Ruçi: Nuk ka Kushtetutë që të japë rekomandime më të mira se fëmijët

June 1, 2018 12:36

Ruçi: Nuk ka Kushtetutë që të japë rekomandime më të mira se fëmijët

 

Kreu i Kuvendit Gramoz Ruçi ka pritur në sallën e seancave plenare një grup fëmijësh, të cilët me çiltërsinë e tyre bënë kritika dhe dhanë sugjerime.

“Dëshiroj t’u them që në fillim që më e nderuara në detyrë është misioni im si kryetar i grupit të deputetëve “Miq të fëmijëve”. Unë i dëgjova me shumë vëmendje vërejtjet, sugjerimet dhe rekomandimet që prezantuat përmes gjetjeve të raportit “Zëri i të rinjve të Shqipërisë” për 2017. Zakonisht ne të zgjedhurve nuk na vjen mirë kur kritikohemi, po ua them sinqerisht që u ndjeva mirë kur dëgjova ato kritika nga zëri juaj dhe çiltërsia juaj. Nuk ka Konventë e Kushtetutë në botë që të japë rekomandime e të formulojë detyrime më të mira e më të drejta se sa mesazhet që ju dhatë sot. Jeni burimi më i drejt për drejtë, më gjithëpërfshirës i së drejtës për çdo ligj që ne hartojmë”, tha Ruçi.

Ai tha se edhe përfaqësuesit e popullit kanë nevojë për mirësinë dhe dashurinë e fëmijëve.

Ne si përfaqësues të popullit kemi nevojë dhe për mirësinë, dashurinë dhe buzëqeshjen tuaj por mbi të gjitha kemi nevojë për sugjerimet tuaja, kritikat tuaja, vërejtjet dhe rekomandimet e problemeve që mbart kjo kategori shoqërore”, tha ai.

Ai vlerësoi mësuesit për të cilët tha se ka ende shumë për të bërë për misionin e tyre. “Garantoj se do të bëj të gjitha përpjekjet që Kuvendi i Shqipërisë të hartojë ligje më të mira për arsimimin që ju fëmijët tanë të fitoni shkollim më cilësor, të krahasueshëm me moshatarët tuaj europianë”, vijoi ai.

a.s/dita

June 1, 2018 12:36
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*