptare. Si diçka që buron nga vetë shpirti dhe karakteristikat e shqiptarëve të jugut, si diçka që ka lindur, është rritur dhe përcjellë prej kohërash që nuk mbahen mend e që nuk i prek dot as historia. Të tjera mendje djallëzore e kanë përgatitur me kohë terrenin që Barka të dalë e të “bilbilojë” kaq serbes. Ndoshta në Athinë, e pse jo edhe në Tiranë.

– Ju e përmendët disa herë edhe Tiranën, a mund të thoni diçka më konkrete?

Shoqata jonë, e mbështetur fuqimisht edhe nga një shumicë muzikologësh, etnologësh, historianësh e studiuesish të tjerë, prej 10 vitesh po lufton kundër një “hileje” që është luajtur me polifoninë shqiptare qysh në mënyrën se si është paraqitur për njohje nga UNESKO, domethënë me emër të tjetërsuar në “isopolifoni”. Pikërisht kundër kësaj emërtese, që për ne është tepër e dyshimtë dhe krijon terren spekullimesh, është zhvilluar një aktivitet i dendur qoftë me institucionet shtetërore përkatëse, qoftë përmes mediatizimit apo edhe simpoziumeve e tryezave të tjera shkencore. Pavarësisht kësaj, një refrektarizëm dhe nihilizëm i skajshëm është ndjerë nga institucionet shtetërore, deri dhe në refuzimin për të na dhënë shkresën zyrtare të propozimit për të ditur se si është formuluar dhe motivacionin me të cilin është njohur kjo vlerë trashëgimore në UNESKO. Është shkelur dhe e drejta kushtetuese e informimit në këtë rast, kështu që është e ligjshme të lindin dyshime se pikërisht “këtu fle lepuri”. A është propozuar si vlerë autentike e mirëfilltë shqiptare, apo është trajtuar si një vlerë që vjen nga lashtësia “greke” në territoret e shqiptarëve?!

– Ku e mbështesni këtë dyshim, a keni ndonjë indikacion për këtë?

Siç thashë më lart, vetë refraktarizmi i institucioneve përkatëse për të dhënë shpjegime të drejtpërdrejta, vetë fshehja e shkresave zyrtare, vetë makinacione të tjera që janë luajtur përgjatë këtyre viteve për të sabotuar veprimtarinë tonë në këtë drejtim, tregojnë se këtu diçka është luajtur mbi një plan afatgjatë derisa të vijë dhe deklarimi i tellallit Barka. Pastaj, bashkëngjitja e “isos” në emërtesën zyrtare të njohjes nga UNESKO të polifonisë shqiptare përbën gjithashtu një tregues të tillë. Më tej, autori i kësaj shtojce në emërtesë, ish-drejtori i trashëgimisë në Ministrinë e Kulturës, Vaso Tole,

në broshurat që ka publikuar më vonë, e trajton dhe e përqas polifoninë shqiptare me “vajtimin e kuajve të Akilit” dhe me korin e kishave ortodokse bizantine. Pra dyshimi për motivacionin me të cilin është prezantuar polifonia në UNESKO është i arsyeshëm. E në këtë vazhdë edhe “pretendimi” i grekëve për të përvetësuar këtë vlerë të njohur tashmë zyrtarisht e ndërkombëtarisht. Kur grekët na përvetësuan fustanellën e shumë vlera të tjera autentike shqiptare, pse mos të pretendojnë edhe për polifoninë, kur vetë titullarët e institucioneve shqiptare, pra Tirana, ua përgatisin terrenin apo ua japin të gatshme?!

– Po a këndohet polifonia edhe në Greqi? Ku mbështetet Barka që e deklaron një diçka të tillë?

Padyshim, polifonia këndohet edhe në Greqi, në fshatra kuptohet. Por spekulimi bëhet tepër i trashë në këtë rast. E theksova nëpër fshatra jo më kot, pasi në to gjenden edhe komunitetet më të mëdha të shqiptarëve të Greqisë, që quhen zakonisht arvanitë. Polifonia i ka rrënjët në Labëri e më tej në Toskëri, por është shtrirë edhe në vise përtej kufijve të shtetit politik shqiptar, pasi dihet mjaft mirë përvetësimi i tokave shqiptare nga shtetet fqinjë, bashkë me popullsinë përkatëse. E pasi përvetësuan tokat e popullsinë, tashmë kërkohet t’u përvetësohen edhe vlerat shpirtërore e kulturore, duke i quajtur në këtë rast greke. Grekët mund të kenë të tyre “buzuqin”, ndonëse edhe atë duhet ta kenë marrë nga turqit, por jo polifoninë. Nëse polifonia është kënduar dhe vazhdon të këndohet në Greqi, ajo është një vlerë kulturore që lëvrohet vetëm prej shqiptarëve arvanitë, që kanë marrë me vete shpirtin, zakonet dhe traditat e tyre të lashta prej vendit të tyre amë, Shqipërisë, e më ngushtë prej Labërisë. E kjo nuk e bën polifoninë greke, absolutisht. Kjo vetëm vërteton makutërinë greke për të vjedhur shqiptarët në të gjitha gjërat, siç duket ngaqë janë inferiorë karshi tyre, pasi i pasuri nuk ka pse të vjedhë të varfërin. Vetë vendi ku është zhvilluar ky takim kulturor i Federatës Epirote dhe ku ka “ligjëruar” Panajoti omonist është tokë shqiptare dhe padyshim që këndohet edhe polifonia, por meqë kanë marrë tokën nuk do të thotë që mund të marrin edhe polifoninë.

– A keni menduar për hapa të mëtejshëm në zgjidhjen e këtij problemi?

Normalisht ne nuk heqim dorë prej kauzës sonë. Kemi zhvilluar e do të vazhdojmë të kryejmë një aktivitet intensiv në këtë drejtim. Por në këtë rast i takon institucioneve të shtetit shqiptar, Ministrisë së Kulturës, drejtorisë së trashëgimisë pranë saj, Akademisë së Shkencave, instituteve studimore përkatëse, që të ngrenë zërin e të mbrojnë dinjitetin, pasi në këtë rast është shteti shqiptar që është akuzuar “hajdut” që duhet hedhur në Gjykata Ndërkombëtare! Janë institucionet shtetërore që duhet të kryejnë detyrimin kushtetues për të mbrojtur vlerat shqiptare. Por përpara se ta kërkojnë tek Barkat apo  tek Dulet, le të shohin pak brenda vetes, mos iu ka hyrë krimbi përbrenda e po i gërryen ligësisht. Polifonia është autentike shqiptare, por a e dinë apo, a duan ta dinë këtë, këto institucione, e në veçanti Akademia e Shkencave?  Heshtja e Akademisë së Shkencave nuk mund të jetë e rastësishme, pasi atje vijon si sekretar i përgjithshëm pikërisht Vaso Tole, protagonisti i emërtesës së deformuar dhe partizan i “origjinës kishtare” të polifonisë shqiptare.

Elton Koka August 22, 2016 12:56
Komento

20 Komente

  1. MH August 22, 13:47

    Turizmi sot ne krahasim me te kaluaren kohe te monizmit asht tejet i avancuar.Ndersa komshinjet grek turizmin e kane ne nivel pothuaj nji shekull para nesh.
    Duke u nisur nga kjo ekzistence konkrete do te tregoi qe nji turist qe kishte ardhur ne vendin tone para ca vitesh i thoshte te afermeve te tije ketu ku jam ne Shqiperin e jugut kam gjetur nji thesar te pafundme,te larmishme kengesh te pa ndigjuara ndonjihere shume interresant.Dhe esploroi shume fshatra.
    Tashti me lind vetvetiut mendimi!
    Ku ishin keto turiste qe vizitonin Greqin ne nji shekull turizem para nesh.Kush ia ndalonte te vrojtonin te hulumtonin dhe te deklaronin per kenget e “tyre” polifonike.
    Po fakti asht qe Greket moren shume nga folklori shqiptare dhe i ben te tyre.Nga Greket i moren sllavet dhe i ben te tyre.
    Fustanellen greket e moren nga Shqiperia dhe e cunguane mbi gju.Tircit shqiptare u moren dhe u perhapen ne gjithe ballkanin deri ne veri te Europes.Kemisha e xhakonit qe vishet nga xhakoni per te ndihmuar Meshe asht puro me origjin Ilire.
    Keto ma mire e kujdes i argumentojne albanologet dhe jo ca ordiner si Tole mbi Barka apo barkat me tole ngarkuar qe nuk “dihet” se per ku!!!

    Reply to this comment
    • EURO MALOKU August 22, 21:33

      Po qeveria kujt i mban “ISON”?
      Natyrisht parase….Kush ka pare blen edhe muziken..
      -isoooo, djema se u pordh nusja maj kalit !

      Reply to this comment
  2. Polifonia shqiptare August 22, 13:58

    Heshtja e Akademise dhe anetareve te saj qe paguhen nga taksapaguesit shqiptare eshte skandaloze.
    Perse nuk del kjo Akademi me nje studim (a deklarate te pakten) per polifonine shqiptare?
    Po Vasil Tole qe hodhi gurin e fshehu doren, ku eshte? Perse fshihet?
    Pse nuk u pergjigjet muzikologeve tane per qellimin e futjes arbitrare (vetem personale) te termit isopolifoni?
    Perse vazhdojne te paguhen njerez te tille qe jo vetem nuk bejne detyren per te cilen paguhen, por punojne haptas per zhberjen e thesareve tona kulturore dhe te identitetit tone kombetar?
    Kush pengon venien e ketyre njerezve para pergjegjesise?

    Reply to this comment
    • Zekthi August 23, 08:41

      Per cilen akademi flet , mor zoteri !
      A ka vertet akademi ketu , ne kete vend ? Ka ca njerez te tredhur te vendosur aty si manekin duke ju dhene nje kocke per ta lepire.
      A ka qeveri shqiptare, president shqiptar, gjykata shqiptare dhe institucione shqiptare te çdo shkalle? Ketu ka vetem hajdut te çdo marke e kalibri. KETU QENI LEH E UJKU PJERDH.
      Qeni eshte populli dhe ujku jane deputetet ,ministrat, opozita, gjykatat qe jane bere nje cirkuit i mbyllur dhe mbeshtesin njeri tjetrin.
      Te rinjt e shqiperisedhe gjithe popullin e kane shperndare neper pyjete shqiperise ku rrine 24 ore per te kultivuar hashashin per Qeverine, per deputetet , per policine e cila e ka mbjelle , e ruandhe dhe tani qe u be per te vjel, thone se “e prishem.” Nje mut prishin.
      E kane sa per propagande..
      Kjo eshte Strategjia e Qeverive shqiptare per zhvillimin e vendit.Kjo eshte rruga qe na tregojne( qe na detyrojne duke na prere buken e gojes) .
      A e perkufizon dot inderua çfar perfaqeson Akademia ? Lumturine e Zenit, Zahos apo Ministrave dhe Ministreshave te kryeministrave qe vene e vine, qe vijne, vjedhin dhe ne ikje dhjesin e lene ketu Topin eMadh per popullin dhe shkojne ne vilat e ndertuara ne gjithe boten. ?

      Reply to this comment
    • Zekthi August 23, 08:44

      Per cilen akademi flet , mor zoteri !
      A ka vertet akademi ketu , ne kete vend ? Ka ca njerez te tredhur te vendosur aty si manekin duke ju dhene nje kocke per ta lepire.
      A ka qeveri shqiptare, president shqiptar, gjykata shqiptare dhe institucione shqiptare te çdo shkalle? Ketu ka vetem hajdut te çdo marke e kalibri. KETU QENI LEH E UJKU PJERDH.
      Qeni eshte populli dhe ujku jane deputetet ,ministrat, opozita, gjykatat qe jane bere nje cirkuit i mbyllur dhe mbeshtesin njeri tjetrin.
      Te rinjt e shqiperisedhe gjithe popullin e kane shperndare neper pyjete shqiperise ku rrine 24 ore per te kultivuar hashashin per Qeverine, per deputetet , per policine e cila e ka mbjelle , e ruandhe dhe tani qe u be per te vjel, thone se “e prishem.” Nje mut prishin.
      E kane sa per propagande..
      Kjo eshte Strategjia e Qeverive shqiptare per zhvillimin e vendit.Kjo eshte rruga qe na tregojne( qe na detyrojne duke na prere buken e gojes) .
      A e perkufizon dot i nderua çfar perfaqeson Akademia ? Lumturine e Zenit, Zahos apo Ministrave dhe Ministreshave te kryeministrave qe vene e vine, qe vijne, vjedhin dhe ne ikje dhjesin e lene ketu Topin e Madh per popullin dhe shkojne ne vilat e ndertuara ne gjithe boten. ?

      Reply to this comment
  3. Tana August 22, 16:46

    Isopolifony do te thote polifoni e ngjashme (iso – e ngjashme apo e barabarte). Z. Llanaj ka te drejte qe cilesimi i polifonise shqiptare isopolifoni eshte nje maskarrallek i vertete. Kushdo qe eshte marre me ato dokumenta qe i jane derguar UNESCO-s ka qene nje tradhetar i kombit. Kjo eshte thjeshte polifoni dhe jo iso-polifoni.

    Reply to this comment
  4. logjika August 22, 20:56

    Une do pyesja, po çamet jane shqiptare apo greke?! Pse ne Greqi vallja çame publikohet si greke? Ata i thone “çamikos” dhe mburren me te. Akademia shqiptare eshte kthyer ne nje organ antishqiptar. Nuk e di çfare pune ben tani, por ajo duhet te ishte udheheqesja e gjithe jetes se shqiptareve qe ne lindjen e tyre. Po pse ndodhin keto; sepse Shqiperia eshte shitur dhe falur tek greku ne te gjitha drejtimet keto 25 vjet. Autori dihet dhe birbilon si serb. Akademia duhet te shkrihet dhe te riformohet, drejtesia po ashtu, institucionet po ashtu, administrat po ashtu, ligji per mbrojtjen e vlera po ashtu. Jane te gjithe tradhetaret e ketij vendi qe administrojne akoma pasurine dhe shpirtin shqiptar dhe Sali Berisha para se te rrezohej nga kali, i kishte menduar mire gjerat me ndihmen e atyre qe punoni me kohe per shkaterrimin e Shqiperise. Dhe sot qeveria ka nje faj: keta njerez duheshin pushuar nga puna, por ka “frike” se Saliu me banden e tij do te ngrihej ne mbrojtje te ketyre “punonjesve” qe ne fakt nuk punojne per vendin. Ne qoftese do te rregullosh diçka, duhet te marrish dhe koston ne kurriz. Me mire me kosto por me pergjegjesi ndaj Shqiperise dhe shqiptareve, se te keqen me te madhe e kemi nga keta qe punojne brenda. “Miku” po gjeti te çara ne familje, do ta zere gruan dhe vajzen, megjithese sot nje pjese i zene vete! Edhe greku kete ka bere dhe ben me Dulen, Bollanon, Barken e deri tek Nikollaq Nerenxi keto dite. Zgjidhje ka dhe te plote po te jete devotshmeria per te mbrojtur te drejten tende. Polifonia Labe ka lidur bashke me Labet atje ne male, bashke me culen dyjare atje duke ruajtur bagetite, duke kenaqur veten, duke i kenduar dashurise virgjer, por dhe kujeve e mortjeve te jetes se tij. Si ka mundesi qe çdo fshat ne Laberi ka veçantine e tij te te kenduarit ne kengen labe. Une, kur degjoja nje kenge labe e kuptoja qe e kendonte filan fshat, por sot, ne fakt, eshte konglomeruar dhe nuk kuptohet se kush fshat eshte, bile as himariotja qe kishte nje karakteristike te veçante, apo pilurjotja. Te gjithe kane te drejte te kendojne dhe si te duan, por kur kendojne duhet ta theksojne qe tani do kendohet nje kenge dukatase, apo terbaçiote apo vranishtiote, apo progonaçe, apo picariote etj. Ku eshte instituti folklorit ne mbrojtje te vlerave? Kush e drejton polifonine apo shoqatat qe jane si shoqata per te drejtat dhe lirite e njeriu qe mbasi vriten njerezit ne lufte, protestojne se u jane shkelur te drejtat te vdekurve! Keshtu do te vazhdoje ministria e kultures se shtetit tene? Pse Yzeir Llanaj me shoqaten do te mbroje kete vlere sa shqiptar aq dhe nderkombtare, i vetem? Shoqatat jane shoqata, sot jane neser s’jane, ndersa shteti ka institucione qe e detyrojne, ndryshe s’quhet shtet, por bordello. Dhe ne bordello shkojne te gjithe edhe greke si Barka me shoke edhe shqiptare te vetquajtur.

    Reply to this comment
  5. MH August 22, 21:11

    Bravo Tana.
    Nji mendim i shkelqyer per ti dhen mende atyre qe nuk nuk kane,e nese kane,nuk dijne pse mbajne kumtesa per realitetin e muzikologjise folklorike shqiptare.
    Iso vjen nga greqishtja qe don te thot i ngjashem apo i barabarte.Kete e kemi ndeshur ne kimin organike me termin Izomer ose izomeria e hidrokraburve.
    Asht tjere Polifoni dhe tjeter isopolifoni.Iso polifoni mundet ta perdorin greket por jo ne per origjinaliten e krijuar ne embrionin e genit te folklorit shqiptare.Ata duhet pa dyshim qe dhe fustanellen ta quajne isofustanell po jo fustanell.Fustanella i perket etnografise te tabanit te popullsise se Jugut shqiptare.Laberise kreshnike e te fuqishme.
    Pershendetja perzemersisht TANA!

    Reply to this comment
    • Baron August 22, 23:42

      Fustanella ka qene veshja e te gjithe shqiptareve, jo vetem ne Shqiperine e jugut, por edhe ne tere zonat ku flitet dhe eshte folur me pare shqip. Ne lashtesi fustanella ka qene veshja e te gjitha fiseve ilire nga brigjet e Danubit ne veri e deri ne gjirin e Artes ne jug e deri ne lumenjte Morava e Vardar ner lindje, na thote studiuesi i saj dhe themeluesi i etnografise boterore Franz Baron Nopcsa.

      Reply to this comment
  6. Nene Pashako D. August 22, 22:50

    Nje sygjerim:
    Kengetaria e vetme ne grup,vendin e ka;mes BURRAve

    Mire e keni qe diskutoni se nga ketej, del e vertea.. Nuk jam profesionist,po do te them mos i ngjan asaj thenies: -JO USH po GOMAR !
    Sa per Akademine,keni te drejte Eshte ne thellesie gjumit…
    Gjume te embel sa te zgjohen dhe ata “te fjeturit nje ejete -“akademike”.
    Nje sygjerim jashte “teme”- po ka “thelb”

    Si e lini nje zonje a me mire nje “Kanerine”, a “gjeraqine”, ne cep te burrave, kur dilni ne skene?!
    O te miret “LEBER”.
    Nje fotografist i mire sa skenografi asaj cfaqie, nuk do ta lejonte kete; fyerie per mua..
    Ajo kengetare e ka vendin mes burrave.
    Miqesisht, mos e perserisni me !.
    Ju kam mbi krye siper per sa kendoni .
    Paci URATEN .
    Nene Pashako D.

    Reply to this comment
  7. shabani August 23, 08:59

    Mos u beni qesharak vete emri polifoni eshte grek boll na çate ka…..n po te ishte shqiptare do kish dhe emrin shqiptar,

    Reply to this comment
  8. demo August 23, 11:54

    Polifonia eshte nje margaritar i popullit shqiptar te Toskerise dhe te Epirit.Epirin e pushtuan greket dhe bashke me truallin dhe popullsine grabiten folklorin,veshjen dhe kengen.Polifonia kendohet vetem ne ato vende te Greqise se sotme ku banojne SHQIPTARE. Quaji Arvanite,quaji Arbereshe,quaji Epirote,ata mbeten shqiptare.Rrenja e polifonise ne Ballkan eshte TOSKERIA.Ku ka greke nuk ka polifoni.Greket safi,qe banonin ne Turqi,Atike,Thesali,Pond,nuk e njohin polifonine,as fustanellen,as xhubleten ,as xhamadanin.Keto jane vlera me rrenje ARBERORE.Deri ne fillim te viteve 80,populli shqiptar qe kendonte kenget polifonike,nuk e njihte termin iso-polifoni.Ky eshte nje hibrid i sajuar nga ca shtirraqe studiues,qe benin sikur thurnin “Rrobat e Mbretit”Polifonia Toske eshte nje mbret qe nuk ka nevoje per veshjet e stisura.Termi Iso-polifoni i sherbeu grekeve per te na lene kopilin “isopolifoni” ne dere dhe per te mbajtur per vete kengen polifonike shqiptare,ashtu si kane bere me cdo vlere te popullit shqiptar.

    Reply to this comment
  9. demo August 23, 13:16

    Cdo gje e cpikur,eshte e cpifur ne korigjimin e vlerave te tradites shqiptare.Te sajosh terminologji hibride,do te thote te luash ne fushen e kundershtarit me kushtet,qe te ve ai.Sajimi i termit isopolifoni nga disa folkloriste te pakulture,dergoi uje ne mullirin e Panajot Barkes.Keta “studiues deshen t`i vene vetulla polifonise se jugut,por i nxorren syte me termin e cpifur iso -polifoni.Duke dashur t`ja cojne rrenjet madheshtore deri tek kreshniku i mitologjise greke Akili,e derguan polifonine e jugut drejt Greqise,sepse bota e njeh Akilin per grek,e njeh Homerin si grek,e ka lexuar Iliaden ne gjuhen greke.Cdo fantazi e cpifur injorantesh,qe e ben Akilin dhe heronjte e perrallave greke te lashtesise si pellazge,ilire,shqipfoles,qe i spjegon emrat e tyre pa asnje kriter shkencor me gjuhen shqipe,dergon uje ne mullirin e Greqise.Nuk ja kthen dot mendjen botes,qe ka 2000 vjet qe ato mite i lexon ne gjuhen greke.Te spjegosh emrin Alexander me shqipen -A le si ne anderr-,do te thote qe bota te tregoje barsaleta per shqiptaret.Me keto cpifesira jo vetem nuk i mbush mendjen kujt,por rrezon monumentet qe ngriti ky popull autokton per mijra vite,rrezon monumentet shkencore,qe ngriti studiuesi i folklorit muzikor,Ramadan Sokoli dhe albanologu me i madh i shek.XX Eqerem Cabej.Ne sjelljen me greket,sllavo-maqedonasit e sotem jane mjeshtra.Kane kopjuar fjalimin e oratorit grek te lashtesise Demostenit,”Filipiket”,ku ai deklaron ndryshimet midis popullit grek dhe popullit Maqedonas dhe ja kane varur grekeve te sotem ne cdo pike doganore me Okelion-KUR FLET SHKENCA,HESHTIN TE TJERET.Po ashtu u kane varur dhe analizat gjenetike te popullit te sotem grek,ku ata dalin 20% sllave,dhe vetem 4% maqedonas.Ne shqiptaret kemi shume me teper material shkencor ne kete drejtim.Babai i historise se lashte greke deklaron:Fiset greke shtrihen deri ne jug te gjirit te Ambrakise(Gjiri Prevezes},ne Veri te gjirit te Ambrakise jetojne THESPROTET,MOLLOSET,KAONET,QE JANE BARBARE.Merri keto deklarata shkencore,vari ne nje tabele ne Kakavije,sic bejne Maqedonet dhe le ta gjeje Epirin grek Panajot Barka!

    Reply to this comment
  10. demo August 23, 16:59

    Termi polifoni vertet eshte marre nga greqishtja e vjeter per te shprehur nje menyre te kenduari me shume zera,por ka vlere nderkombetare .Shume emertime te artit dhe shkences,madje edhe zbulime te reja shkencore ne te gjitha anet e globit,per tradite emerohen ose ne latinisht ose ne greqishten e vjeter,megjithese nuk kane te bejne as me greket as me latinet.Mjaft te permend termat Kardiologji,Sizmologji, Kozmogoni etj.
    Agopunktura eshte nje term grek,per te shprehur nje specialitet te mjeksise tradicionale Kineze .Sipas logjikes se @Shabanit,meqenese termi eshte grek,kinezet duhet ta kene vjedhur nga Greket!!!!
    Shumica e elementeve kimike qe zbuloi Mendelejevi,i emertoi o greqisht o latinisht,Greket as qe i njihnin keto
    elemente.!

    Reply to this comment
  11. Pellazgos August 23, 18:55

    Shqiperia eshte 104 vjet shtet dhe nuk mund te thuash qe per 500 vjet turqi,1000 vjet Bizant Greke,700 vjet Rome qe kjo eshtr Shqipetare para 1912.
    Kur thone Historianet apo Arkeolloget periudhe apo qytet Romake nuk thonr qytet Italiane p.dh Theateri Romake I Dirresit pse?
    Sepse injoranca eshte semundja me e madhe e njeriut.
    A nuk ishte nga Lunxheria Evanhjelos Zapas qe ne kohen e Turqise hapi rreth 150 skolia Greke pse greke dhe jo “shqipetare”ne qofte se ishte I tille?
    A nuk ishte turqi atehere ne Albanistane?
    Ne qofte se ishte “shqipetare” pse nuk I beni edhe atik nje bust ta nderoni qe solli Lojerat Olimpike ne Greqi.
    Apo I kishte parate e tij dhe jo si Tereza qe me parate e Vatikanit “ndihmonte” te varferit ne Indi por me nje kusht si Mision are qe te kthente bedimin e tyre ne emer te bukes se hojes.

    Reply to this comment
  12. arbereshi August 24, 18:25

    Po cmereni me Barken, ai nje fshatar medioker eshte nuk eshte as historian as etnolog as folklorist nje njeri me inferioritet fshatari te cilit gjeneral gramafoni (JANULLA) i jep nje copeleter kohe mbas kohe,Barkes, Dules dhe lapangjozeve te tjere, dhe ju thote lexojeni tani dhe ata e lexojne. MERUNI ME JANULLEN dhe lerini karagjozet e tjere.Por duhet te meremi te gjithe aman

    Reply to this comment
  13. Gjondar August 24, 19:38

    Më duket se po flitet shumë dhe nuk po na thuhet gjë.
    Vesi i rëndomtë i shumë njerëzve është ai i të folurit në të nxehtë dhe shpeshherë pa pasur as njohuritë e duhura. Sot fatmirësisht nuk mungojnë të dhënat për t’u dijësuar, por dembelizmi të bën t’i biesh shkurt dhe të japësh mendime për gjithçka. Sikur të na kishte më shumë rëndësi mendimi sesa llogjika!

    Për sa i përket emërtimit “isopolifoni”, nuk ka asgjë “greke të sotme” aty.
    Ja si do të ishte zbërthimi në shqipen e sotme.
    Iso- i njëjtë, në shqip përket me fjalën “isoj”, “zo, zë” dhe kuptimi tjetër “soj”.
    poli- shumë, në shqip është “polli, me pjellur” . Fjala “Boll”, edhe kjo nënkupton “shumë”. Mund të kujtojmë kultin e pjellorisë etj.
    Fonia apo phonia, nuk është më shumë se “folia” “Fol”.

    Si dashamirës i i këtyre themave dhe çdo gjëje me vlerë që bartim në kulturë dhe si shqiptarë, bëra një kërkim në rrjet për më shumë të dhëna, për sa po flitet. Nga sa lexova, më duhet të them se shumë gjëra më lart janë shprehur pa lexuar punim e z.Tole.
    Dhe mos harroni:” Shqiptarët i ngjajnë një fëmije që prindërit i lanë trashëgim shumë pasuri, por hajdutët dhe zgjuarsirat ( njerëz pa parime dhe etikë njerëzore, edhe pse mund të jenë inteligjentë) ia vodhën dhe e flakën rrugëve sikur të ishte një endacak.” Madje kanë dashur edhe ta zhdukin fare. Kjo është e vërteta që nuk i lë të qetë ata, sot e mot!

    Ju uroj mirësi të gjithëve!

    http://worldmusiccentral.org/2004/12/28/the-origin-of-albanian-folk-iso-polyphony/

    Reply to this comment
  14. demo August 27, 18:00

    @Gjondar,po kur flet per logjike,me c`llogjike i ke “zbuluar” ato etimologji.Ne c`ligjesi gjuhesore je mbeshtetur?U bere si Roshi,,qe ka autoresine e shpjegimit te emrit Aleksander-A le si ne anderr.Rruges Egnatia nga shqipja -E gjate-e njate.Po sikur ajo fjala -boll-mjaft(,qe ti e krahason me fjalen greke Poli-shume),te jete nje huazim turk,cfare i mbetet studimit tend serioz?

    Reply to this comment
    • Gjondar August 30, 01:53

      Soti demir, më duket se nuk përdora fjalët më lart si shembull! Nëse ju e kaloni kohën duke lexuar shpjegime të tilla, do t’i qendroni larg së vërtetës. “Gjërat e shenjta njerëzve të shenjtë”. thoshte Hipokrati i mjekësisë.

      Tani, iso dhe izo janë e njejta gjë! Shembull “i gjo” d.m.th “ni apo nji gjë”> nji zo apo një zë, duke qënë se po flasim për zë, zëra dhe jo zero!
      Llogjika është e ruajtuar në gjuhën shqipe. Aty janë dhe ligjet që shkojnë përtej edhe çfarë përmban lidhja më poshtë.
      https://en.wikipedia.org/wiki/Indo-European_sound_laws

      Gjithsesi ka ardhur koha që “fëmija” të marrë pasurinë e trashëguar!

      Sa për boll dhe poll:

      Boll>poll>pholl>foll
      Ballë>pallë>phallë>fallë

      etj etj etj

      Mjafton si shembull me llogjikë!
      Të tjerat me kohën.

      Reply to this comment
  15. lis dushku August 27, 19:58

    @pellasgos!Nuk ka pasur Bizant greke si thua ti,por ka pasur Perandori Romake te lindjes e themeluar nga perandori romak Kostandini i madh,qe nuk ishte grek,Edhe Greqia,edhe Arberia kane qene pjese te asaj perandorie multinacionale,qe ka pasur me shume perandore Ilire,Maqedonas,Siriane,Armene,Gote,se sa greke.E vetmja gje greke qe kishte ajo perandori 1000 vjecare,ishte perdorimi i gjuhes se shkruar greke krahas gjuhes latine.Shkronjat greke i perdori edhe Aleksandri i madh dhe dinastia e Ptolemenjve,qe nuk ishin greke,i perdori Krishti qe nuk ishte grek.
    Ne Labove jane dy lagje te te njejtit fshat,qe quhen:Labove e Kryqit dhe Labove e Zhabes.Aty lindi edhe pasunari Vangjel Zhaba,qe ti e quan Evanhjelos Zabas.Ai eshte aq grek,sa eshte bashkefshatari i tij i nderuar Arben Duka grek.Pasuria e tij eshte pasuria e popullit Rumun,te cilen e pervetesoi me mjeshteri prej magjistari.Mbreti Rumanise kishte nje djale hemofilik(semundje gjaku),te cilen Zhaba mori persiper ta sheroje. me bime popullore.Si shperblim per kete nder,mori si prone siperfaqe te medha tokash ne Dobruxhe,qe qelluan naftembajtese.Gjithe kete pasuri ja fali Greqise.Per fshatin e lindjes ndertoi shkolla greke,kisha greke,qendra vorfnore dhe spital.Bashkemoshatari dhe bashke krahinari i tij Koto Hoxhi,perhapi arsimin ne gjuhen shqipe,shkroi ne gjuhen shqipe,prandaj e vrau kunata nje dite ne perrua, sepse kisha e kish mallkuar dhe vetem familja e saj nuk perfitonte nga ndihmat e Vangjel Zhabes.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim